Basic Democracy Training – Burmese Version by Salai Kipp Kho Lian

Legacies of Panglong

Comment ရေးရန် (no comment)

ပင်လုံ အမွေအနှစ်၏ ကျေးဇူးတရားများ

တိုင်းရင်းသားလူမျိုးများ ၏ ပြည်ထောင်စု အရေး

တိုင်းရင်းသားလူမျိုးများ က နှစ်ပေါင်း (၆ဝ) ကျော် တစိုက်မတ်မတ်တောင်းဆိုလာခဲ့ကြသည်မှာ မိမိတို့ဆုံးရှုံးခဲ့ရသော ကိုယ်ပိုင် အုပ်ချုပ်ခွင့်၊ ကိုယ်ပိုင် ပြဋ္ဌာန်း ပိုင်ခွင့် တို့ကို ပြန်လည်ရရှိရေး ဖြစ်သည်။ ယနေ့ကာလတွင် တိုင်းရင်းသားလူမျိုးများ ၏ အခွင့်အရေးများကို နိုင်ငံရေးအရ အာမခံချက် ရှိ သော ဖက်ဒရယ် ဒီမိုကရေစီ ပြည်ထောင်စု စနစ်အားဖြင့် သာလျင် ဖေါ်ဆောင် နိုင်မည် ဖြစ်ကြောင်း၊ ထာဝရ ငြိမ်းချမ်းရေး ကိုလည်း ဖက်ဒရယ်ပြည်ထောင်စု ကိုတည်ဆောက်မှသာ ရရှိနိုင်မည်ဖြစ်ကြောင်း ပြည်တွင်း မီဒီယာများ၊ နိုင်ငံရေးပါတီများ၊ (ဂဂ) မျိုးဆက်များ က ပြောဆို ရေးသား လာကြသည်။ လက်ရှိ ၂ဝဝဂ အခြေခံဥပဒေသည် တိုင်းရင်းသား လူမျိုးများ ၏ လိုလား ချက် များ နှင့်မကိုက်ညီ ကြောင်း အစိုးရဖက် နှင့် စစ်ဖက် တာဝန်ရှိ ပုဂ္ဂိုလ်များ က လည်း ဝန်ခံထားပြီး ဖြစ်ကြောင်း ကိုလည်း မီဒီယာများမှ တဆင့် ထောက်ပြကြသည်။ ၂ဝဝဂ ခြေခံ ဥပဒေ ပြင်ဆင်ရေး သည် တိုင်းရင်းသားလူမျိုး တရပ်လုံး ၏ ယုံကြည်မှု ကိုးစားမှု နှင့် ဆက်စပ် နေကြောင်း ဖေါ်ပြလာကြသည်။ လူနည်းစု ဖြစ်သော တိုင်းရင်းသားလူမျိုးများ ၏ ပြည်ထေင်စု အရေးကို လူများစု ဗမာတိုင်းရင်းသား များမှ ကုန်လွန်ခဲ့သည့် အနှစ် (၆ဝ) ကျော်ကာလ အတွင်း ယနေ့ ကာလကဲ့သို့ အားနှင့်အင်နှင့် ထုနှင့်ထည်နှင့် ရေးသား ပြောဆို ဆွေးနွေးမှု များ မရှိခဲ့ဘူး ပေ။ ရှိခဲ့ဘူးပြန်လျင်လည်း အာဏာရှင် စစ်အစိုးရတို့၏ ဝါဒဖြန့်ချီရေး များသာဖြစ်ပြီး ဆားမပါသော ဟင်းကိုစားရသလို အနှစ်မဲ့ကာ မြိန်ယှက်မှု မရှိခဲ့ပေ။ ယနေ့ မီဒီယာ များ လွတ်လပ်လာသည်နှင့်အမျှ အိုင်ဒီယာများ၊ အယူအဆများ၊ သတင်းအချက်အလက်များ ဖလှယ်မှု မြင့်တက်လာကာ လူငယ် မျိုးဆက်သစ် တို့ အကြား အတွေးသစ် အမြင်သစ်များ၊ ရှုထောင့်အသစ်များ၊ ရပ်တည်ချက် အသစ်များဖြင့် နိုင်ငံရေး ရေချိန်တို့လည်း ယခင်ကနှင့်မတူ မြင့်တက် နိုးကြား လာသည့် သဘော ဖြစ် သည်။ လတ်တလော ကာလတွင် အကောင် အထည် ဖေါ်ဆောင်ရန် အခက်အခဲ အဟန့်အတားများရှိနေ သေးသည့်တိုင်အောင် တနေ့ တချိန် မကြာတော့သောကာလ စစ်မှန်သော ပြည်ထောင်စုကြီး ပြန်လည်ထူထောင်ရေး အတွက် အားတက် စရာဖြစ်သည်။ ပြည်ထောင်စုအရေးသည် ကျန်တိုင်းရင်းသား လူမျိုးများ ၏ အရေး သက်သက် မဟုတ်ပဲ အများစု ဖြစ်သော ဗမာတိုင်းရင်းသားတို့ ကပါ တက်တက်ကြွကြွ ဦးဆောင် ပါဝင် လုပ်ဆောင်ရမည့်အရေးအဖြစ် သဘောပေါက် လာကြသဖြင့် လူများစု အတွက်ရော လူနည်းစုတို့ အတွက် ပါ တတိုင်းတပြည်လုံး၏ အနာဂတ်အတွက် ကောင်းသော လက္ခဏာ တရပ် ဖြစ်သည်။ ဒီမိုကရေစီ ထွန်းကားသော ပြည်ထောင်စု ခေတ်သစ်ဆီကို ဦးတည်သည့် ပြန်လည် စုစည်းမှု အမှတ် လက္ခဏာတရပ် ပင်ဖြစ်သည်။ ပင်လုံ ကတိကဝတ် တို့၏ အခြေခံပေါ်တွင် ပြည်ထောင်စု ရေးရာ၊ စိတ်ဓါတ်ရေးရာအရ၊ အတွေးအခေါ်ရေးရာ အရ ပြန် လည် ဆုံစည်း လာကြခြင်းဖြစ်သည်။ ပင်လုံ အမွေအနစ် မှရရှိသော ဆုမြတ် နှင့် အကျိုးကျေးဇူးတို့သည်ယနေ့ထိတိုင်အောင် အားကောင်းဆဲ၊ မောင်းသန်ဆဲ၊ စည်းလုံးမှု၊ စုစည်းမှုတို့ကို ပေးနိုင်ဆဲ၊ သက်ရောက်မှု ရှိနေဆဲ ဖြစ် သည်။

ကျောက်ကောင်း တလက်၊ သူရဲကောင်း တဦး

ကျွန်တော်တို့၏ နိုင်ငံသမိုင်းတွင် တချိန်တခါက ပင်လုံတွင် တတင်္ဂအားဖြင့် တည်ဆောက်ခဲ့ဘူးသည့် စုစည်းမှုမျိုး ယခုတဖန် “ပြန်လည်” မြင်တွေ့ရခြင်းဖြစ်သည်။ တချိန်တခါက ဗမာ တိုင်းရင်း သား များ ထဲမှ ဗိုလ်ချုပ်အောင်ဆန်း ဟူသည့် လူပုဂ္ဂိုလ်ထူးတဦး တယောက် ၏ ကြီးမား သော အမျှော်အမြင်တခု ဖြစ်သော်လည်း သူ ကိုယ်တိုင် နှစ်နှစ် ကာကာ အသက်ပေး ချစ်ခဲ့ရသော ဗမာ အပါအဝင် လူမျိုးပေါင်းစုံ တိုင်းရင်းသား ပြည်သူတရပ်လုံးအတွက် ကုန်လွန်ခဲ့ သော အနှစ် (၆ဝ) ကျော် အတိတ်ကာလတွင် တဦးတည်း ကြိတ်ခါ ကြိုကြိုတင်တင် မက်ခဲ့ရသည့် ငြိမ်းချမ်း ရေး အိပ်မက် ဟောင်းတို့သည် လူမိုက်တို့၏လက်ထဲတွင် ရေတိမ်မြုပ်ကာ ပြည်ထောင်စုအဝှမ်း ပြည်တွင်းစစ်ကြီးဟုန်းဟုန်းတောက်လောင်ပြီး ဗမာအပါအဝင် ဖြစ်သော လူမျိုး ပေါင်းစုံပြည်သူတို့ သွေးချောင်းသွင်သွင် စီး ခဲ့ရသည်။ ယင်း အာဇာနီ သူရဲ ကောင်းကြီး၏ ငြိမ်းချမ်း သော ပြည်ထောင်စုကြီး ထူထောင်ရေး အတိတ် အိပ်မက်ဟောင်းတို့သည် ယနေ့ မြန်မာ လူငယ် မျိုးဆက် သစ် တို့၏ အနာဂတ် အိပ်မက်သစ် တခု အဖြစ် နွံထဲမှ ပြန် ပေါ်လာသည့် ကျောက်ကောင်းပမာ အသစ်တဖန် ပြန်လည် လှုပ်ရှား ရှင်သန် လာခြင်းဖြစ်သည်။ ကျောက်ကောင်းမှန်လျင် နွံမှာနှစ်သော်လည်း မညစ် သကဲ့သို့၊ စစ်မှန်သော အာဇာနည် သူရဲ ကောင်းတို့သည် လူသေသော်လည်း သူတို့၏ နာမည် နှင့် အတွေးအခေါ် တို့သည် တိမ်ကော ပျောက်ကွယ် ရိုးထုံးစံမရှိပေ။

ကမ္ဘာနှင့်ချီပြီး ကြာမြင့်သွား ရသည့် ပင်လုံ ခရီး

အာဘရာဟမ်လင်ကွန်းကပြောခဲ့ဘူးသည်မှာ “သစ်ပင်တပင်ကို ခုတ်လှဲဖို့ အချိန် (၆) နာရီပေးပါ၊ ပထမ (၄) နာရီအတွင်း ပုဆိန်ကို ကျွန်တော်သွေးမယ်”ဟူ၏။ အာဏာရှင်စနစ်ကိုလည်း ရွံမုန်း၊ ဖက်ဒရယ် ဆိုပြန်တော့လည်း အကြောက်ကြီးကြောက်၊ “ဖက်ဒရယ် ခွဲထွက်ရေးမူ” ဟူသောတုံးနေသည့် ပုဆိန်ဖြင့် အပင်အို ကိုခုတ်လှဲ ရန် ကျိုးစားခဲ့ကြဘူးပြီ။ ချွေးထွက်သာများခဲ့သည်၊ စည်းလုံးမှု၊ စုစည်းမှုတို့ ကိုမဆောင်ကျဉ်း နိုင်သဖြင့် လွတ်မြောက်ရေး လမ်းကြောင်းပေါ်သို့ မတက်လှန်းနိုင်ခဲ့ကြပေ။ အပင်အိုကတော့ တုတ်တုတ်မျှမလှုပ်ခဲ့။ အာဘရာဟမ် လင်ကွန်း ၏အလိုအရဟူမူ ပထမ (၄) နာရီအတွင်းပုဆိန် ကိုသွေး လိုက်ခြင်းသည် တချက်ပင်မခုတ်ရသေးသော အပင်အိုအား ထက်ဝက်မျှ ခုတ်ထားပြီး သကဲ့သို့ဖြစ်သည်။ ဆိုလိုသည်မှာ သစ်ပင်ကို သဲကြီးမဲကြီးခုတ်ထစ်ခြင်း ထက်၊ ယင်းသစ်ပင်ကို အမြန်ဆုံး အပြီးသတ် ခုတ်လှဲနိုင်ရေးအတွက် အရေးအကြီးဆုံးနှင့် ပထမဦးဆုံး ဦးစားပေး ပြုလုပ်ရမည့် အလုပ်မှာပုဆိန် ကိုထက်မြက် နေအောင် ဦးစွာပထမ သွေးထား သည့် အလုပ် ဖြစ် သည်။ ထက်မြက်သော ပုဆိန် နှင့်တူသည့် ထက်မြက်သော ပင်လုံ အတွေးအခေါ် နှင့် ဖက်ဒရယ်ပူးပေါင်းရေးမူ အားဖြင့် သာလျင် ပင်လုံ ပြည်ထောင်စု ကြီးကို အလျင်အမြန် မျက်မောက်ပြုကာ စစ်ပွဲများငြိမ်းသော စည်းလုံးသော ပင်လုံနိုင်ငံတော်ကြီးကို ကမ္ဘာ့ အလယ်တွင် တင့်တယ် စွာ ပြန်လည် ထူထောင်နိုင်ကြမည် ဖြစ်သည်။ မိမိတို့၏ လွတ်လပ်စွာ တွေးခေါ်ပိုင်ခွင့်ကို ထိထိရောက်ရောက် အသုံးမပြု နိုင်ခဲ့ ကြသဖြင့်၎င်း၊ အသုံးပြုရန်ပျက်ကွက်ခဲ့ကြသဖြင့်၎င်း၊ “ဖက်ဒရယ် ခွဲထွက်ရေးမူ” ဟူသော အာဏာရှင် ၏ မှိုင်းတိုက်သွေးခွဲမှု ကို ဆယ်စုနှစ်နှင့်ချီပြီး ရိုးသားသော ဗမာတိုင်းရင်းသားတို့ အယုံကြီး ယုံမိခဲ့ကြဘူးပြီ။ ဤသို့ဖြင့် ပြည်သူတို့၏ ပင်လုံ တကျော့ပြန်ခရီး သည် နှစ်ပေါင်း (၆ဝ) ကျော်ကြာမြင့်ခဲ့ရသည်။ နှစ်ပေါင်း (၆ဝ) ကျော် ဟူသည်မှာ သက်တမ်းတရာ သာရှိသော လူသား များအတွက် ကမ္ဘာနှင့်ချီပြီးကြာမြင့် သလိုဖြစ်သွားခဲ့ရသည်။ အမှန်တကယ်အားဖြင့် စစ်မက်ပဋိပက္ခများ ကင်းရှင်းသော၊ ငြိမ်းချမ်းသော ဖက်ဒရယ် ပြည်ထောင်စုကြီး ကိုထူထောင်ရန်အတွက် ချစ်ခင် လေးစား အပ်သော ဗမာမျိုးချစ်ခေါင်းဆောင်ကြီး ဗိုလ်ချုပ် အောင်ဆန်းနှင့်အတူ တိုင်းရင်းသားလူမျိုးစုတို့ အဆင်သင့်ဖြစ်ခဲ့သည်မှာ ကြာမြင့် လွန်းခဲ့ပြီ ဖြစ် သော်လည်း ဗမာတိုင်းရင်းသားညီအစ်ကို တို့သည် အာဏာရှင်၏ လှည့်ဖျားမှု ကိုအလွယ်တကူ ယုံစားမိခဲ့ကြသဖြင့် မကြာသင့်ပဲ ကမ္ဘာ နှင့်ချီကြာညောင်း ခဲ့ရ သည်။ ရှည်ကြာသော ပြည်တွင်းစစ်ကိုပင် တိုင်းရင်းသား ပြဿနာ ဟူ၍ တမျိုး၊ လူမျိုးစု ပြဿနာ ဟူ၍ တဖုံ မှားယွင်းစွာ ကင်းပွန်းတပ်ခဲ့ကြသည်။ ဖက်ဒရယ်ပြည်ထောင်စု ထူထောင်ရေး တောင်းဆိုသူများကိုလည်း အဖျက်သမားများ၊ ခွဲထွက်ရေးသမား များအဖြစ် အပုတ်ချခဲ့ကြသည်။ အမှန် တကယ် တွင်မူ တိုင်းရင်းသား လူမျိုးစုတို့ စတင်ခဲ့သည့် နိုင်ငံရေးပြဿနာ မဟုတ်မူပဲ ဗမာ တိုင်းရင်းသား တို့၏ ရိုးသားစွာမသိနားမလည်မှု ကြောင့်ဖြစ်ပေါ်ခဲ့ရသော ဗမာ တိုင်းရင်းသား တို့၏ ပြဿနာ၊ တနည်းအားဖြင့် ဗမာပြဿနာ သာဖြစ်ပေသည်။ ဗမာ ကျောင်းသား လူငယ်များ က ဦးဆောင် ခဲ့ပြီး၊ လူမျိုးပေါင်းစုံပြည်သူတရပ်လုံ ပါဝင်ဆင်နွှဲခဲ့ကြသည့် ရှစ်လေးလုံး ဒီမိုကရေစီ အရေးတော်ပုံကြီး ၏ အရှိန်အဟုန်အားဖြင့် အာဏာရှင်၏ “ဖက်ဒရယ်၊ ခွဲထွက်ရေးမူ” ဟူသည့် ယုံတမ်းစကား ဖြင့် အစီအစဉ်ရှိရှိ တည်ဆောက်ထားခဲ့ သော အမှောင်တိုက် မောဟ တံတိုင်းကြီး သည် လည်း ပြိုလဲပျက်စီးခဲ့ပြီဖြစ်သည်။ ယနေ့ အမြင်သစ်များ ပွင့်လင်းလာသောခေတ်တွင် ဖက်ဒရယ် ပြည်ထောင်စု ပြန်လည် ထူထောင် ရေး သည် ကမ္ဘာ နှင့်ချီပြီးထပ်မကြာသင့်တော့ပေ။ ဗိုလ်ချုပ်အောင်ဆန်းနှင့်အတူ တိုင်းရင်းသားခေါင်းဆောင်များ က ပုဆိန်ကိုထက်နေအောင် သွေးထားပေး ခဲ့ပြီး ဖြစ်သည်။ ယင်းပုဆိန်ကို လူမျိုးပေါင်းစုံပြည်သူတို့ ယနေ့ ကောက်ကိုက်လိုက်လျင် ပြည်သူတရပ်လုံး အငမ်းမရမျှော်မှန်းခဲ့ကြရသည့် ငြိမ်းချမ်း သာယာ သော ဖက်ဒရယ်ပြည်ထောင်စုကြီး ကိုမနက်ဖန် ဧကန်မလွဲ မျက်မောက် ပြုနိုင်ကြတော့မည်ဖြစ်သည်။

ပင်လုံ နှင့် ကမ္ဘာလုံးဆိုင်ရာ ဒီမိုကရေစီ အတွေးအခေါ်

ပင်လုံ ဟုဆိုလိုက်သည်နှင့် လူတော်တော်များများက ရှမ်းပြည်တွင်ရှိသော ပင်လုံ အမည်တွင်သည့် နေရာ၊ဒေသ ကို၎င်း၊ ပင်လုံစာချုပ် ကိုရေးထိုးခဲ့ကြသည့် ၁၉၄ရ ခုနှစ် အချိန်ကာလလေးတခု ကို၎င်းပြေး၍ တွေးမိ မြင်မိ ကြပေလိမ့်မည်။ အမှန်မှာ ပင်လုံဟူသော စကားလုံးသည် ပြည်ထောင်စုမြန်မာ နိုင်ငံ၏ ခေတ်သစ် နိုင်ငံရေးသမိုင်း တွင် အရေးကြီးသော နိုင်ငံရေးဝေါဟာရ တရပ်ဖြစ်ပြီး နေရာ၊ဒေသ နှင့် အချိန် ကိုသာ ရည်ညွှန်း နေသည်မဟုတ်ပေ။ ပင်လုံဟူသည့် စကားလုံးတလုံးကို နိုင်ငံရေးဝေါဟာရ အမြင်ဖြင့် ချည်းကပ် အဓိပ္ပယ်ဖွင့်မည်ဆိုလျင် “ပင်လုံ” ဟု ဆိုလိုက်သည်နှင့် တန်းတူရေး၊ လွတ်လပ်ရေး၊ ပူးပေါင်းရေး၊ ပြည်ထောင်စုအရေး၊ ဒီမိုကရေစီရေး၊ ထာဝရ ငြိမ်းချမ်းရေး စသည့် ကမ္ဘာလုံးဆိုင်ရာ ဒီမိုကရေစီ (Universal Democracy) အယူအဆများ ကို “ပင်လုံ” ဟူသော စကားလုံး တလုံးတည်းကို umbrella term တခုအဖြစ်သုံးပြီး principles of democracy ခေါ် ဒီမိုကရေစီ တရား များကို ပေါင်းချုပ်၍ပြောဆို ရေးသား လိုက်ခြင်း သာ ဖြစ်သည်။ “ပင်လုံ” ဟူသည့် နိုင်ငံရေးဝေါဟာရ တွင် အပြန်အလှန် ယုံကြည်မှု၊ အပြန်အလှန်လေးစားမှု၊ အပြန်အလှန် အသိအမှတ် ပြုမှု များ စသည့် ငြိမ်းချမ်း သာယာ သော ပြည်ထောင်စု တခုကိုအောင်အောင်မြင်မြင် ထူထောင်ရန်အတွက် မရှိမဖြစ်လိုအပ်သော နိုင်ငံရေး အနှစ်သာရများ ပါရှိ နေပါ သည်။ ပင်လုံ နှင့် ကမ္ဘာလုံးဆိုင်ရာ ဒီမိုကရေစီ (Universal Democracy) အယူအဆများ သည် နက်နက်ရှိုင်းရှိုင်း ဆက်နွှယ် နေသည်ကို မျက်ဝါး ထင်ထင်တွေ့ရှိနိုင်ပါသည်။ တကြိမ်တည်းတွင် ပင်လုံ ဟူသည်မှာ ကမ္ဘာလုံးဆိုင်ရာ ဒီမိုကရေစီ (Universal Democracy) အယူအဆများ ကိုအခြေခံသည့် မိမိတို့ ၏ အမိပင်လုံပြည်ထောင်စု ကြီး နှင့် လက်တွေ့ကျကျ ကိုက်ညီသည့် ဒီမိုကရေ စီ၏ အခြေခံတရား များလည်း ဖြစ်ပေသည်။ (Universal Democracy) ဟူသည်မှာ အနောက်တိုင်း ဒီမိုကရေစီလည်းမဟုတ်၊ အရှေ့တိုင်းဒီမိုကရေစီလည်းမဟုတ် ကမ္ဘာ့ အရှေ့၊ အနောက်၊ တောင်၊ မြေက် မည်သည့်အရပ်တွင် နေထိုင်သည်ဖြစ်စေ၊ ခရစ်ယန်ဘာသာ၊ ဗုဒ္ဓဘာသာ၊ မွတ်စလင်ဘာသာ၊ ဟိန္ဒူဘာသာ အစရှိသည့် ကမ္ဘာ့ဘာသာကြီးများ အနက် မည်သည့် ဘာသာကိုကိုးကွယ်ယုံကြည်သည်ဖြစ်စေ၊ မည်သို့သော မိရိုးဖလာ ရိုးရာယဉ်ကျေးမှု များကို ပိုင်ဆိုင်ကျင့်သုံးသည်ဖြစ်စေ၊ မိမိတို့ ယုံကြည်ကိုးကွယ်ရာဘာသာ နှင့် မိရိုးဖလာ ယဉ်ကျေးမှုများ ကိုစွန့်လွှတ်စရာ မလိုပဲ မိမိတို့၏ ရေခံမြေခံ ပကတိ အရှိတရားများ၊ သမိုင်းကြောင်းများ နှင့် ကိုက်ညီသည့် ဒီမိုကရေစီ စနစ်ကို ဖေါ်ဆောင်ကာ ပြည်သူတို့အတွက် နိုင်ငံရေး ခွန်အားတခုကို ဖြည့်တင်းပေး ခြင်းကိုဆိုလိုသည်။(၁)

တနည်းအားဖြင့် ပင်လုံ ဟူသည်မှာ အမေရိကန်နိုင်ငံမှပုံတူကူးချထားသည်လည်းမဟုတ်၊ ဥရောပ အနောက်တိုင်းမှ ပုံတူကူးချကာ တင်ပို့ခဲ့သည် လည်းမ ဟုတ် သော ပင်လုံ နိုင်ငံသူနိုင်ငံသား များ အတူတကွ ပြန်လည် ထူထောင်လတ္တံ့သော ပင်လုံပြည်ထောင်စုကြီး ၏ ရေခံ မြေခံ သမိုင်းကြောင်းနှင့် သဟဇာတ ကျသည့် ပင်လုံခြံထွက် ဒီမိုကရေစီ homegrown Panglong democracy သာဖြစ်ပေသည်။ အမေရိကန် ပြည်ထောင်စုကို စတင်ထူထောင်စဉ် က အမေရိကန်မျိုးချစ်ခေါင်းဆောင်ကြီး များ တွေးခေါ်ခဲ့ကြသော Jersonian Democracy, Madisonian Democracy အစရှိသည်တို့ နှင့်မခြား၊ ဗမာမျိုးချစ်ခေါင်းဆောင်ကြီး ဗိုလ်ချုပ်အောင်ဆန်း ကိုယ်တိုင် တွေးခေါ်ကာ ကျွန်တော်တို့ ၏ ခေတ်သစ် ပြည်ထောင်စုကြီး ကိုစတင်ထူထောင်ရန်အတွက် ချမှတ်ခဲ့သည့် ပင်လုံ ဒီမိုကရေစီ Panglong Democracy သည် အခိုင်အမာ အထင်အရှား ရှိခဲ့ပါ သည်။ ကိုယ့် သမိုင်း ကို ကိုယ်မေ့ပျောက်ထားရန် မဖြစ်နိုင်ပေ။ World class leader ခေါ် ကမ္ဘာ့အဆင့်မီ ခေါင်းဆောင်တဦးဖြစ်သည့် ဗိုလ်ချုပ်အောင်ဆန်း ကိုယ်တိုင်က သူချစ်သော ဗမာ အပါအဝင် တိုင်းရင်းသား လူမျိုးပေါင်းစုံ ပြည်သူတရပ်လုံး ကမ္ဘာ နှင့် ထိုက်ထိုက်တန်တန် ရင်ဘောင်တန်း နိုင်မည့် အဆင့်မြင့် ဒီမိုကရေစီ လူ့ဘောင်တရပ်အတွက် ပင်လုံတွင် အုပ်မြစ်ချပေးခဲ့ခြင်း ဖြစ်ပြီး၊ ယနေ့ မြင်တွေ့ နေကြရသည့် အညံ့စား ရွှေရည်စိမ် ဒီမိုကရေစီ မျိုးနှင့် မိုးနှင့်မြေ ပမာ ကွာခြားလွန်းလှပါသည်။

ဖြိုလှဲရိုက်ချိုး၍မရသော သမိုင်း ကျောက်တိုင်

ပင်လုံ အမွေအနှစ် မှရရှိလာသော ဆုမြတ် ကျေးဇူးတရား များ သည် ကျွန်တော်တို့နိုင်ငံ၏အနာဂတ်အတွက် အဘိုးမဖြတ်နိုင် လောက် အောင် ကြီးမား လှသော်လည်း ယင်းအကျိုးကျေးဇူး တို့ကို မမြင်နိုင်ပဲ အပေါ်ယံကြည့်ကာ မဟုတ်မတရား ပြောဆို ဝေဖန်မှု များလည်း ရှိပါသည်။ တချို့က ပင်လုံ ခေတ်ကုန်ဆုံးပြီဖြစ်ကြောင်း ပြော ကြသည်။ အမှန်မှာ ကုန်လွန်ခဲ့သည့် နှစ်ပေါင်း (၆ဝ) ကျော်ကာလတွင် တိုင်းပြည်၏ ပြဿနာကိုဖြေရှင်းရန် ဆွေးနွေးတိုင်း ပင်လုံကို အကြိမ်ကြိမ် ရည်ညွှန်းခဲ့ကြသည့်အပြင်၊ ယနေ့အထိလည်း ပင်လုံ၏ မူ တို့သည် ခေတ်မမီ တော့ကြောင်း အချက်အလက်နှင့် ခိုင်ခိုင်လုံလုံ တိတိကျကျ ဖေါ်ထုတ် တင်ပြနိုင်သူမရှိဘူးသေးပေ။ တနည်းအားဖြင့် ပင်လုံ မူ၊ ပင်လုံ သဘောတရားတို့မှာ timeless principles ခေါ် ခေတ်အချိန်အခါမရွေး မှန်ကန်သော ဒီမိုကရေစီ မူများ တန်ဘိုးများသာဖြစ်ပေသည်။ တချို့ကလည်း ပင်လုံစာချုပ် ဟူသည်မှာ သဘောတူ စာချုပ် သက်သက် တခု မျှသာဖြစ်ကြောင်း၊ ဒီမိုကရေစီနိုင်ငံထူထောင်ရေးအတွက် အရေးကြီးသော အာဏာ ခွဲဝေရေး စသည်တို့ ဘာမှ အတိအကျ မပါဝင်ကြောင်း၊ ထိုစဉ်ကာလ အင်္ဂလိပ် ဘုရင်ခံကောင်စီ တွင် တိုင်းရင်းသား ကိုယ်စားလှယ် များ ကို ထည့်ပေးရန် သဘောတူသည့်သဘော လောက် သာဖြစ်ကြောင်း၊ ပြည်နယ်များ အတွက် ဘဏ္ဍာရေး များ ထောက် ပံ့ ပေးရန် လောက် သာပါရှိ ကြောင်း စသည်ဖြင့် ပင်လုံဝါဒကို ဆန့်ကျင်သည့် စစ်ဝါဒီတို့ အကြိုက် သပုတ်လေလွင့် ဝေဖန်ပြောဆိုလာ သူတို့ ယနေ့ အချိန်အခါတွင်ပေါ်ပေါက်လာရသည်မှာ အကြောင်းမဲ့သက်သက်တော့မဟုတ်တန်ရာပေ။ အမှန်မှာ ပင်လုံသည် သာမန်စာချုပ် သက်သက်မဟုတ်မူပဲ ခေတ်သစ် ပြည်ထောင်စုမြန်မာနိုင်ငံ၏ ဒီမိုကရေစီ အခြေခံအုပ်မြစ်ဖြစ်ကြောင်း ပင်လုံစာချုပ် နှင့် ပင်လုံစာချုပ်ကိုအခြေခံသည့် ဗိုလ်ချုပ် အောင်ဆန်း၏ အခြေခံဥပဒေရေးဆွဲရေး အခြေခံမူ (ရ)ချက်တို့ကိုပူးတွဲလေ့လာ ပါက ပိုမို ခိုင်မာစွာ သိသာ ထင်ရှား လာမည်ဖြစ်သည်။ ထို့အပြင် ဗိုလ်ချုပ်အောင်ဆန်း မကျဆုံး မီရေးသားခဲ့သည့် အခြခံဥပဒေ ပထမမူကြမ်းသည်လည်း ပင်လုံစာချုပ်နှင့် သူ၏လမ်းညွှန်ချက်(ရ)ချက်ကို အခြေခံထားခြင်းဖြစ်သည်။ ယင်း အချက်တို့ကို Vansangva Library (www.vansangva.com) တွင်အကျယ်တဝင့်ဆွေးနွေးခဲ့ပြီးဖြစ်သဖြင့် ဤနေရာ တွင် ဆက်လက် မ ဆွေးနွေး တော့ပါ။ အောက်ဆုံးတွင်ဖေါ်ပြထားသော လင့်များတွင် ပြည့်စုံစွာဖတ်ရှု နိုင်ပါသည်။(၂)

အင်တာနက် စာမျက်နှာတခုတွင်လည်း ပင်လုံစာချုပ်ဟူသည်မှာ ရှမ်းစော်ဘွားများမှ အာဏာမစွန့် လွှတ်လိုသဖြင့် ဗိုလ်ချုပ် အောင်ဆန်း ကအခြေအနေအရ လိုက်လျော ကာ ထိုးခဲ့ရသယောင် ဗမာ ပညာရှင် တဦး မှ ပေါက်ပေါက်ရှာရှာ ရေးသားခဲ့ဘူးသည်။ ပညာရှိ သတိဖြစ်ခဲ ဟူသည့် သဘော သာဖြစ်ပေလိမ့်မည်။ ပင်လုံစာချုပ် ၏ အချက် နံပတ် (ရ)တွင် “တောင်တန်းဒေသရှိ ပြည်သူတို့သည် ဒီမိုကရေစီ တိုင်းပြည်များတွင် အခြေခံ အခွင့်အရေးများနှင့် ရပိုင်ခွင့်များကို ရရှိ ခံ စားစေရမည်“ ဟူ၍အတိအလင်းဆိုထားရာ ပဒေသရာဇ်စနစ်ဟောင်းကို ဆက်လက် ထိမ်းသိမ်းရန် လက်မှတ်ရေးထိုးခဲ့ခြင်းမဟုတ်မူပဲ ဒီမိုကရေစီ စနစ်သစ်ကိုထူထောင်ရန် ရှမ်းစော်ဘွားများ ကိုယ်တိုင် သဘောတူ လက်မှတ်ရေးထိုးခဲ့ ကြခြင်းဖြစ်သဖြင့် ယင်းပညာရှင်ကြီး၏ အဆိုမှာ အခြေအမြစ်မရှိ၊ ပကတိ အမှန်တရားနှင့် ပါစင်အောင် လွဲနေကြောင်း အထင် အရှား သက်သေ ထူ နိုင်ပါသည်။

ပင်လုံသည် အနှစ် ၆ဝ ကျော်ကြာ မြင့်သွားပြီ ဖြစ်သဖြင့် ပင်လုံစာချုပ်ကို အခြေခံ ပြီး စဉ်းစား တွေးခေါ်ခြင်းသည် ခေတ်နှင့်မလျော်ညီ ဘောင်မဝင်တော့ ကြောင်း၊ အခြေခံဥပဒေ (၂ဝဝဂ) သာလျင် ပြည်ထောင်စု မြန်မာနိုင်ငံအတွက် အသင့်တော်ဆုံးဖြစ်ကြောင်း ပြောသံ များ လည်းသဲ့သဲ့ ကြားနေရသည်။ ယင်းအဆိုသည် မည်မျှ မှန်ကန်မှု ရှိသနည်း။ ယနေ့ ပြည်သူတို့ က ပင်လုံ ၏ အခြေခံမူ များဖြစ်သော ပူးပေါင်းရေး၊ တန်းတူရေး၊ လွတ်လပ်ရေး၊ ဒီမိုကရေစီရေး၊ ဖက်ဒရယ်ရေး၊ ငြိမ်းချမ်းရေး တောင်းဆိုသံများ ရပ်စဲသွား သည်မရှိ သည့်အပြင် ယင်းတောင်းဆိုမှုများသည် အတောမသတ် ပို၍ပို၍ ကျယ်လောင် လာခဲ့သည် ကိုထောက်ပြီး ဤအဆိုသည် မှန်ကန်မှု အလျဉ်းမရှိကြောင်း အခိုင် အမာ သက်သေထူနိုင်ပါသည်။ ပင်လုံ ကို သေးသိမ် အောင်၊ ပင်လုံကို မှေးမှိန် အောင် ပြောဆိုကြသူများ သည်၊ ပြည်သူတို့၏ ပင်လုံ တကျော့ ပြန်ခရီးကို နှောင့်နှေး ကာ နောက်ထပ် ကမ္ဘာနှင့်ချီပြီး ကြာမြင့်အောင် ရည်ရွယ်ဟန် ရှိသည်။ မည်သို့ပင်ဆိုစေ၊ ကမ္ဘာလုံးဆိုင်ရာ ဒီမိုကရေစီ တရား များ နှင့် ပြီးသောပင်လုံ သမိုင်းကျောက်တိုင်ကို မည်သူမျှဖြိုခွဲ ဖျက်စီး နိုင်စွမ်း မည်မဟုတ်ပေ။

ပင်လုံမူ၊ပင်လုံ ကတိကဝတ် တို့တွင် “ခွဲထွက်ရေး” ကိုဇောင်းပေးထားသယောင် ထင်ယောင်ထင်မှား ပြောဆိုကြပြန်သေးသည်။ သမိုင်းဝင်ပင်လုံစာချုပ် ပါ စာသားများ ကို အသေအခြာဖတ်ကြည့် ပါက “ခွဲထွက်ခွင့်” “ခွဲထွက်ရေး” ဟူသော စကားလုံးများလုံးဝမပါရှိပါ။ ထို့ကြောင့် ဤ အဆိုသည်လည်း မသိနားမလည်သော ပြည်သူအချို့အားလှည့်စားထားခြင်းသာဖြစ်ကြောင်း အခိုင်အမာ သက်သေထူနိုင်ပါသည်။

တချို့ကလည်း ပင်လုံတွင်ပါဝင်လက်မှတ်ရေးထိုးသည်မှာ ရှမ်း၊ချင်း၊ကချင်၊ဗမာ သာဖြစ်သဖြင့် အခြားသော တိုင်းရင်းသား လူမျိုးများ မပါ ရှိကြောင်း၊ တိုင်းရင်းသားအားလုံးပါဝင်သော “ပင်လုံထက်ပိုမိုသာလွန်သော” ညီလာခံကြီးတရပ်ကိုပြန်လည်ကျင်းပရမည်ဖြစ်ကြောင်း ပြောဆို ကြ သည်။ အမှန်အားဖြင့်မူ ကျွန်တော်တို့၏ ခေတ်သစ်ပြည်ထောင်စု သမိုင်းတွင် တခြားတိုင်းရင်းသားလူမျိုးများကလည်း ပြည်ထောင်စုကြီးမှ ခွဲထွက်ကာ သီးခြားသမ္မတ နိုင်ငံများတည်ဆောက်ရန် မတောင်းဆိုပဲ ပြည်နယ်အသီးသီး တောင်းဆို ကာ ပြည်ထောင်စုကြီး၏ အဖွဲ့ဝင် အဖြစ် ဆက်လက်ပါဝင်လာကြသည်မှာ ပင်လုံကတိကဝတ် တို့ ၏ ပူပေါင်းရေးဆိုင်ရာမူဝါဒများ ရှိခဲ့သောကြောင့်သာဖြစ်သည်။ တနည်း အား ဖြင့် နောက်ပိုင်းမှ ပြည်နယ် အဖြစ် ပါဝင်လာကြသော ကရင်၊ ကရင်နီ၊ မွန်၊ ရခိုင် အစရှိသည့် တိုင်းရင်းသားများသည်လည်း ပင်လုံကို ယုံကြည်၍ ဆက်လက်ပြီး တနည်းတဖုံ အတည်ပြု သွားကြ ခြင်းဖြစ်သည်။ အတိတ်သမိုင်းကြောင်းများ မတူညီကြသည့် တိုင်းရင်းသားလူမျိုးများ သည် ပင်လုံ ကတိကဝတ်အပေါ်တွင်အားလုံးစုစည်းပြီး တူညီသော၊ တခု တည်း သော ခေတ်သစ် ပင်လုံပြည်ထောင်စုကြီး၏ သမိုင်းကို စတင် ရေးသား နိုင်ခဲ့ကြခြင်းဖြစ်သည်။ ဥပမာအားဖြင့် အမေရိကန် ပြည်ထောင်စု ကို ပြည်နယ် (၁၃) ခုနှင့် စတင်ထူထောင်ခဲ့သော်လည်း နောက်ပိုင်းတွင် ပြည်နယ် အသစ်များပါဝင်လာရာ ယနေ့ ပြည်နယ် (၅ဝ) ဖြင့် ဖွဲ့စည်း ထားသော ပြည်ထောင်စုတခုဖြစ်လာခဲ့ရာ၊ အမေရိကန်ပြည်ထောင်စု ကြီးကို စတင်ထူထောင်ခဲ့ကြသော ပြည်နယ် (၁၃) ခုနှင့်သာ သက်ဆိုင် သည်ဟု ဆို၍မရပေ။ နောက်ထပ်ဝင်ရောက်ပူးပေါင်းခဲ့သော ပြည်နယ် (၃ရ) ပြည်နယ်တို့သည်လည်း ဗြိတိသျှ ကိုလိုနီလက်အောင်မှ လွတ်မြောက်လာခဲ့သော ကနဦး (၁၃) ပြည်နယ် တို့ ၏ လွတ်လပ်ရေးကြေညာစာတမ်းပါ အခွင့်အရေးများ မျှော်မှန်းချက်များ၊ အမေရိကန်ပြည်ထောင်စုကို ကနဦးစတင်ထူထောင်ခဲ့ကြစဉ်က ချမှတ်ခဲ့သော ဖက်ဒရယ် ပြည်ထောင်စု သဘောတရားများ ကိုလက်ခံ ယုံကြည် ကြ၍ သာပူးပေါင်းပါဝင်လာခဲ့ကြခြင်းဖြစ်သည်။ ထိုနည်း၎င်းပင် ပင်လုံ စာချုပ်ကို ကို ကနဦး ရေးထိုး ခဲ့ကြသည့် ချင်း၊ရှမ်း၊ဗမာ၊ ကချင် တို့နှင့်သာသက်ဆိုင်သည်မဟုတ်မူပဲ၊ ပြည်ထောင်စု မြန်မာနိုင်ငံအတွင်းတွင် ချစ်ချစ်ခင်ခင် ငြိမ်းငြိမ်း ချမ်းချမ်း ဆက်လက် နေထိုင်သွားရန်ဆန္ဒ ရျိကြသည့် အခြားတိုင်းရင်းသားလူမျိုးများ နှင့် ပါ နက်နက်ရှိုင်းရှိုင်း ဆက်နွှယ် သက်ဆိုင်နေပါသည်။ ပင်လုံကတိကဝတ် နှင့် ပင်လုံမျှော်မှန်းချက် တို့သည် လည်းထိုနည်း၎င်းပင် ကျွန်တော်တို့၏ ပြည်ထောင်စု ကြီး အရှည်သဖြင့် တည်တန့်ခိုင်မြဲရေး အတွက် ခိုင်မာသော သမိုင်း ကျောက်တိုင် တခုဖြစ်ပေသည်။

ဗမာ တိုင်းရင်းသား တို့၏ ကိုယ်ပိုင်ပြဋ္ဌာန်းခွင့်

ပင်လုံစာချုပ်သည် တိုင်းရင်းသားလူမျိုးစုအရေးသက်သက်နှင့် သာသက်ဆိုင်သည် မဟုတ်ပေ။ ပင်လုံစာချုပ်သည် ဗမာ အပါအဝင် တိုင်းရင်းသား လူမျိုးအားလုံး တို့၏ အနာဂတ်ကံကြမ္မာအတွက် သေရေးရှင်ရေးတမျှ အရေးကြီးသော သမိုင်းဝင် နိုင်ငံရေးစာတမ်းတခုဖြစ်ပေသည်။ ဗြိတိသျှ ကိုလိုနီ ကျွန်သ ဘောက် ဘဝတွင် အတူတကွကျရောက်ခဲ့ကြရသည့် ဗမာအပါအဝင် တိုင်းရင်း သား လူမျိုးအားလုံးတို့သည် လွတ်လပ်ရေး ကိုသာ အငန်းမရ လိုချင် ခဲ့ ကြ သည်။ ထိုစဉ်ကာလ ကမ္ဘာနှင့်အဝှမ်း ကိုလိုနီစနစ်များဖျက်သိမ်းရေးကို ကမ္ဘာ့ ကုလသမဂ္ဂ မှကမကထပြုဆောင်ရွက်ရာတွင် ကိုလိုနီ လက် အောက်ခံ လူမျိုးများ နိုင်ငံများတွင် ကိုယ့်ကြမ္မာ ကိုယ် လွတ်လပ်စွာဖန်တီးခွင့် ပြန်လည်ရရှိရေးသည် အဓိကကျသော စီမံကိန်းဖြစ်သည်။ ဤသို့ လူမျိုးများ နိုင်ငံများတွင် ကိုယ့်ကြမ္မာ ကိုယ် လွတ်လပ်စွာဖန်တီးခွင့် ကိုကမ္ဘာ နှင့် အဝှမ်း လက်ခံ အသိအမှတ်ပြုလာသည်နှင့်အမျှ၊ သူတပါးနိုင်ငံ အားနယ်ချဲ့ ကာ ကိုလိုနီကျွန်ပြု သည့်စနစ်ကို အပြီးအပိုင်ဖျက်သိမ်းရန်အတွက် self-determination ခေါ် “ကိုယ်ပိုင်ပြဌာန်းခွင့်” သည် မဟာဗျူဟာ ကျသော သော့ချက် စကားလုံး ဖြစ်လာခဲ့သည်။ (၃)

တနည်းအားဖြင့် လွတ်လပ်စ နိုင်ငံများသည် ကမ္ဘာ့အလယ်တွင် ငြိမ်းချမ်းစွာ အတူယှဉ်တွဲနေထိုင်နိုင်ရေးအတွက် တဦး၏ လွတ်လပ်ရေး ကို တဦး အပြန်အလှန် လေးစားအသိအမှတ်ပြုကြပြီး “ကိုယ်ပိုင်ပြဋ္ဌာန်းခွင့်” ကိုယ်စီ ပိုင်ဆိုင်ကာ နိုင်ငံကြီးသည်ငယ်သည်မဟူ ကမ္ဘာ့ကုလသမဂ္ဂ အဖွဲ့ဝင်နိုင်ငံများ အဖြစ် တန်းတူရည်တူ ပါဝင်လာကြပြီး ကမ္ဘာ့ငြိမ်းချမ်းရေးကို ထိမ်းသိမ်း တည်ဆောက်ကြရမည်ဖြစ်သည်။ ကမ္ဘာစစ်ကြီးများ ကိုဖန်တီးခဲ့သည့် ကိုလိုနီ စနစ်ဆိုး များ ချုပ်ငြိမ်းကာ ငြိမ်းချမ်းသောကမ္ဘာကို တည်ထောင်ရန်အတွက် အချုပ်အခြာအာဏာရှိသော နိုင်ငံ အသီသီး လူမျိုးအသီးသီး တို့၏ “ကိုယ်ပိုင်ပြဋ္ဌာန်းခွင့်” သည် မရှိမဖြစ်လိုအပ်သည်။

အချုပ်အခြာအာဏာပိုင် လွတ်လပ်လာသော နိုင်ငံတို့ အနက် လူမျိုးတမျိုးတည်းနေထိုင်သောတိုင်းပြည်များသည် nation state ခေါ် အမျိုးသား နိုင်ငံများ အဖြစ် သမ္မတ နိုင်ငံများ ကိုထူထောင်ကြမည်ဖြစ်ပြီး၊ မြန်မာ၊ မလေးရှား၊ အိန္ဒိယ အစရှိသည့် multi-national states ခေါ် လူမျိုး ပေါင်းစုံနေထိုင်သော နိုင်ငံများတွင်မူ တိုင်းရင်းသား လူမျိုးအသီးသီး အတွက် internal self-determination ခေါ် နယ်တွင်း ကိုယ်ပိုင်ပြဌာန်းခွင့်၊ နယ်တွင်း ကိုယ်ပိုင်အုပ်ချုပ်ခွင့် ရှိသည့် ပြည်နယ်များ အဖြစ် ပူပေါင်းကာ “ပြည်နယ်ပေါင်းစု” ပြည်ထောင်စုစနစ်အားဖြင့် ပြည်နယ်ကြီးသည် ငယ်သည်မဟူ တန်းတူရည်တူ အတူတကွ ယှဉ်တွဲနေထိုင် ကြရမည်ဖြစ်သည်။ ဤနည်းအားဖြင့် လူမျိုး ပေါင်းစုံနေထိုင်သော နိုင်ငံများအတွင်း လူမျိုးရေး ပဋိပက္ခများ ကင်းရှင်းကာ ပြည်တွင်းငြိမ်းချမ်းရေး၊ ဒေသတွင်း ငြိမ်းချမ်းရေး နှင့် ကမ္ဘာ့ငြိမ်းချမ်းရေးတို့ကိုပါ မြှင့်တင် ထိမ်းသိမ်း တည်ဆောက်နိုင် မည်ဖြစ်သည်။

သို့ရာတွင် ကျွန်တော်တို့နိုင်ငံတွင် ပင်လုံစိတ်ဓါတ်၊ ပြည်ထောင်စုစိတ်ဓါတ်များ မှေးမှိန်ကာ ကျဉ်းမြောင်းသော အမျိုးသားရေးဝါဒ သည် သာကြီးစိုးခဲ့ပြီး nation state ခေါ် လူမျိုးတမျိုးတည်း နေထိုင်သောနိုင်ငံတခုပုံသဏ္ဍန်သို့ အတင်းအဓမ္မ အသွတ်သွင်းခံ ခဲ့ကြရသဖြင့် တိုင်းရင်းသား လူမျိုးတို့၏ နဂိုရှိရင်းစွဲ ကိုယ်ပိုင် ပြဋ္ဌန်းခွင့်၊ ကိုယ်ပိုင်အုပ်ချုပ်ခွင့် တို့ ကိုပါဆုံးရှုံး ခဲ့ကြရသည်။ တဆက်တည်းတွင် ဒီမိုကရေစီ အခြေခံတရားများ ပါ ဆိပ်သုဉ်းကာ ၁၉၆၂ ခုနှစ် စစ်တပ်မှ အာဏာသိမ်း လိုက်သည့် အချိန်မှစပြီး အများစုကြီးဖြစ်သော ဗမာတိုင်းရင်းသားတို့၏ အများစုအုပ်ချုပ်ရေး၊ ကိုယ်ပိုင် ပြဋ္ဌာန်းခွင့်၊ ကိုယ်ပိုင်အုပ်ချုပ်ခွင့်ပါ ဆုံးရှုံးခဲ့ကြရသည်။ တနည်းအားဖြင့် ဗမာတိုင်းရင်းသားတို့ကိုယ်တိုင်လည်း မိမိတို့၏ နဂိုရှိရင်းစွဲ ကိုယ်ပိုင်ပြဋ္ဌာန်းခွင့် – တနည်းအားဖြင့် ပြည်သူတို့ ကိုယ်တိုင် စိတ်တိုင်းကျရေးဆွဲသော အခြေခံဥပဒေ ပြဋ္ဌာန်းခွင့် ကို၎င်း၊ ကိုယ်ပိုင်အုပ်ချုပ်ခွင့် – တနည်းအားဖြင့် တိုင်းပြည်ခေါင်းဆောင်ကို မိမိတို့ဆန္ဒ အလျောက်လွတ်လပ်စွာရွေးချယ်ခွင့် ကို၎င်း ဆုံးရှုံးခဲ့ကြရသည်။ ရရှိပြီးသား လွတ်လပ်ရေး ကိုပြန်လည် ဆုံးရှုံးခဲ့ကြရခြင်းဖြစ်သည်။ ဆိုလိုသည်မှာ တိုင်းရင်းသားလူမျိုး တို့၏အရေးသည် ဗမာတိုင်းရင်းသားတို့၏အရေး နှင့်ခွဲခြား၍ မရအောင် နက်နက် ရှိုင်းရှိုင်းဆက်စပ်နေသည်။ ဗမာ နှင့် တိုင်းရင်းသား လူမျိုးများ၊ တိုင်းရင်းသားလူမျိုးများ နှင့်ဗမာ ဘဝတူ တလှေတည်း စီးခဲ့ကြည်မှာ နှစ်ပေါင်း ရာစုနှစ်ချီ ကြာ မြင့်ခဲ့ပြီ ဖြစ်သဖြင့် တဦး ကိုတော့ လွတ်လပ်စေ၊ နောက်တဦးကိုတော့ ကျွန်ဘဝတွင်နေစေ ဟူ၍ ခွဲခြား အုပ်ချုပ် ၍မရစကောင်းပေ။ ပင်လုံ တွင်လွတ်လပ်ရေး ကို တန်းတူ ရည်တူ အရယူခဲ့ကြသဖြင့်၊ လွတ်လပ်ရေး၏ အသီးအပွင့်တို့ကိုလည်း တန်းတူ ရည်တူခံစားခွင့် ရှိကြရပေမည်။ တိုင်းရင်းသားလူမျိုးများ က မိမိတို့၏ ကိုယ်ပိုင်ပြဋ္ဌာန်းခွင့် များဆုံး ရှုံးလျင်၊ မကြာမီသောကာလတွင် ဗမာ တိုင်းရင်းသား တို့ ကပါ မိမိတို့၏ ကိုယ်ပိုင်ပြဋ္ဌာန်းခွင့်တို့ ကို တဆက်ထည်းဆိုသလိုဆုံးရှုံးမည်ဖြစ်ကြောင်း ကျွန်တော်တို့၏ သမိုင်းကအခိုင်အမာ သက်သေ ထူခဲ့ပြီး ဖြစ်သည်။

လူမျိုး ပေါင်းစုံနေထိုင်သော ပြည်ထောင်စုနိုင်ငံတခုတွင် လူမျိုးအသီးသီး ဒေသအသီးသီးတို့သည် မိမိတို့ လူမျိုး၏ ယဉ်ကျေးမှု ဓလေ့များ နှင့်သော်၎င်း၊ မိမိတို့ နေထိုင်ရာပထဝီဒေသနှင့် ၄င်း ကိုက်ညီသည့် ဥပဒေများကို အားလုံးပါဝင်ရေးဆွဲပြီးသဘောတူပြဋ္ဌာန်းခဲ့ကြသည့် “ပြည်နယ်ပေါင်းစု” ပြည်ထောင်စုကြီး၏ အခြေခံဥပဒေနှင့် မဆန့်ကျင်ပဲ ပြည်နယ်အစိုးရတို့က ပြဋ္ဌာန်းပိုင်ခွင့် ရှိရမည့်အပြင် အုပ်ချုပ်ရာတွင်လည်း မိမိတို့၏ အစိုးရ၊ မိမိတို့၏ ခေါင်းဆောင်ကို မိမိတို့၏ ပြည်သူများကိုယ်တိုင် ရွေးချယ်ခန့်အပ် နှိုင်ရမည်ဖြစ်သည်။ ကိုယ်ပိုင်ပြဋ္ဌာန်းခွင့်၊ ကိုယ်ပိုင်အုပ်ချုပ်ခွင့်မရှိသော လူမျိုးသည် လွတ်လပ်သည့်လူမျိုးမဟုတ်ပေ။ ကိုယ်ပိုင်ပြဋ္ဌာန်းခွင့်ရှိရန်အတွက် အစိုးရလည်းရှိရပေမည်။ အစိုးရ မရှိ သော လူမျိုးသည် လွတ်လပ်သော လူမျိုးမဟုတ်ပေ။ သို့ရာတွင် လွတ်လပ်ရေးရခဲ့သည့် ပြည်ထောင်စု မြန်မာနိုင်ငံ အခြေခံဥပဒေ (၁၉၄၇) အရ၊ တိုင်းရင်းသား ပြည်နယ် များအတွက် မိမိတို့၏ အစိုးရ၊ မိမိတို့၏ ခေါင်းဆောင်ကို မိမိတို့ ကိုယ်တိုင် လွတ်လပ်စွာ ရွေးချယ်ခွင့်မရှိခဲ့ကြပေ၊ ပြည်နယ် အုပ်ချုပ်ရေး အကြီးအကဲကို ဝန်ကြီးချုပ်မှခန့်အပ်ရသဖြင့် ကိုယ်ပိုင် အုပ်ချုပ်ခွင့် ကို ဆုံးရှုံးကာ Internal Colony ခေါ် ပြည်တွင်း ကိုလိုနီ ကျွန်သပေါက် ဘဝ ကိုကျရောက်ခဲ့ကြရသည်။ ပြည်သူတို့ ကတိုက်ရိုက်ရွေးကောက်သော ကိုယ်ပိုင် အစိုးရမရှိသဖြင့် ကိုယ်ပိုင် ပြဋ္ဌာန်း ခွင့်လည်းမရှိတော့ပေ။ တနည်းအားဖြင့် ဗြိတိသျှ ကိုလိုနီ ကကျွန်သဘောက်ဘဝမှ လွတ်မြောက် လာကြ ခြင်းသည် တိုင်းရင်းသားလူမျိုး တို့ အတွက် လွတ်လပ်ရေး ကိုဆုံးရှုံးခဲ့ကြရခြင်းဖြစ်သည်။ လွတ်လပ်ရေးကိုအငန်းမရ၊ အလျင်အမြန်လိုချင်၍ ပင်လုံစာချုပ် အားဖြင့် ဗမာ နှင့်ပူးပေါင်းကာရေးထိုးခဲ့ကြသော်လည်း၊ လွတ်လပ်ရေး ကိုမရပဲ၊ ဗမာ ကိုလိုနီ ကျွန် သပေါက် ဘဝကို ရောက်အောင် လက်မှတ်ရေးထိုး ခဲ့ကြ သကဲ့သို့ဖြစ်သွားရသည်။ ကိုယ်ပိုင်ပြဋ္ဌာန်းခွင့် များ ဆုံးရှုံးခဲ့ကြရသဖြင့် လွတ်လပ်သော လူမျိုး များ ဟူ၍ မခေါ်ဆိုနိုင်တော့ပေ။ ပင်လုံစာချုပ်ကို ချုပ်ဆိုခဲ့ကြစဉ်က ဗမာတိုင်းရင်းသားတို့၏ အခွင့်အရေး များ ကိုထည့်သွင်း ထားခြင်းမရှိပဲ Frontier Areas များမှ ချင်း၊ ရှမ်း၊ ကချင် တို့၏ ကိုယ်ပိုင်ပြဋ္ဌာန်းခွင့် နှင့် ကိုယ်ပိုင်အုပ်ချုပ်ခွင့် တို့ကိုသာကွက်ပြီး အာမခံကာ သဘောတူ ချုပ်ဆိုခဲ့ သည်မှာ ယနေ့ ဗမာ တိုင်းရင်းသား တို့ကိုယ်တိုင် အခွင့်အရေးများ ဆုံးရှုံးရသည့် အခြေသို့ ကျရောက်ရန် သမိုင်းဟာကွက်တခု ဟုတ်မဟုတ် တွေးတောစရာ မေးခွန်းထုတ်စရာ ဖြစ်လာပေသည်။ အများစုကြီးဖြစ်သော ဗမာပြည်သူ တို့ရွေးကောက် တင်မြှောက် သည့် နိုင်ငံရေး ခေါင်းဆောင် ဟူ၍ မရှိခဲ့သည်မှာ ကြာငြောင်း ခဲ့ပြီဖြစ်ပြီး ဗမာ စစ်အာဏာရှင် တို့သာ ကြီးစိုးခဲ့သည်။ ဒီမိုကရေစီစံအရ ပြည်သူတို့ကိုယ်တိုင်က လိုလိုလားလား ရွေးကောက်တင်မြှောက် သောခေါင်းဆောင် သည်သာလျင်စစ်မှန်သော ခေါင်းဆောင်ဖြစ်ပြီး အာဏာရှင် ဟူသည်မှာ ခေါင်းဆောင်မ ဟုတ်ပေ။ အာဏာရှင် စနစ် ကိုပြည်သူတို့မရွေးချယ်ခဲ့ပါ။ ဗိုလ်ချုပ်အောင်ဆန်း ၏ အခြေခံ ဥပဒေ ရေးဆွဲရေး ဆိုင်ရာ လမ်းညွှန် (ရ)ချက် မှ အချက် (၃) တွင်“ ပြည်နယ်များ အပါအဝင် အစိုးရ အဖွဲ့အစည်းအားလုံးတို့၏ အာဏာသည် တိုင်းသူပြည်သားများထံမှဆင်းသက်ရမည်” ဟူသော မူဝါဒ ကို ချိုးဖေါက်ခဲ့ကြသဖြင့် ဗမာအပါအဝင် လူမျိုးပေါင်းစုံပြည်သူတို့ သည်မိမိတို့၏ အချုပ်အခြာအာဏာ ကိုဆုံးရှုံးခဲ့ကြရသည်။

ပြည်သူတို့၏ အချုပ်အခြာအာဏာ ကိုထင်ဟပ်စေသည့် ကိုယ်ပိုင် ပြဌာန်းခွင့်၊ ကိုယ်ပိုင် အုပ်ချုပ် ခွင့်များ ကင်းမဲ့လာသည်၏ နောက်ဆက်တွဲ အဖြစ် ပြည်သူတို့သည် မိမိတို့၏ ဆန္ဒ အလျောက် တိုင်းပြည်တိုးတက်ရေးကိုလုပ်ဆောင်ခွင့်မရှိသဖြင့် နောက်ဆုံးတွင် ကမ္ဘာ့ အဆင်းရဲဆုံးနိုင်ငံစာရင်းတွင်ဝင်သွားရသည်။ ဆင်းရဲတွင်းမှ လွတ်မြောက်ရန် အတွက် ဗမာအပါအဝင် တိုင်းရင်းသားလူမျိုးတို့တွင် ကိုယ်ပိုင် ပြဋ္ဌာန်းပိုင်ခွင့်၊ ကိုယ်ပိုင်အုပ်ချုပ်ခွင့်များမရှိ၍မဖြစ်ပေ။ ငြိမ်းချမ်းသော ကမ္ဘာကြီး ကို ထူထောင်ရန်အတွက် နိုင်ငံများ၊ လူမျိုးများသည် ကိုယ်ပိုင် အုပ်ချုပ်ခွင့်၊ ကိုယ်ပိုင်ပြဋ္ဌာန်းခွင့် များရှိရမည်ဖြစ်သလို၊ ငြိမ်းချမ်းသော တိုးတက်သော ဒီမိုကရေစီ ပြည်ထောင်စု ကြီးအဒွန့်ရှည်တည်တန့်ခိုင်မြဲရေး အတွက် ဗမာအပါအဝင်လူမျိုးတိုင်းသည် လည်းကိုယ်ပိုင် အုပ်ချုပ်ခွင့်၊ ကိုယ်ပိုင် ပြဋ္ဌာန်းခွင့် များရရှိခံစား ကြရပေမည်။ မည်သည့်လူမျိုး၊မည်သည့် ဒေသကိုမျှ သာစေ၊နာစေ ခွဲခြား၍မရစကောင်းပေ။ လူမျိုးတမျိုးကိုတော့ ပြည်နယ်၊ နောက်တမျိုးကိုတော့ တိုင်းအဆင့်သာသာ တွင်ထား၍ မရစကောင်းပေ။ “ပြည်နယ်ပေါင်းစု” ပြည်ထောင်စုကြီး ကို ထူထောင်ကာ ဗမာအပါအဝင် တိုင်းရင်းသားလူမျိုးများသည် တန်းတူရည်တူ ပြည်နယ်များ အဖြစ် ကိုယ်ပိုင် အခွင့်အရေး များခံစား ကြရမည်ဖြစ်သည်။ ဤသည်မှာ မသိ ကျိုးကျွံ မပြု စကောင်းသော ကမ္ဘာ့ နိုင်ငံရေး၏ နိယာမတရားများ ဖြစ်ပေသည်။ ဤနိယာမတရားကို မသိကျိုးကျွံပြုသည်နှင့် နိုင်ငံရေး၊ လူမှုရေး၊ စီးပွားရေး အဖက်ဖက် တွင် အတောမသတ်နိုင်သောပြဿနာများဖြစ်ပေါ်စမြဲဖြစ်သည်။

တန်ဘိုးမဖြတ်နိုင်သည့် ပင်လုံအမွေအနစ်

တိုင်းပြည်၏ လွတ်လပ်ရေး ဖခင်ကြီးလည်းဖြစ်၊ တပ်မတော်၏ ဖခင်ကြီးလည်းဖြစ်သော ဗိုလ်ချုပ်အောင်ဆန်း သည် အနာဂတ် ပြည် ထောင်စု အတွက် နိုင်ငံရေး အစဉ်အလာ ကောင်းတရပ်ကိုချမှတ်ပေးခဲ့ဘူးသည်။ သူကိုယ်တိုင်ရေးဆွဲချမှတ်ခဲ့သော ပင်လုံမူ သည် သာလျင် ကျွန်ပ် တို့ ပြည်ထောင်စုကြီး၏ တခုတည်းသော ဒီမိုကရေစီ အခြေခံအုပ်မြစ်ဖြစ်ပေသည်။ ယင်းအခြေခံအုပ်မြစ် အရ ကျွန်သဘောက် ဘဝမှ လွတ်မြောက်ခဲ့ကြပြီး၊ ယင်းအခြေခံအုပ်မြစ် ပေါ်တွင် ပင်လုံပြည်ထောင်စုကြီး ကိုစတင် ထူထောင် ခဲ့ကြသည်။ ယနေ့ ရန်ကုန်မြို့ မဟာဗန္ခုလ ပန်းခြံတွင် ထီးထီးမားမား တည်ရှိနေ သော လွတ်လပ်ရေး ကျောက်တိုင်တွင် ရေးထိုးထားသည့် လွတ်လပ်ရေး ကြေညာစာတမ်းသည်လည်း ယင်းပင်လုံ အခြေခံအုပ်မြစ် ပေါ်တွင် စိုက်ထူ ရေးသား ခဲ့ကြရခြင်းသာဖြစ်သည်။ ယင်းလွတ်လပ်ရေးကြေညာစာတမ်း ၏ အမှတ်စဉ် (၅) တွင် အောက်ပါအတိုင်း အတိအလင်း ကဗျည်းထိုး ရေးသားခဲ့ကြသည်။

“ငါတို့နိုင်ငံတော်ကြီးသည် မည်သူ တဦးတယောက် တဖွဲ့ တသင်း၏ အမွေအနှစ်မဟုတ်၊ မည်သူတဦးတ ယောက်တဖွဲ့ တသင်း၏ ပုဂ္ဂ လိကအပိုင် ပစ္စည်းမဟုတ်၊ မည်သူတဦး တယောက် တဖွဲ့တသင်းက ချုပ်ကိုင်အနိုင်သိမ်းယူ အကျိုး ခံစားအပ်သော နိုင်ငံမဟုတ်၊အတိတ် ကာ လလည်းကောင်း၊ ယခုမျက် မှောက်တွင်လည်းကောင်း၊နောင်လာလတံ့ သော အနာဂတ်ကာလ ၌ လည်းကောင်း၊ ငါတို့ပြည်ထောင်စုကြီး အ တွင်း ၌ မှီတင်း နေထိုင်ကြသောကြီးငယ်ဝေးနီး ကျား/မ မခြား သစ္စာတော်ခံ နိုင်ငံသား ဟူသရွေ့ ဒို့၏အမွေအနှစ်အပိုင်ပစ္စည်း အကျိုးခံစားရာ ဖြစ်သည် ဟူ သော လူ့ဘာသာ လူ့တရား နှင့်အညီကမ္ဘာဦးကာလ လူတို့၏ စည်းရုံးမှု ၌လူအပေါင်းတို့၏ သဘောဆန္ဒအရလူ အဝှမ်း၏ အကျိုးကို ကောင်းစွာ ဆောင်ရွက် နိုင်အံ့သောပုဂ္ဂိုလ်ကို ရွေးကောက်၍ သမ္မတ တင်မြှောက်ကြသော မဖောက်မပြန် မစွန်း မငြိပကတိသန့်ရှင်းဖြူစင်သော မူလလူ့ဝါဒ နှင့် လျော်စွာ စည်းကမ်းဥပဒေ သေချာထင်ရှားစွာပိုင်းခြားသတ်မှတ်တူညီသော တရား တူညီသောအခွင့်အရေးတူညီသော အဆင့် အ တန်း အားဖြင့် ကမ္ဘာအရှည် တည်စိမ့် သောငှာ လူအပေါင်းတို့၏ ဆန္ဒသာလျှင် အဓိကဖြစ်သော သမ္မတမြန်မာနိုင်ငံတော်တည်းဟူသော မြတ်သော အဖြစ်ကို လက် ဆုပ်လက်ကိုင်ငါတို့အပိုင်ရပြီ။“

ပင်လုံလမ်းမှသွေဖီလာခဲ့ကြပြီး လွတ်လပ်ရေး၏ အခြေခံအုပ်မြစ်၊ ပြည်ထောင်စုကြီး၏ အခြေခံအုပ်မြစ်၊ ဒီမိုကရေစီအခြေခံအုပ်မြစ် ဖြစ်သော ပင်လုံ ဟူသည့် အခြေခံအုပ်မြစ် ကိုပစ်ပယ်ခဲ့ကြသဖြင့် ယင်း လွတ်လပ်ရေး ကြေညာစာတမ်း ကြီး သည်လည်း ယနေ့ အချိန်အခါတွင် ကဗျည်း အက္ခရာများသက်သက် အဖြစ်ကျန်ရှိခဲ့ပြီး လူမျိုးပေါင်းစုံပြည်သူအပေါင်းတို့ မှော်မှန်းခဲ့သည့် ငြိမ်းချမ်းသာယာသော ဒီမိုကရေစီ ဖက်ဒရယ် ပြည်ထောင်စုကြီး ကို လက်လွတ်ဆုံးရှုံး ခဲ့ကြရသည်။

အဆောက်အဦးတခု၏ ခြေခံအုပ်မြစ် (foundation) ဒီဇိုင်းကိုကြည့် လိုက်ရုံနှင့် အတွေ့အကြုံရင့်ကျက်ပြီးသော ဆောက်လုပ်ရေး အင်ဂျင်နီယာ (သို့မဟုတ်) ဗိသုကာ တဦးသည် ယင်းအခြေခံအုပ်မြစ်ပေါ်တွင် ဆောက်လုပ်မည့် ဆောက်အဦးသည် အထပ်ပေါင်းမြောက်မြားစွာရှိပြီး ခန့်ငြား ထည်ဝါသော မိုးထောင်တိုက် အမျိုးအစားလား၊ သာမန် နှစ်ထပ်၊ သုံးထပ်တိုက် အမျိုးအစားလားဆိုသည်ကိုချက်ခြင်း သိမြင် မှန်းဆနိုင် သကဲ့သို့ ပင်လုံစာချုပ်တွင်ပါဝင်သော ကျစ်လစ် သိပ်သည်းသည့် နိုင်ငံရေးမူဝါဒ များ ၏ အတိမ်အနက်ကိုကြည့်ပြီး၊ ပင်လုံ အခြေခံ အုပ်မြစ်ပေါ် တွင် တည်ဆောက်မည့် ပြည်ထောင်စုကြီး သည် အမေရိကန်ပြည်ထောင်စု၊ Federal Republic of Germany ခေါ် ဂျာမန် ပြည်ထောင်စုသမ္မတ နိုင်ငံ များ ကဲ့သို့ ခန့်ငြားထည်ဝါသော ပြည်ထောင်စု ကြီးတခုကိုတည်ဆောက် တော့မည့် တိုင်းပြည်တခု၏ အခြေခံအုပ်မြစ်ဖြစ်ကြောင်း ကိုရင့် ကျက်သော နိုင်ငံရေးသမားတဦးမှန်လျင် ခန့်မှန်းရိပ်မိ မှန်းဆ နိုင် ပေလိမ့်မည်။

ယိုင်နဲ့တိမ်းစောင်းနေသော လွတ်လပ်ရေးကျောက်တိုင်ကြီးအားပြန်လည်တည့်မတ်ရန်အတွက် ယင်းကျောက်တိုင်ကြီး၏ အောက်ခြေ အခြေခံအုတ်မြစ်တွင် ပင်လုံမူတို့သည် မပျောက်မပျက် အခိုင်အမာတည်ရှိနေပါသေးသည်။ ပင်လုံမူကို လူမျိုးပေါင်းစုံပြည်သူတို့ အတူတကွ ပြန်လည်စုပ်ကိုင်ကာ ပင်လုံလမ်းကိုပြန်လည် လက်တွဲ လျောက်လှမ်းကြမည်ဆိုလျင် ယိုင်နဲ့တိမ်းစောင်းနေသော လွတ်လပ်ရေး ကျောက်တိုင်ကြီး သည်လည်း ပြန်လည်တည့်မတ်လာတော့မည်ဖြစ်ကြောင်း အလေးအနက် တင်ပြဆွေးလိုက်ပါသည်။

ဗိုလ်ချုပ်အောင်ဆန်းကိုယ်တိုင်က လမ်းညွှန်ခဲ့သည်မှာ လွတ်လပ်ရေး ရပြီးလျင် “သူများ ခြေလှမ်းတလှမ်းလှမ်းရင်၊ ကျွန်တော်တို့ ကခြေလှမ်း ဆယ်လှမ်းလှမ်းနိုင်ရမယ်” ဟူ၏။ စစ်အာဏာရှင်စနစ်အောက်တွင် ကျွန်တော်တို့ သည် အရှေ့သို့ခြေလှမ်း ဆယ်လှန်း မလှန်း ပဲ အနောက်သို့ ခြေလှမ်းအလှမ်းတရာလှမ်းခဲ့ကြသည်။ ယနေ့ကာလ အင်တာနက်ခေတ်တွင် အိမ်နီးခြင်းနိုင်ငံများ အပါအဝင် ကမ္ဘာ့ နိုင်ငံများသည် ခြေလှမ်းကျဲကြီးများဖြင့် အီလက်ထြောနစ် နည်းပညာတို့ ၏ အကူအညီကို အသုံးပြုပြီး သတင်းအချက်အလက်များကို မြန်ဆန်လွန်းလှသော အလျင် နှုန်းများဖြင့် ဖလှယ်ရင်း စီးပွားရေး၊ နိုင်ငံရေး၊ လူမှုရေး အဖက်ဖက်တွင် ကျွန်တော်တို့ ကို စက္ကန့် နှင့် အမျှ တဝီဝီ် ကျော်ဖြတ်ချန်လှပ်နေပြီဖြစ်သဖြင့် သူများ ခြေလှမ်း တလှမ်းလှမ်းလျင်၊ ကျွန်တော်တို့ ကခြေလှမ်း အလှမ်းတရာလောက် မှ မလှမ်း နိုင်လျင် နေ့စဉ်နှင့်အမျှ လူသားတို့၏ ပစ္စုပ္ပန် ဘဝအတွင်းသို့ ပြင်းထန်လွန်းသော အမြန်နှန်းဖြင့် ဆောင့်ကာနင်းကာ ဝင်ရောက်လာ နေသော အနာဂတ် ကမ္ဘာကြီးသည်ကျွန်တော်တို့ နိုင်ငံအား ဒရွတ်တိုက် ဆွဲခေါ်ကာ နိုင်ငံ အဝှမ်း ပွန်းပဲ့ထိရှမှုများ ကိုမကြာတော့သောကာလတွင် အတောမသတ်မြင်တွေ့ခံစားကြရမည်ဖြစ်သည်။ အရှိန် အဟုန် ဖြင့် ဝင်ဆောင့်ကာစိန်ခေါ်နေသည့် အပြောင်းအလဲများကို လက်နက်ဖြင့်၎င်း၊ အာဏာဖြင့်၎င်း ဟန့်တားနိုင်စရာကြောင်းမရှိပေ။ သူများ တကာ အင်တာနက် အဝေးပြေး လမ်းမကြီး ပေါ်တွင် တဝီဝီ ကျော်ဖြတ် နေစဉ်တွင် ကျွန်တော်တို့ နိုင်ငံအား လှည်းကြမ်း ကြီး ပေါ်တင်ပြီး တအိအိ မောင်နှင်း ခေါ်ဆောင်ကာ ပဒေသရာဇ် ခေတ်ဟောင်း ဆီသို့ နောက်ပြန်လှမ်းနေ သော တောသူကြီး တို့ ခေတ်သည် ကုန်ဆုံးသင့်ပြီဖြစ်သည်။

ဒေါ်အောင်ဆန်းစုကြည် နောက်ဆုံးအကြိမ် နေအိမ်အကျယ်ချုပ်မှလွတ်မြောက်လာသည့် အချိန်တွင် ဘီဘီစီသတင်းထောက်မှ သူမအား ဗမာ့ တပ်မတော်ကို ဖြိုခွင်းရန် ဆန္ဒရှိမရှိ ထိလွယ်ရှလွယ်လွန်းလှသောမေးခွန်းတရပ်ကိုမေးမြန်းခဲ့ရာတွင် ဒေါ်အောင်ဆန်းစုကြည်၏ အဖြေမှာ လိုရင်း တိုရှင်း ရိုးစင်း လှပါသည်။ “ကျမအနေ နဲ့ ဗမာ့တပ်မတော်ကိုဖြိုခွင်းဖို့ ဘယ်တုံးကမှ ဆန္ဒ မရှိခဲ့ပါဘူး။ တပ်မတော်က ပြည်သူတွေရဲ့ဆန္ဒ ကို အကောင် အထည် ဖေါ်ပေးဖို့ ကိုသာ ကျမ တစိုက်မတ်မတ်ပြောခဲ့တာပါ” ဟူ၍ဖြစ်သည်။ ပြည်သူတို့၏ ဆန္ဒအစစ်အမှန်အတိုင်း ငြိမ်းချမ်း သာယာသော ပြည်ထောင်စုကြီးကို ပုံဖေါ် တည်ဆောက် ရန်အတွက် တပ်မတော်၏ ဖခင်ကြီးဖြစ်သော ဗိုလ်ချုပ်အောင်ဆန်းကိုယ်တိုင် က ပင်လုံ တွင် ၄င်း၊ သူ၏ အခြေခံဥပဒေရေးဆွဲရေးဆိုင်ရာ လမ်းညွှန်ချက် (ရ) ချက်တွင်၎င်း အတိအလင်းအုပ်မြစ်ချပေးခဲ့ပြီးဖြစ်ပါသည်။ ယနေ့တပ်မတော် ခေါင်းဆောင် များအနေနှင့် တပ်မတော်၏ဖခင်ကြီးဖြစ်သော ဗိုလ်ချုပ်အောင်ဆန်းကိုယ်တိုင် ခင်းပေးခဲ့သည့် ပင်လုံလမ်းပေါ်သို့ ပြည်သူ တို့ကို ဦးဆောင် ကာ အတူ တကွ မလျောက်လှမ်းနိုင်စရာ ခိုင်လုံသောအကြောင်းတစုံတရာပြစရာ မရှိပေ။ ပင်လုံလမ်းကိုလိုက်လာသည်နှင့်အမျှ တပ်မတော် ၏ ဖခင် ကြီး ကိုယ်တိုင် တည်ဆောက်ခဲ့သည့် ပင်လုံခေတ်မှာကဲ့သို့ တပ်မတော်နှင့် ပြည်သူ ပြည်သူနှင့်တပ်မတော်သည် တသားတည်း ဖြစ်သွား ကြမည်မှာ ဧကန်မလွဲပေ။

အဘိုးမဖြတ်နိုင်သော ပင်လုံ အမွေအနစ် မှရရှိခံစားခဲ့ရသော ဆုမြတ်အကျိုးကျေးဇူးတို့ကို လူမျိုးပေါင်းစုံ ပြည်သူတို့ မမေ့မပျောက် အတူတကွ ဆက်လက် ထိမ်းသိမ်း ကြပါစို့။ ပင်လုံ သည် ကျွန်တော်တို့ ၏ အတိတ်၊ ကျွန်တော်တို့၏ ပစ္စုပ္ပန်၊ ကျွန်တော်တို့ ၏ အနာဂတ် ဖြစ် ပေ သည်။

ဆလိုင်း ကစ်(ပ်)ခိုလျန်

(၁) (A Theory of Universal Democracy empowers cultures and communities across the world to custom design democracy in consonance with their traditional values. For example, the [author] makes concrete proposals for Muslim countries to democratize their constitutions without accepting Western values and without violating the principles of Islamic law. A Theory of Universal Democracy. Beyond the End of History. By L. Ali Khan)

(၂) ပင်လုံစာချုပ် (၁၉၄ရ)။ http://vansangva.com/vansangva-library/#1

ဗိုလ်ချုပ်အောင်ဆန်း ၏ လမ်းညွှန်ု (ရ) ချက်။ http://vansangva.com/vansangva-library/#2

ဗိုလ်ချုပ် ၏ အခြေခံဥပဒေ ပထမ မူကြမ်း (၁၉၄၇)။ http://vansangva.com/vansangva-library/#3

(၃) The United Nations General Assembly adopted United Nations General Assembly Resolution 1514 (XV) under titled Declaration on the Granting of Independence to Colonial Countries and Peoples provided for the granting of independence to colonial countries and peoples in providing an inevitable legal linkage between self-determination and its goal of decolonisation, and a postulated new international law-based right of freedom also in economic self-determination.

အခြားဆက်စပ်သော “ပင်လုံဆောင်းပါးများ“ ကို http://vansangva.com/category/panglong-articles/ တွင်ဖတ်ရှုနိုင်ပါသည်။

Posted by Zogamnuam

November 19th, 2014 at 12:42 pm

Warmest Season’s greetings

Comment ရေးရန် (no comment)

Dear Readers and Subscribers,

Warmest Season’s greetings to you all from Vansangva Group.

We are now presenting you Part 1 of a paper by Salai Mamang titled “2008 Constitution: Seven Clauses recommended by the Ethnic Nationalities for amendments.

We hope you enjoy reading the paper and any comment from our readers would be very much appreciated.

We wish you all the best in the coming NEW YEAR – 2015.

Salai Kipp Kho Lian

Posted by Zogamnuam

December 31st, 2014 at 1:06 pm

ပင်လုံသို့ တကျော့ပြန်ခရီး

Comment ရေးရန် (no comment)

ပင်လုံခရီးသည်
ကျွန်တော်တို့ နိုင်ငံ ရဲ့မြေပုံကိုကြည့်ရင် လှတာကတော့မပြော နဲ့ ဘယ်နိုင်ငံနဲ့ မှမတူဘူး။ တမူထူးခြားစွာကို လှတယ်လို့ဆိုရမှာပဲ။

ဒါတင်ပဲလား။ နိုင်ငံရဲ့မြေပုံ ကိုအသေအခြာကြည့်လိုက်စမ်းပါ။ အထက်ကနေအောက်ဖက် ကို မြောက်ဖက်ကနေ တောင်ဖက်ကို စီးဆင်း နေတဲ့ ဧရာဝတီမြစ် နဲ့ ချင်းတွင်းမြစ် မြစ်ညီနောင် နှစ်သွယ် ကိုကြည့်လိုက်ရုံ နဲ့ ဒီ နိုင်ငံဟာ စားနပ်ရိက္ခာ နဲ့ သားငါးအင်မတန် ပေါကြွယ်ဝတဲ့ အပြင် ပိုလျှံ ပြီး ပြည်သူတွေက ဝဝလင်လင် ဖူဖူလုံလုံ နဲ့ စားသောက်နိုင်ကြပြီး အိမ်နီးနားချင်းတွေကိုရော ကမ္ဘာအနှံ့ကိုပါ လယ်ယာထွက်ပစ္စည်း တွေ အလျှံပယ် တင်ပို့ နိုင်လို့ အင်မတန် မှ ချမ်းသာတဲ့ နိုင်ငံဖြစ်ရမယ် လို့ အပိုင်ပေါက် ပြောနိုင်ပါတယ်။

ဒါတင်ပဲလား။ မကသေးပါဘူး။ နိုင်ငံရဲ့ အနောက်ဖက်ခြမ်း၊ မြောက်ဖက်ခြမ်း နဲ့ အရှေ့ဖက်ခြမ်း တခုလုံး ကို လှပပြီး မြင့်မားတဲ့
တောင် ကပါးကြီး တွေ က ကာရံထားလိုက်သေးတယ်။ ကျူးကျော် လာမဲ့ ပြည်ပရန် ကိုကာကွယ်ဖို့ သဘာဝ တရားကြီး က အခိုင်အမာ တန်တိုင်းကြီးတွေနဲ့ ကို ကာစီးပေးထားလိုက်သေးတယ်လေ။ ကြည့်စမ်း ဘယ်လောက် လုံခြုံတဲ့ နိုင်ငံကြီးလဲ။

ဒါတင်ပဲလား။ ဘယ်ကမှာတုံး။ အဲဒီတောင်တန်းတွေပေါ်မှာ အေးအေးလူလူ ငြိမ်းငြိမ်းချမ်းချမ်း နေချင်ကြတဲ့ တောင်ပေါ်သားတွေ နေထိုင်ကြပြန်တယ်။ ဒီတောင်ပေါ်သား တွေ က သူတို့ ရဲ့ ဘာသာစကား၊ သူတို့ ရဲ့ယဉ်ကျေးမှု၊ သူတို့ရဲ့ဒေသပြည်တွေ ကို နှစ်နှစ်ကာကာ ချစ်ကြတာ။

နောက်ထပ် ဘာရှိသေးလဲ။ အဲ ….. အဲဒီတောင်တန်းတွေပေါ်မှာ တိုင်းပြည်အတွက် အဖိုးမဖြတ် နိုင်တဲ့ ကျောက်မျက်ရတနာတွေ သယံဇာတ တွေ အဘိုးတန် သစ်ပင် ပန်းမာလာတွေကလည်း စုံသလားမမေးနဲ့။ ဒီနိုင်ငံမှ မချမ်းသာရင် ကမ္ဘာ မှာ ဘယ်နိုင်ငံချမ်းသာတော့ မှာ တုံးလို့တောင်မေး ရတော့မလိုပါပဲ။

ဟောတခါ၊ အောက်ပိုင်းကိုလဲကြည့် လိုက်ကြပါအုံး။ ပင်လယ်သမုဒယာ က ပြည်ပရန် ကို ကာဆီးပေးထားရုံ မက သူ့ရဲ့ ထွက်ကုန်တွေ ကို ကမ္ဘာ ကိုတင်ပို့ဖို့ တခါးကြီးဖွင့်ပေး ထားပြန်သေးတယ်။ ကောင်းလိုက်တဲ့ တိုင်းပြည်ဗျာ။
ဘုရားသခင်ရဲ့ ကောင်းချီး အဖြာဖြာ နဲ့ ပြည့်စုံတဲ့ နိုင်ငံတခုပေပဲ။ အိမ်နီးချင်း တွေ က မနာလိုဝန်တိုစရာ ကောင်းလှတဲ့ နိုင်ငံပဲဟေ့။

ပြီးတော့ ပိုပြီးတောင်မနာလိုစရကောင်းတာက ဒီနိုင်ငံမှာ ကမ္ဘာပေါ်မှာ အနှစ် တထောင်မှာမှ တယောက်လောက်
နိုင်ငံသား ပြည်သူတွေ ကံကောင်းထောက်မ ပါ မှ ပေါ်ထွန်းလေ့ရှိတဲ့ အမျှော်အမြင် ကြီးမားတဲ့ ခေါင်းဆောင်တယောက်လည်း ပေါ်ထွန်းခဲ့ဘူးသေးတယ်ဗျ။ သူကတော့ အညာသာလေး ကိုအောင်ဆန်းပါ။ သူ့ ကို ပြည်သူတွေက ဗိုလ်ချုပ်အောင်ဆန်းလို့ ချစ်စနိုး ခေါ်ကြတယ်။ ဗိုလ်ချုပ် လို့အဖျားလေးဆွတ်ပြီးလည်းခေါ်ကြတယ်။

ဒီခေါင်းဆောင်က ဘယ်လောက် အမျှော်အမြင်ကြီးသလဲ ဆိုတာကြည့်ရအောင်။ ပင်လုံ ဆိုတဲ့ မြို့လေးတခု မှာ
သူ က တေင်ပေါ်သား တွေနဲ့ပေါင်းပြီး ဒီနိုင်ငံကြီး ကို ရာသက်ပန် ငြိမ်းချမ်းတဲ့ ပြည်ထောင်စုကြီး အဖြစ်ထူထောင် ပေးခဲ့တယ်။ သူကိုယ်တိုင် ကလည်း အဲဒီပြည်ထောင်စု နိုင်ငံသစ်ရဲ့ ပြည်ထောင်စုသားကြီး ဘဝကို ဦးဦးဖျားဖျား ခံယူခဲ့တယ် …..

ဒီတော့ ပြည်ထောင်စုသား ပြည်သူအားလုံး ကလည်းသူ့ကိုချစ်ကြတာပေါ့။

ကြည့်စမ်း နိုင်ငံရဲ့သဘာဝရေမြေတောတောင်တွေ ကကို တော်တော်ကြီး မနာလို စရာ ကောင်းလောက်အောင်ဖြစ်နေပြီ … ဒီကြားထဲ ပြည်သူတရပ်လုံး ချစ်ခင် လေးစား တဲ့ ခေါင်းဆောင်ကောင်းတ ယောက်ကိုပါ ဒီ နိုင်ငံကြီးကမွေးဖွား ပေးလိုက် သေးတာ။

ဒါပေမဲ့ ဒါပေမဲ့ .… ဒီခေါင်းဆောင်ကြီး ကိုသတ်သူကသတ်သွားကြတယ်။ သူမက်ခဲ့တဲ့ ပင်လုံ အိပ်မက် ကိုပါ ဖျက်ဆီးသူကဖျက်ဆီးသွားခဲ့တယ်။ သူထူထောင်ခဲ့တဲ့ ပင်လုံပြည်ထောင်စုကြီး လည်း အဖြိုလှဲ အဖျက်စီး ခံခဲ့ရတယ်။ တိုင်းပြည်ကို ကာရံပြီး အကာအကွယ်ပေးထား
တဲ့တောင်တန်းတွေကိုလည်း မီးရှို့ဖျက်ဆီးခဲ့ကြတယ်။ မြစ်ကြီးတွေ လည်း တိမ်ကောလုမတတ် အဖျက်ဆီး ခံခဲ့ကြရတယ်။

တချိန်က လှပတဲ့တောတွေတောင် တွေ ဟာလည်းမီး တွေ တဟုန်းဟုန် တမြှိက်မြှိက် လောင်ကျွမ်းနေလေရဲ့။

တချိန်က ရွှေဝါရောင်ဝင်းနေခဲ့တဲ့ အလည်ကျောက လယ်တောတွေ လည်းခြောက်သွေ့ ကုန်ပြီ။

စစ်မီးတွေ ဟုန်းဟုန်းတောက်လောင်နေတာလည်း အနှစ် (၆ဝ) ကျော်ခဲ့ပြီ။ ဟိုက် အနှစ် ခြောက်ဆယ်ကျော်ကြီးများ တောင် လားလို့လာမမေးနဲ့။ (၁ဝ) နှစ်မဟုတ်ဘူး၊ ဒီစစ်ပွဲကြီး က၊ အနှစ် (၂ဝ) မကဘူး၊ အနှစ် (၃ဝ) လည်းမရပ်သေးဘူး၊ ရပ်ကြရအောင်လို့ မပြောသေးဘူး၊ ဆက်ပြီးလောင်နေသေးတယ် ဒီစစ်မီး က။ အနှစ် (၄ဝ) ဟော အနှစ် (၅ဝ) ကျော်လာပြီ၊ မရပ်သေးဘူးခင်ဗျ၊ လောင်ကောင်းတုံး။ အခုလည်းကြည့် အနှစ် (၆ဝ) ကျော် လာပြီ နှစ်တွေနှစ်တွေ ရေတွက်လာ ကြတာ၊ ရပ်သွားပြီလား ဒီစစ်ကြီး က။ မရပ်သေဘူးဗျို့။ တိုက်ကြတုံးခိုက်ကြတုံး။ လောင်လိုက်တဲ့စစ်မီး လောင်တုံး မြှိက်ကောင်းတုံးပ။ တိုင်းပြည်လည်း ကမ္ဘာ့အဆင်းရဲဆုံး နိုင်ငံစရင်းဝင်တဲ့၊ အံ့ပဗျာ… အံ့ပ။

ကဲကဲကဲ… အညာသားလေး ကိုအောင်ဆန်း ဘာတွေတွေးခဲ့သလဲ၊ ပြန်ကြည့်ရအောင်၊ သူကိုယ်တိုင် ငြိမ်းငြိမ်းချမ်းချမ်း ထူထောင်ပြီး လပိုင်းအတွင်း ပြိုလဲပျက်စီးသွား ခဲ့တဲ့ ပင်လုံပြည်ထောင်စုကြီး ကိုပြန်ကြည့်ရအောင်။ ပြည်သူတွေအားလုံး အတွက် ပင်လုံ လမ်းကလွဲ လို့ လျောက်လှမ်းရမဲ့ လမ်းမရှိတော့ဘူး။ လမ်းပေါင်းစုံပြီ လျောက်ခဲ့ကြတာ။ ပင်လုံခရီး ကိုပြန်သွားကြရအောင်ပါ။

ပင်လုံ ကို ရဲရဲကြည့်ကြစမ်းပါ။ ကိုအောင်ဆန်းရဲ့ ပင်လုံ အတွေးကိုရဲရဲတွေးကြပါ။ ငြိမ်းချမ်းသောပြည်ထောင်စု ဟာပင်လုံ မှာပဲရှိတယ်။ ဘယ်မှာ မှ သွားရှာမနေကြနဲ့။

ပင်လုံ ကိုပြန်သွားကြမယ်ဆိုတာ အတိတ်ကိုပြန်သွားဖို့ပြောနေတာမဟုတ်ဘူး။ အနာဂတ် ကိုသွားဖို့ပြောနေတာ။
ဗိုလ်ချုပ် မျှော်မှန်းခဲ့တဲ့ ပင်လုံပြည်ထောင်စု ကိုပြန်ထူထောင်ဖို့ပြောနေတာ။

ဘာတုံး ဗိုလ်ချုပ်ထူထောင်ချင်တဲ့ ဗိုလ်ချုပ် မျှော်မှန်းခဲ့တဲ့ ပင်လုံပြည်ထောင်စု ဆိုတာ။ ဘယ်လိုပုံစံမျိုးလဲ။ အသေအခြာကြည့်
ရင် ရဲရဲ ကြည့် ရင် မြင်ရမှာ ဖြစ်တယ်။ ရဲရဲ ကြည့် ဖို့ ပြောရတာက တချို့ ကြောက်နေကြလို့ပြောရ တာ။ ခြောက်တဲ့သူကခြောက်တော့ ကြောက်တတ်သူ ကလည်းကြောက် တာပေါ့။ ဒီတော့ အဲဒီ ပင်လုံပြည်ထောင်စုကြီး ကို ရဲရဲကြည့် ကြရအောင်။ မြင်မှ၊ သိမှ ယုံကြည်မှပဲ ပင်လုံ ခရီး ကို ဖြောင်းဖြောင့် ကြီးပြန်လျောက် နိုင်ကြမှာ မဟုတ်လား။

ပင်လုံ ရယ်…….
ဒီမိုကရေစီရယ် ……
ဖက်ဒရယ် ……..
ပြည်ထောင်စုရယ်…….
ငြိမ်းချမ်းရေး ရယ် …….

ဒီလေး ခုစလုံးဟာ တခု နဲ့ တခု ဘယ်လိုမှ ခွဲခြားလို့ မရဘူး ဆိုတာ မှန်ကန် သောသစ္စာတရားတခုပါ။ ပင်လုံ ခရီးဆိုတာ ငြိမ်းချမ်းသောခရီး ပါ၊ ပြည်သူတွေ ကိုချောက်ကြီးထဲပို့မဲ့ခရီးမဟုတ်ပါဘူး။ ကျွန်တော်တို့ လူမျိုး ပေါင်းစုံ ပြည်သူတွေအားလုံး ချစ်ချစ်ခင်ခင် နဲ့ လက်တွဲပြီး ဒီ ငြိမ်းချမ်းသော ပင်လုံခရီး ကိုပြန်လျောက်လှမ်းကြရအောင်ပါ။

နောက် အပတ် မှာ ပင်လုံ ပြည်ထောင် စုရဲ့ အခြေခံအုတ်မြစ် တွေကို ရဲရဲကြီးကြည့် ရင်း ပင်လုံ ခရီး သည်တွေ မကြာတော့တဲ့ အနာဂတ်မှာ မြင်တွေ့ကြရမဲ့ ပင်လုံ ဆိုတဲ့ ငြိမ်းချမ်းရေးပန်းတိုင် ဆီ ကို အတူ တကွ ဆက်လက်လျောက်ကြသေးတာပေါ့။

Play

Posted by Zogamnuam

August 2nd, 2016 at 10:55 pm

Posted in Back to Panglong

Panglong Spirit and Panglong Agreement

Comment ရေးရန် (2 comments)

ပင်လုံစာချုပ် နှင့် ပင်လုံ စိတ်ဓါတ် အပေါ် ဒေါ်အောင်ဆန်းစုကြည် ၏ နိုင်ငံရေး အမြင် အား ဝေဖန် ဆန်းစစ် ခြင်း

Original English Version by Sai Wansai : August 08, 2016 Panglong.org

Translated into Burmese Version by Salai Kipp Kho Lian (Vansangva.com)

ဒေါ်အောင်ဆန်းစုကြည် ၏ အလိုအရ “ပင်လုံ စာချုပ်” သည် အဓိကမကျ။ “ပင်လုံ စိတ်ဓာတ်” သည် သာလျင် ပြည်ထောင်စု မြန်မာနိုင်ငံ ကိုထူထောင်ရန် နှင့် ၁၉၄ဂ ခုနှစ်တွင် ဗြိတိသျှ ထံမှ လွတ်လပ်  ရေး ကို အရယူ  ပေးနိုင်ခဲ့ ပြီး အဓိက ကျသော အချက်ဖြစ်သည်။

လွန်ခဲ့သော ဂျွန် လ နှင့် ဂျူလိုင်လများ တွင် NCA လက်မှတ်ရေးထိုးပြီး သည့် တိုင်းရင်း သားလက် နက်ကိုင် အဖွဲ့ အစည်းများ နှင့် တကြိမ်၊ လက်မှတ်မထိုးသေးသော အဖွဲ့ များ နှင့် တကြိမ် အသီး သီး တွေ့ဆုံခဲ့ကြရာတွင် နှစ် ကြိမ် နှစ်ခါ  စလုံး ဒေါ်အောင်ဆန်းစုကြည်က သူ၏  အဆိုပါ နိုင်ငံရေး အမြင် ကို အတိအလင်းပြောကြားခဲ့သည်။

နိူ်င်ငံရေး နိူးကြွားမှုမြင့်တက်နေသော တိုင်းရင်းသား အင်အားစု အသိုင်း အဝိုင်း နှင့် ယျထဘူတကျကျ စဉ်းစားတွေးခေါ် သည့် ဗမာ နိုင်ငံရေး လောက တို့ တွင် ဤ ကိစ္စ နှင့် ပတ်သက်၍ စိုးရိမ်ပူပန်မှု ကိုဖြစ်  စေ သည်မှာ အမှန်ပင် ဖြစ် သည်။

ဒေါ်အောင်ဆန်းစုကြည် သည် ဤကိစ္စ နှင့်ပတ်သက်၍ မည်သို့ တိတိကျကျပြောဆိုခဲ့သည် ကို အနီးကပ် စောကျော  လေ့လာကြည့် ရာ အောက်ပါအတိုင်းတွေ့ ရသည်။

သြဂုတ် လ (၄) ရက်ထုတ် သျှမ်းသံတော်ဆင့်တွင်ဖေါ်ပြချက်အရဆိုလျင် ဂျူလိုင် လ (၁ရ) ရက်နေ့ တွင် UNFC နှင့် ရန်ကုန်တွင်တွေ့ဆုံခဲ့စဉ် က ပင်လုံနှင့်ပတ်သက်ပြီး အောက်ပါအတိုင်း  ပြောဆိုခဲ့သည်ဟု သိရသည်။

”ပင်လုံညီလာခံဆိုတာ ပင်လုံ Agreement အပေါ်မှာအခြေခံမှာ လား။ ပင်လုံစိတ်ဓါတ်အပေါ်မှာ အခြေခံတာလား။ ပင်လုံသဘော တူညီ ချက် ဟာ ယျေဘုယ သဘောဆန်ပါတယ်။ တိတိကျကျရယ်လို့တော့မဟုတ်ပါ ဘူး။ ပြန်ဖတ်ကြည့်မယ်ဆိုရင်တော့ အဓိက ပါနေတာက ကချင်နဲ့ ပတ်သက်တဲ့ဟာ ပါတာပါ ။ တခြားတိုင်းရင်း သားတွေနဲ့စာ လို့ရှိရင်တော့ အပိုဒ် ၅ အပိုဒ် ၆ နဲ့အပိုဒ် ၉ မှာ သေသေချာချာကို ကချင်ဆိုပြီးတော့ ဖော်ပြ ထားတာရှိပါတယ်။ ၈ မှာတော့ ရှမ်းကို ဖော်ပြ ထား ပါတယ်။ ရှမ်းကိုဖော်ပြထားရာမှာ လည်း တကယ်တော့ General  ဖြစ်ပါတယ်။ ဥပမာ (VIII) The arrangements accepted in this Agreement are without prejudice to the financial autonomy now vested in the Federated Shan States.အဲတော့ without prejudice ဆိုတာ အဓိပ္ပါယ်အမျိုးမျိုးဖော်လို့ရပါတယ်။ အဲဒီတော့ ပင်လုံစာချုပ်အတိုင်းသွားမယ်ဆို လို့ရှိရင် တောင်မှ လိုတိုးပိုလျှော့          တွေအများကြီးလုပ်နိုင်တဲ့အခြေအနေရှိပါတယ်။ ဒါဟာကျမတို့အ တွက်ပြဿနာ မဖြစ်နိုင်ပါဘူး။ ပြဿနာက တကယ်ကျမတို့ သဘောတူညီမှုယူချင်တယ် ဆိုလို့ရှိရင် ဘာမှပြသနာမရှိပါဘူး။ ကျမက ပင်လုံစိတ်ဓါတ် လို့ပြော တာဟာ ပူးပေါင်း ဆက်ဆံရေး။ ပူးပေါင်း ခြင်းအားဖြင့်ပေါ့နော်။ ဒါပေမယ့် ကျမ တို့က စိတ်ဓါတ်ဘဲယူရမယ်။ ဒီထဲမှာ ရှမ်း၊ ကချင်၊ ချင်း၊ ဗမာ ပါတယ်။ မွန်မပါ ကယားမပါ။ မပါတာတွေအများကြီးဘဲ။ ဒါကြောင့်ကျမက ပင်လုံ စိတ်ဓါတ်ကို အခြေခံပါလို့ပြောတာ။ ပင်လုံစာချုပ်ကိုအခြေခံမယ်ဆိုရင် ကချင်၊ ချင်း၊ဗမာ၊ ရှမ်း နဲ့ဘဲပြီးသွားရောလားဆိုတာ- မဖြစ်နိုင် ပါဘူး။ နောက် ပင်လုံစာချုပ် ထဲကအတိုင်း လို့မပြောတာဟာ တိုင်းရင်းသားတွေရဲ့အခွင့်အရေးတွေကို ကန့်သတ် ချင်လို့မဟုတ်ပါဘူး။ ပြောရမယ်ဆိုရင် ပင်လုံစာချုပ်က ကျဉ်းလွန်းလို့ပါ။ ဒါ့ထက်ပိုပြီးတော့ ကျယ်ပြန့်ဖို့ကျမ တို့လိုပါတယ် တကယ့်ဖက်ဒရယ်ပြည်ထောင်စု ထူထောင်ဖို့ဆိုလို့ရှိရင်ပေါ့။“

ဒေါ်စုဆိုလိုသည်မှာ ရှမ်းပြည်ထောင်များ နှင့် ချင်း၊ ကချင်တောင်တန်း ဒေသများ သည် ဗမာ နှင့် အတူ လွတ်လပ်ရေး ကို အတူတကွ ရယူရန် ဆုံးဖြတ်ခဲ့သည့် အချက် သည် လွတ်လပ်ရေး ကို ဆောင်ကျဉ်း ပေးခဲ့သည့် အချက် ဖြစ်သည့်အလျောက် ပင်လုံ ဟူသော မြို့ ကလေးတွင် ပင်လုံစိတ်ဓါတ်မွေးဖွားခဲ့ ခြင်းဖြစ်သည်။ ထို့ကြောင့် ပင်လုံ စိတ်ဓါတ်သည်သာ လျင် ပင်လုံစာချုပ်ထက် ပို၍ အရေးကြီး သည် ဟုဆိုလိုယင်းဖြစ်သည်။

နောက်တစ်ချက်ထောက်ပြ ပြောဆိုသွားသည်မှာ ကရင်နီ၊ မွန်၊ ကရင် နှင့် ရခိုင် နှင့် အခြား လူမျိုးများ မပါဝင်ခဲ့ သဖြင့် ပင်လုံစာချုပ်သည် ကျဉ်းမြောင်း နေသည်၊ ပို၍ ကျယ်ပြန့်အောင်လုပ်ရန်လိုအပ် သည်။  ပင်လုံစာချုပ်ကို ပစ်ပယ်ကာ ပိုမိုပြည့်စုံသော စာချုပ်တစ်ခုဖြင့် အစားထိုးရမည်ဟု ဆိုလိုဟန်ရှိ သည်။

စောစောပိုင်း (၂ဂ)ဂျွန် လတွင် လက်မှတ်ရေးထိုးခဲသော အဖွဲ့ (ဂ)ဖွဲ့ နှင့် နေပြည်တော်တွင် တွေ့ ဆုံစဉ်က လည်း အောက်ပါအတိုင်းတိတိကျ ပြောဆိုခဲ့သည်။

“ ပင်လုံညီလာခံဆိုတာဘာကိုပြောလိုတာလဲ၊ ပင်လုံစိတ် ဓါတ်ကို ပြောလိုတာလား၊ စာချုပ် ကို ပြောလိုလား၊ သဘောတူညီချက်ကို  ပြောတာလား လို့ မေးခွန်းတွေမေးလာတာရှိပါတယ်၊ ပထမဦးဆုံး အား ဖြင့်တော့  ပင်လုံစာချုပ်ကိုဘဲ ပြော တာမဟုတ်ပါဘူး။ ပင်လုံစာချုပ်ကအဓိကမဟုတ်ပါဘူး လို့ပြောချင်ပါတယ်၊  ဘာဖြစ်လို့လည်း ဆိုတော့ ပင်လုံစာချုပ်က အဲဒီအချိန်အခါတုန်းကလွတ် လပ်ရေးရဖို့ချုပ်ဆိုခဲ့ခြင်းဘဲ ဖြစ်ပါ တယ်၊ လွတ် လပ်ရေး ကိစ္စနဲ့သက် ဆိုင်ပြီး ချုပ်ဆိုခဲ့ခြင်း ဘဲ ဖြစ်ပါတယ်၊  စာချုပ်ကိုချုပ်ဆိုတဲ့ တိုင်းရင်းသားတွေ ကအားလုံးသိကြတဲ့အတိုင်း အနည်းအကျဉ်းဘဲ ပါတယ်၊ မပါတဲ့သူတွေ က ပင်လုံစာချုပ်အ  ပေါ်အခြေခဲ့ မယ်ဆိုရင်မိမိတို့ တိုင်းရင်းသား လူမျိုးစုတွေ ကိုလစ်လျူရှုထားတာလား လို့မေးစရာဖြစ်လာမယ်။

ဒေါ်အောင်ဆန်းစုကြည်၏ ပင်လုံစာချုပ်အပေါ် သဘောထားအမြင်သည် လူအတော်များများကို စိတ်အနှောက်အ ယှက်ဖြစ်စေခဲ့ပါသည်။ တစ်ချို့ ကလည်း ဒေါ်အောင်ဆန်းစုကြည် ၏ ရပ်တည်ချက်သဘောထား သည် လွတ်လပ်ရေး ရလုဆဲ အချိန် ၁၉၄၇ ခုနှစ် တွင် လုပ်ကြံခံခဲ့ရသည့် သူ ၏ ဖခင် ဗိုလ်ချုပ်အောင်ဆန်း နှင့် ဆန့်ကျင်ဖက်ဖြစ်နေသည့် သဘော အဓိပ္ပါယ်ကောက်ယူ ကြပါသည်။ ဗိုလ်ချုပ်အောင်ဆန်းသည် ၁၉၄ရ နှစ် ပင်လုံစာချုပ်ချုပ်ဆိုသည့် ကာလတွင် အဓိက ဇတ်ဆောင်ဖြစ်ခဲ့ ပြီး ယင်း ကာလ ကြားဖြတ်မြန်မာ အစိုးရ၏  ကိုယ်စားလှယ်လည်းဖြစ်ခဲ့ပါသည်။

သို့ ဖြစ်သည့် အလျောက် ဒေါ်စု ၏ အမြင်သဘောထားများသည် မည်သည့်အတိုင်းအတာ အထိ  ယျထဘူတကျကျ အဆက်အစပ် ရှိသည် ကို ဆန်းစစ်ရန် လိုအပ်လာပါသည်။

ပထမ အချက်ဖြစ်သည့် ဗြိတိသျှ လက်အောက်မှ လွတ်လပ်ရေး ကို အတူတကွရယူရန်အတွက်  ပူးပေါင်း ခဲ့ ကြ ခြင်းသည် အရေးကြီး သောအချက် တစ်ချက် ဖြစ် သည်မှာ အမှန်ပင်ဖြစ်ပါသည်။ သို့ရာတွင် အပြည့်အဝမှန်ကန် သည်ဟုမဆိုနိုင်ပေ။ ထိုစဉ်ကာလ ပင်လုံ ညီလာခံ တလျောက်လုံးတွင် တောင်တန်းဒေသ ခေါင်းဆောင်များ သည် တစုံတရာ အတိုင်းအတာ တခုအထိ ကြီးမားသော သံသယစိတ် များရှိခဲ့သည်ကို အထင်အရှားမြင်တွေ့ ရပါသည်။ တောင်တန်းဒေသများ အနေနှင့် မိမိတို့ အမှန်တကယ်လိုလားသော တန်းတူ၍ လွတ်လပ်သည့် စစ်မှန်သောပြည်ထောင်စု နိုင်ငံသစ် အစား ဗမာ က ဗြိတိသျှ နေရာကိုဝင်ယူကာ အုပ်စိုးသူ လက်သစ် အဖြစ် တောင်တန်းဒေသ များ အပေါ် တဖက်သတ် စိုးမိုးချုပ်ချယ် လာ မည်ကိုစိုးရိမ်မှု တို့ ရှိနေခဲ့ သည် ကို၎င်း အထင်အရှားမြင်တွေ့ နိုင်ပါသည်။

ဤသို့ သံသယဝင်ကာ စိုးရိမ်ခဲ့ကြသည့် အတိုင်း အမှန်တကယ်ဖြစ်လာသည်ကို ဗြိတိသျှတို့ လက်အောက်မှ လွတ်လပ်ရေးကိုရလာသည့် အချိန်မှ စတင်ကာယနေ့ အထိ ဖြစ်ပျက်နေသော နိုင်ငံရေး ဖြစ်စဉ်များ က သက်သေ ထူပြီးဖြစ်ပါသည်။

ပြည်ထောင်စု မြန်မာ နိုင်ငံ အခြေခံဥပဒေ (၁၉၄၇) တွင် ခွဲထွက်ခွင့် ပုဒ်မပါရှိလာသည်မှာ ဗိုလ်ချုပ်အောင်ဆန်း သည် တိုင်းရင်းသား လူမျိုးများ ၏ စိုးရိမ်မှုများလျော့ပါးအောင် မည်သည့် အတိုင်းအတာ အထိ ဆောင်ရွက်ခဲ့ရသည် ကို ထင်ရှား စေပါသည်။

သို့ဖြစ်ပါသဖြင့် ၁၉၄ရ ခုနှစ် ပင်လုံတွင် ရရှိခဲ့သည့်ပူးပေါင်းမှု ဟူသည်မှာ ဒေါ်စုပုံဖေါ်သကဲ့သို့ သံသယစိတ်များ အကြွင်းမဲ့ ကင်းစင်သည့် ပူးပေါင်း မှု မျိုး မဟုတ်ခဲ့ပါ။ တိုင်းရင်းသားလူမျိုးများ အနေနှင့် ယုံကြည်မှု အပြည့်ဖြင့် တုံးတုံးချ ပူးပေါင်း သည့် သဘောထက် ထိုစဉ်ကာ လ ပကတိ နိုင်ငံရေး အခင်းအကျင်း ၏ ပြဌာန်းချက် သဘော (realpolitik)၊ ကောင်းလှပါသည်ဟု မဆိုသာသည့် တိုင်အောင်၊ ကောင်းတန်ရာ၏ ဆိုသည့်သဘော (calcualated risk) ဖြင့် ပေါင်း စည်းခဲ့ခြင်းသာဖြစ်ပါသည်။ ထိုစဉ်ကာလ တောင်တန်းဒေသမှ ခေါင်းဆောင်ကြီးများ သည် အဆုံးအဖြတ်မှားခဲ့ကြောင်း ယနေ့ အထိဖြတ်သန်းခဲ့ရသော အတိတ်သမိုင်းက သက်သေထူခဲ့ ပြီးဖြစ်ပေသည်။

ဒုတိယအပိုင်း သူပြောသည့် အခြားတိုင်းရင်းသားများပါဝင်ခြင်းမရှိခဲ့ ဟူသည်မှာ ပြည့်စုံလုံလောက်သော အဆိုမဟုတ်သည့် အပြင် လုံးလုံးလျားလျားမှန်ကန်သော အဆိုလည်း မဟုတ်ပေ။ ထိုစဉ် ကာလ ဗိုလ်ချုပ်အောင်ဆန်း ဦးဆောင်သည့် ကြားဖြတ်မြန်မာ အစိုးရ လက်အောက် တွင် တိုက်ရိုက် ရှိနေသော Burma Proper ခေါ် Ministerial Burma ခေါ် ဗမာပြည်မ ဟူသည့် နယ်နိမိတ်တွင် မှီးတင်းနေထိုင်ကြသည် မှာ ဗမာ အပြင် မွန်၊ ကရင်၊ ရခိုင် နှင့် အခြားတိုင်းရင်းသားများ ဖြစ်ကြပါသည်။ ကရင်နီ ခေါ် ကယားဒေသမှာ သီးခြား လွတ်လပ်သောဒေသ ဟု ဗြိတိသျှ ကသတ်မှတ်ထားသောဒေသဖြစ်ပါသည်။

သို့ဖြစ်ပါသဖြင့် ဥပဒေကြောင်းလမ်းအရ ဆိုလျင် ဗမာပြည်မ အတွင်းတွင်နေထိုင်ကြသော တိုင်းရင်း သားအားလုံး ကို ဗိုလ်ချုပ်အောင်ဆန်း က ပင်လုံညီလာခံတွင် ကိုယ်စားပြုကာတက်ရောက်ခဲ့ သည့် အပြင် ယင်းပင်လုံစာချုပ် ကိုလည်း ၄င်း တိုင်းရင်းသား အားလုံး ကိုယ်စား လက်မှတ်ရေး ထိုးခဲ့ခြင်းဖြစ်ပါသည်။

ဂျူလိုင် လ ၂၈ မှ ၃ဝ အထိကျင်းပခဲ့သည့် မိုင်ဂျားယန် အစည်းအဝေးကို တက်ရောက်ခဲ့ သည့် ကေအင်ယူ ဒုဥက္ကဋ္ဌ နော်ဆေဖေါ်ရော်စိန်အား ကရင် သတင်းစင်တာ မှမေးမြန်းချက် ကိုပြန်လည် ဖြေကြားရာတွင် မိမိ၏ ပါတီသည် အခြားတိုင်းရင်းသားများ နည်းတူ ပင်လုံ လက်စွဲ စာအုပ် တွင်ပါရှိသည့် လမ်းညွှန်ချက် တို့ ကိုသဘောတူ လက်ခံကြောင်း၊ ပင်လုံသည် ရှမ်း၊ချင်း၊ကချင် တို့ နှင့် တိုက်ရိုက် ပတ်သက်ခဲ့သော်လည်း အခြား တိုင်းရင်းသားတို့ အတွက် ပါ ကိုယ်ပိုင်ပြဋ္ဌာန်းပိုင်ခွင့်၊ ဒီမိုကရေစီ ရေး၊ တန်းတူရေး အစရှိသည့် ဖက်ဒရယ်ပြည်ထောင်စု နိုင်ငံထူထောင်ရေး ဆိုင်ရာ အချက်အလက် များ ပါရှိသည့် ပင်လုံ စိတ်ဓါတ်ကိုထင်ဟပ်စေကြောင်း အထူးပြုပြော ဆိုသွားခဲ့ ပါသည်။

ထပ်မံဖြည့်စွက်ပြောဆိုရာတွင် ပင်လုံ စာချုပ်သည် ဖက်ဒရယ်ပြည်ထောင်စု ထူထောင်ရေး နှင့် တထပ်တည်း ကျ သဖြင့် ကေအင်ယူ အနေနှင့် သဘောတူလက်ခံပါကြောင်းထွက်ဆိုခဲ့ပါသည်။

ဤရှုထောင့်မှကြည့်လျင် ၁၉၄ရ တွင် ချုပ်ဆိုခဲ့သည့် ဤစာချုပ် အား ပစ်ပယ်ကာ စာချုပ် အသစ် တစ်ခုနှင့် အစားထိုး သင့်သည် ဟူသော အဆို မှာ မဆိုအပ်သော ယျထာဘူတ မကျသော အဆိုပင် ဖြစ်ပါသည်။

ဤစာချုပ်သည် လူမျိုး အုပ်စုများ ပြည်ထောင် များ အတွင်း အခြင်းခြင်း သဘောတူချုပ်ဆို ထားသောစာချုပ် ဖြစ်၍ ယင်းသို့သော စာချုပ်တရပ် အဖြစ်သာသဘောထားရမည်ဖြစ်ပါသည်။ အမျိုးသားပြန်လည်သင့်မြတ်ရေးကိုအောင်မြင် စွာဖေါ် ဆောင် ရာတွင် ဤစာချုပ်အား တစ်ရေ နှိမ့်ခြင်း သေးသိမ်စေခြင်းဖြင့် ကောင်းကျိုး တစ်စုံ တရာ ဖြစ်ထွန်း လာ စရာအကြောင်းမရှိပါ။

စာချုပ်ပါ အချက်ပေါင်း (၉) ချက်တွင် ကချင် နှင့် ရှမ်း ကိစ္စများသာပါရှိခဲ့သည်၊ တိကျ ရှင်းလင်းမှုမရှိ ဟူသည့် အဆိုမှာလည်း ယျထဘူတမကျပေ။ အထူးသဖြင့် ပင်လုံစာချုပ် တခုလုံးကို ပစ်ပယ်ရာ ကျ ပါသည်။

စာချုပ်ပါ အချို့အချက်အလက်တို့သည် ထိုကာလ လတ်တလော အရေးကိစ္စများနှင့် ပတ်သက်နေသည်မှာ အမှန်ပင်ဖြစ်ပါသည်။ အထူးသဖြင့် ကချင်ပြည်နယ် ထူထောင်ရေး၊ ရှမ်းပြည်နယ်၏ ဘဏ္ဍာရေးကိစ္စများ ဖြစ်ပါသည်။ ယနေ့ ကြုံတွေ့နေရသော နိုင်ငံရေး အခက်အခဲများ ကိုဖြေ ရှင်းရန်အတွက် လုံလောက်ပြည့်စုံမှုမရှိဟုဆိုပါက မငြင်း သာပေ။ တရားနည်းလမ်းကျပါသည်။

သို့ပင်ငြားလည်း အရေးကြီး သည့် အပိုင်းများ မှာ ဖက်ဒရယ်ပြည်ထောင်စု နိုင်ငံ ထူထောင်ရေးအတွက် အခြေခံမူ များဖြစ်ကြသော ပြည်နယ်တွင်း ကိုယ်ပိုင်အုပ်ချုပ်ခွင့်၊ ဘဏ္ဍာရေးကိုယ်ပိုင်ပြဋ္ဌာန်းပိုင်ခွင့်၊ ဒီမိုကရေစီရေး၊ တန်းတူရေး ဆိုင်ရာစာချုပ်ပါအချက်အလက်များ ဖြစ်ပါသည်။

အရေးကြီးသည်မှာ ပင်လုံစာချုပ်သည် လူမျိုးများအခြင်းခြင်းအကြား ငြိမ်းချမ်းစွာ အတူယှဉ်တွဲ နေ ထိုင်ရေးအတွက် အပြန်အလှန် သဘောတူချုပ်ဆိုထားသော ပဋိညာဉ် စာချုပ်ဖြစ် သည်နှင့် အညီ ဆက်လက်၍ အလေးအမြတ်ထား ကြရမည်ဖြစ်ပြီး သေးသိမ်အောင်။ ပျက်ပြယ်အောင်ပြုလုပ်ရမည့် အရာကိစ္စ တစ်ခု အလျင်း မဟုတ်ပေ။

မကြာသေးမီက အထင်ကရ ရှေ့နေတစ် ဦးလည်း ဖြစ် မြန်မာ့ နိုင်ငံရေး အား အစဉ်တစိုက် လေ့ လာစောင့် ကြည့်သူတစ်ဦလည်းဖြစ်သော ဦးအောင်ထူးက ဖွင့်ဆိုခဲ့သည်များကို  ကောက်နှုတ်ဖေါ်ပြရလျင်

„ လူ့ အဖွဲ့ အစည်းကို အုတ်မြစ်ချသည့် စာချုပ်သည် တခုတည်းသာ ရှိရပါမည်။ သာဓကအားဖြင့် ကမ္ဘာ့ငြိမ်းချမ်ရရေးကို တည်ဆောက်ရန် ဦးတည်ချုပ်ဆိုသော ကုလသမဂ္ဂ ပဋိဥာဉ်စာတမ်း ……

ဆွစ်ဇာလန် အား ပြည်နယ်သုံးခု တို့ စုပေါင်းကာ ပြည်ထောင်စု နိုင်ငံအဖြစ် စတင် တည်ထောင်ခဲ့  သည့် ဖက်ဒရယ်စာချုပ် (Federal Charter) ……

၁၉၆၃ ခုနှစ်တွင် မလေးယား၊ ဆားဘား၊ ဆားရဝပ် နှင့် စင်္ကာပူ တို့ ပူးပေါင်းပြီး မလေးရှား  သဘောတူညီချက်ကို ချုပ်ဆိုကာ မလေးရှားဖက်ဒရယ်နိုင်ငံတည် ဆောက်လာခဲ့သည့် [စာချုပ်] …….” စသည်တို့ ကိုသာဓကများအဖြစ် အခိုင်အမာ မီးမောင်းထိုးပြသွားခဲ့ပါသည်။

ထို့အပြင် ဦးအောင်ထူးက ဆက်လက်ဖေါ်ပြရာတွင် ယင်းစာချုပ်များကို …..

“….. စာချုပ်သစ် ချုပ်ဆိုခြင်းတို့ မပြု သလို၊ မူရင်းစာချုပ်ကို ဖျက်သိမ်းခြင်း၊ ပြင်ဆင်ခြင်းလည်း မပြုခဲ့ပါ။ မူရင်းအမည်ကို ထပ်မံသုံးစွဲကာ စာချုပ်ချုပ်ဆိုခြင်းမပြု။ သမိုင်း၏ အမွေအနှစ်ဖြစ်သော ဖက်ဒရယ်စာချုပ် သည် တခုတည်းအနေဖြင့် အမည်ရော အနှစ်သာရပါ မူရင်းအတိုင်း ပင်ရှိနေဆဲဖြစ်သည်။“

ဦးအောင်ထူး က ဆက်လက်ဖေါ်ပြရာတွင် “အခြားရည်ရွယ်ချက်များဖြင့် ၂၁ ရာစုပင်လုံညီလာခံဟူသော အမည်တပ်၍ ဖေါ်ဆောင်ပါက [၂ဝ ရာစု] ပင်လုံ စာချုပ် ကြီး၏ အနှစ်သာရကို ဆန့် ကျင်ရာရောက်မည်ဖြစ်သဖြင့် တိုင်းရင်းသား ခေါင်းဆောင်များ လက်ခံကြဘွယ်မရှိ။ ပင်လုံ အမည် ကို အလွဲသုံးစားပြု ရာလည်း ကျပါမည်” ဟူ၍ သူ၏ စာတမ်းရှည်တွင် ထောက်ပြသွားခဲ့ပါသည်။

သူ၏ အဆိုမှာ ပင်လုံစာချုပ်သည် ယနေ့အထိ တရားဝင်ဆဲဖြစ်သည်။ ဒုတိယ ပင်လုံညီလာခံ အား ခေါ်ယူရန်မလို၊ ဒုတိယ ပင်လုံညီလာခံခေါ်ယူရန်အတွက် မူလာပင်လုံ စာချုပ်ပျက် ပြယ် ကြောင်း၊ ပယ်ဖျက်ကြောင်း ကြေညာ ရမည်ဖြစ်သည်။ သို့မဟုတ်ပါက  ဒုတိယပင်လုံညီလာခံ မှ ရရှိလာသော သဘောတူညီချက်တို့သည် မူလပင်လုံ စာချုပ်နှင့် အပြိုင်တည်ရှိနေပြီး မည်သည့် စာချုပ်က တရားဝင် ဖြစ်သည် ကို ဥပဒေကြောင်းလမ်း အရ  မေးခွန်း ထုတ်စရာဖြစ်လာမည်ဖြစ်သည်။ ဒုတိယ  ပင်လုံညီ လာခံ သို့မဟုတ် (၂၁)ရာစု ပင်လုံညီလာခံ ကျင်းပရန်မလိုပေ။ သူ၏အမြင်အရ ပင်လုံ ဟူသော အမည်နာမကို မသုံးသင့်၊ သုံးမည်ဆိုပါကလည်း ပထမပင်လုံညီလာခံမှ ရလဒ်များကို အကောင်အထည်ဖေါ်ဆောင်ရန်ရည်ရွယ်ချက်ဖြင့် ကျင်းပရမည်၊ သို့မဟုတ်ပါက မေးခွန်းထုတ်စရာ တသီကြီးရှိ လာမည်ဖြစ်သည်။

ရှုထောင့် အမြင် အမျိုးမျိုးရှိနိုင်ပါသည်။ မည်သို့ပင်ဆိုစေကာမူ ၁၉၄၇ တွင် ရေးထိုးခဲ့သော ပင်လုံစာချုပ်ကို အခြေခံ၍ ပြည်ထောင်စု မြန်မာ နိုင်ငံ (၁၉၄၇) အခြေခံဥပဒေ ပေါ်ပေါက်ခဲ့ပြီး၊ တဆက်ထည်း တွင် ပြည်ထောင်စု   မြန်မာ နိုင်ငံ ဟူ၍ နိုင်ငံသစ်တခုပေါ်ထွန်းခဲ့ခြင်းဖြစ်သဖြင့် ပင်လုံစာချုပ်သည် လူမျိုးများအခြင်းခြင်း အကြား ချုပ်ဆိုခဲ့သည့် မပြုမပြင်ကောင်းသော အထွတ်အမြတ်ထားရမည့် ပဋိညာဉ် စာချုပ် အဖြစ်သဘောထားရပေမည်။

ပင်လုံ ဟူသော အမည်နာမကိုအသုံးပြုသည်ဖြစ်စေ၊ အသုံးမပြုသည်ဖြစ်စေ အချိန်ကာလနှင့် အညီ လိုအပ်သော  ဖြည့်စွက်ချက်များ ကို နဂိုမူလ ပင်လုံ ရည်မှန်းချက်ပန်းတိုင် ကိုမပျောက်မပျက်စေပဲ နိုင်ငံတွင်းမှီ တင်းနေထိုင်ကြ သော ပြည်သူတရပ်လုံး၏ ဆန္ဒ အစစ်အမှန်ကိုထင်ဟပ်သည့် နိုင်ငံ တည်ဆောက်ရေး အဝန်းအဝိုင်းအား ချဲ့ထွင်သွား ရန်အရေးကြီးပါသည်။

စာရေးသူ။ စိုင်းဝမ်းဆိုင်

မူရင်း အင်္ဂလိပ်သာသာမှ ဘာသာပြန်သူ။ ဆလိုင်းကစ်(ပ်)ခိုလျန် (Vansangva.com) 13 August2016

Posted by Vansangva Group

August 16th, 2016 at 11:30 pm

Posted in Back to Panglong

Bogyoke Aung San’s Panglong Spirit

Comment ရေးရန် (no comment)

ကိုအောင်ဆန်းရဲ့ ပင်လုံ စိတ်ဓါတ် နဲ့ တောင်ပေါ်သားတို့ ရဲ့ ပင်လုံကတိကဝတ်

အညာသားလေး ကိုအောင်ဆန်းထူထောင်ခဲ့တဲ့ ပင်လုံပြည်ထောင်စု ရဲ့ အခြေခံအုပ်မြစ် ကို ရဲရဲ ဖွင့်လှစ်ပြီး ကြည့်ကြရအောင်….

ပင်လုံ ရယ်…. ဒီမိုကရေစီရယ် ….ဖက်ဒရယ်ပြည်ထောင်စု ရယ်….ငြိမ်းချမ်းရေး ရယ် …..

ဒီ (၄) ခုကိုဘယ်လိုမှ ခွဲခြားလို့မရဘူးဆိုတာ အထင်အရှားမြင်တွေ့ကြရမှာ ဖြစ်ပါတယ်။

ဒီနေ့ ငြိမ်းချမ်းရေးဖက်ကို ဦးတည်လာကြတဲ့ အချိန်ကာလမှာ ဒီအချက်ဟာပိုလို့တောင် အရေးကြီးလာပါတယ်။

ဒီသမိုင်းဝင် ပင်လုံစာချုပ်ကလေးရဲ့ အနှစ်သဘော ကို ခွဲခြမ်း စိတ်ဖြာပြီး စောကျောကြည့်ကြရအောင်…..

ပင်လုံစာချုပ်ကို အသေအခြာဖတ်ကြည့် ရင် အပိုင်း (၁ဝ) ပိုင်းပါရှိပါတယ်။

ပထမအပိုင်းကတော့ နိဒါန်းတိုကလေးပါ။ ဒီနိဒါန်းတိုလေးရဲ့အနှစ်သဘောကို လိုရင်းတိုရှင်း  ကောက်နှုတ်ဖေါ်  ပြရမယ်ဆိုရင် “ …. ကြားဖြတ်မြန်မာ အစိုးရနှင့် ချက်ခြင်းပူးပေါင်းခြင်းအားဖြင့်၊ ရှမ်းပြည်၊ ကချင် နှင့် ချင်းတို့ သည် လွတ်လပ်ရေး ကို ပိုမို၍ လျင်မြန်စွာ ရရှိလိမ့်မည်ဟု ယုံကြည်ကြည့် အတိုင်း …. အောက်ပါအတိုင်းသ  ဘော  တူကြလေသည်“ တဲ့ .…

ဗြိတိသျှ ရဲ့ ဒုတိယကမ္ဘာ စစ်အပြီး  ၁၉၄၅ ခုနှစ် မှာ ထုတ်ပြန်ခဲ့တဲ့ စက္ကူဖြူ စာတမ်း**အရ ရှမ်း၊ ကချင်၊ ချင်း  ဒေသပြည်တွေ က ဗမာနဲ့အတူ လွတ်လပ်ရေးကို ချက်ခြင်းမယူသေးပဲ ဗမာပြည်မနဲ့ ပူးပေါင်းချင်ရင် လည်း မိမိ တို့ ဆန္ဒ အလျောက် နောင်တချိန်ကျမှ ပူးပေါင်းရန်ဆို ပြီးမူဝါဒသဘောထား ကိုထုတ်ပြန်ကြေငြာ ခဲ့ပါတယ်။ ဒီ စီမံကိန်း ကပြဋ္ဌာန်းထားတာက တောင်တန်းဒေသတွေကိုဘယ်အချိန်မှာ လွတ်လပ်ရေပေးမယ်ဆိုတဲ့ အချိန်      ကာလအားဖြင့် မရေ ရာ မသေခြာ တဲ့ ဗြိတိသျှရဲ့ မူဝါဒသဘောထားဖြစ်ပါတယ်။

ပင်လုံစာချုပ် ရဲ့ နိဒါန်း တို  လေးဟာ တောင်တန်းသားတွေက ဗမာ နဲ့ တန်းတူရည်တူ ပူးပေါင်းပြီး လွတ်လပ်  ရေး  ကို တပြိုင်နက်ထဲ ချက်ခြင်း အရ လိုချင်တာ ကိုဖေါ်ပြ ထားတာ ဖြစ်တယ်။ တနည်းအားဖြင့်  စစ်ပြီးခေတ်        ဗြိတိသျှရဲ့ စက္ကူဖြူ မဟာစီမံကိန်းကြီးကို ဟောဒီပင်လုံစာချုပ်ရဲ့ နိဒါန်းတိုလေး နဲ့ ကို အဟောသိကံ အဆုံး သတ်လိုက်တာဖြစ်ပါတယ်။

လွတ်လပ်ရေး၊ တန်းတူရေး ဆိုတဲ့ ဒီမိုကရေစီရဲ့ အခြေခံတရားတွေဟာ ဟောဒီ ပင်လုံ စာချုပ်ရဲ့ နိဒါန်း တိုလေး ထဲမှာ အခိုင်အမာ ပါရှိနေပါတယ်။ ဗမာနဲ့ ပူးပေါင်းရာ မှာ လည်း ဗမာရဲ့ ကျွန်လူ မျိုး၊ ဗမာပိုင် ပိုင် ကျွန်နိုင်ငံတွေ အဖြစ်ပူးပေါင်းချင်တာမဟုတ်ပဲ ညီရင်းအစ်ကိုပမာဂုဏ်သိက္ခာရှိရှိ စစ်မှန်တဲ့ ပြည်  ထောင်စု နိုင်ငံထဲမှာ တန်းတူ              ရည်တူ ပူးပေါင်း ချင်တာဖြစ်တယ်။

ဒီနိဒါန်းတိုလေးမှာ ကျစ်ကျစ်လစ်လစ် ဖေါ်ပြထားတဲ့ ပင်လုံရဲ့ ဒီမိုကရေစီ အနှစ်သာရေတွေ လွတ်လပ်ရေး၊ တန်းတူရေး တွေ ကိုပဲ တခါ ပီပီပြင်ပြင်ဖြစ်အောင် ပင်လုံစာချုပ်ပါ တခြားစာပိုဒ် တွေထဲမှာ အညာသားလေး ကိုအောင်ဆန်း နဲ့ တောင်တန်းသား ခေါင်းဆောင်တွေက အတူတကွဆက်လက်ပြီး ပုံဖေါ်သွားကြတာဖြစ်ပါ တယ်။ ဒီလိုပုံဖေါ်နိုင်လို့ပဲ တစည်းတလုံးထဲ ဖွဲ့စည်းထားတဲ့  ခေတ်သစ်ပြည်ထောင်စု ကိုထူထောင်နိုင်ခဲ့ကြ တာဖြစ်ပါတယ်။ အဲဒီလို စည်းလုံးတဲ့ ခေတ်သစ်ပြည်ထောင်စုကြီး ကိုအောင်အောင်မြင်မြင်နဲ့ ထူထောင်နိုင်ခဲ့ကြ တဲ့ ဗိုလ်ချုပ်အောင်ဆန်းနဲ့တကွသောတောင်တန်းသားခေါင်းဆောင်တွေ ကိုသမိုင်းမှာ founding fathers များအဖြစ်လေးစားဂုဏ်ပြုကြရမှာဖြစ်ပါတယ်။ ဖက်ဒရယ်ပြည်ထောင်စု ကိုကမ္ဘာမှာ ပထမဦးဆုံး ထူထောင်ခဲ့ ကြတဲ့ အမေရိကန်ပြည်ထောင်စုမှာ ဖြစ်ဖြစ် နောက်မှပေါ်ပေါက်လာတဲ့ ဘယ်ပြည်ထောင်စုမှာ ဖြစ်ဖြစ် သူတို့ ရဲ့ပြည်ထေင်စုကိုစတင်ထူထောင်ခဲ့ကြတဲ့ founding fathers တွေကို လေးစားဂုဏ်ပြုကြတာချည်းပါပဲ။  ပေါက်လွတ်ပဲစား သေးသိမ်အောင် မလုပ်ဘူးကြပါဘူး။

ဒုတိယ ကမ္ဘာ စစ်ကြီး အဆုံးသတ်သွားတဲ့ ကာလမှာ ကမ္ဘာတဝှမ်း ဒီမိုကရေစီရေး၊ နိုင်ငံရေး နိုးကြားမှု အရှိန်အ ဟုန်တွေ ဟာ တားမနိုင်ဆီးမရလောက်အောင် မြင့်တက်နေပြီး ပြည်တွင်းပြည်ပ ပရောဂ မျိုးစုံ ရဲ့ ရိုက်ခတ်မှု  တွေကြောင့် ကမ္ဘာ့တိုင်းနိုင်ငံတော်တော်များများဟာလည်း နှစ်ခြမ်းကွဲသွားခဲ့ကြပါတယ်။

အဲဒီလို အားပြိုင်မှုတွေ များပြားလှတဲ့ စစ်ပြီးခေတ်ကာလမှာ မိမိတို့ နိုင်ငံအသီးသီး ကိုတစည်းတလုံး ထည်း  ဖြစ်အောင်ညီညွတ်ရေး ကို အခိုင်အမာ တည်ဆောက် နိုင်တဲ့  ခေါင်းဆောင်ကောင်းတွေ မရှိခဲ့ ကြတာကရယ်၊ ပြည်တွင်းပြည်ပ ပရောဂတွေရဲ့အားပြိုင်မှု ကို မလွန်ဆန် နိုင်ကြတာ စသည်ဖြင့်  အကြောင်း အမျိုးမျိုး ကြောင့်      နှစ်ခြမ်းကွဲသွားကြတဲ့ နိုင်ငံတွေ က  တော့ ဂျာမနီ၊ ကိုးရီးယား၊ ဗိယက်နမ်၊ အိန္ဒိယ-ပါကစ္စတန်၊ ယီမင်၊ ပါလက်စတိုင်း၊ ဆိုက်ပရပ်(စ်)ကျွန်း စသည်တို့ ဖြစ်ပါတယ်။

ဒီလို နှစ်ခြမ်းဟက်တက်ကွဲသွားကြတဲ့ နိုင်ငံတွေထဲမှာ ဂျာမနီ နဲ့ ဗိယက်နမ် နိုင်ငံတွေဟာ မကြာသေး ခင်ကာလကပြန်လည်ပူးပေါင်းသွားကြပေမဲ့ ကျန်နှစ်ခြမ်းကွဲနိုင်ငံတွေမှာတော့ တင်းမာမှုတွေ အတော      မသတ်နိုင်ကြသေးပါဘူး။

ဒီလိုကမ္ဘာ့ နိုင်ငံရေးအခင်းကျင်းတွေကြားမှာ ဗြိတိသျှရဲ့ စက္ကူဖြူ စီမံကိန်းကတမှောင့်၊ တောင်တန်း သားတွေ ရဲ့လိုအင်ဆန္ဒ နဲ့ စိုးရိမ်စိတ်တွေကလည်း တဖက်၊ အညာသားလေးဗိုလ်ချုပ်အောင်ဆန်း ဟာခက်ခဲနက်နဲတဲ့ တစည်းတလုံးထည်း လွတ်လပ်ရေး ကိုအရယူရေး ဆိုတဲ့ နိုင်ငံရေးပုစ္ဆာ ကို သူ့ ရဲ့ကြီးမားတဲ့ နိုင်ငံရေး အမျှော် အမြင်၊ ဖြောင့်မတ်တည်ကြည်မှု၊ မှန်ကန်တဲ့စိတ်ရင်းစေတနာ၊ နိုင်ငံရေးရာကျွမ်းကျင်မှု တွေ နဲ့ အတူ စိတ်ရှည်  ရှည်၊ ဇွဲကောင်းကောင်းနဲ့ ကိုင်တွယ်ချည်းကပ်နိုင်ခဲ့တဲ့ အတွက် သမိုင်းတွင်မဲ့ပင်လုံစာချုပ်ကို အားလုံးသဘော တူလက်မှတ် ရေးထိုးနိုင်ခဲ့ကြတာဖြစ်ပါတယ်။

ဗိုလ်ချုပ်အောင်ဆန်း ရဲ့ပင်လုံစိတ်ဓါတ်

အညာသားလေး ကိုအောင်ဆန်း (ဒါမှမဟုတ်) ခေတ်သစ် ပြည်ထောင်စု မြန်မာ နိုငံ ရဲ့ ဖခင်ကြီး ဗိုလ်ချုပ်  အောင်ဆန်း ကပင်လုံမှာ ဘယ်လိုသမိုင်းအမွေအနစ်တွေ ချန်ထား ခဲ့သေးသလဲ ဆက်လက်တူး ဖေါ်ကြည့် ကြရအောင်။

အပိုဒ် ပေါင်း(၉) ပိုဒ်ပါ ဝင်တဲ့ ပင်လုံစာချုပ် ထဲမှာ တောင်တန်းဒေသတွေဟာ ….

ကိုယ်ပိုင် ပြဋ္ဌာန်းခွင့်၊ ကိုယ်ပိုင်အုပ်ချုပ်ခွင့်တွေ ကို ရာနှုန်းပြည့်ရှိစေရမယ် ဆိုတာ အပိုဒ် (၅) မှာ ပါရှိပြီး

ရှမ်း၊ချင်း၊ကချင်  ဒေသပြည်တို့ဟာ ဘဏ္ဍာ ရေးကိုယ်ပိုင်ပြဋ္ဌာန်းပိုင်ခွင့်ရှိရမယ် ဆိုတဲ့ အချက် ကို အပိုဒ် (ဂ) နဲ့ (၉) တွေမှာ အခိုင်အမာ ကဗျည်းထိုးပြီးအာမခံထားပါတယ်။

ဒီအပိုဒ် သုံး ပိုဒ် ကတော့ ရှမ်း၊ ကချင် နဲ့ ချင်း ဒေသပြည် တွေဟာ ထူထောင်လတ္တံ့သော  ခေတ်သစ်ပြည်                ထောင်စု ကြီး  ထဲကို မိမိတို့ရဲ့ လွတ်လပ်သော ဆန္ဒ အလျောက် ပါဝင်ပူးပေါင်းရာမှာ မိမိတို့ရဲ့ သဘာဝအရ  နဂိုရှိရင်းစွဲ အမျိုးသားအခွင့် အရေး (intrinsic natural rights) တွေဖြစ်တဲ့ လွတ်လပ်မှု၊ တန်းတူမှု တွေကို အာမခံ ချက်ရှိစေဖို့ အတွက် သူတို့ ရဲ့ ကိုယ်ပိုင် ပြဋ္ဌာန်းခွင့်၊ ကိုယ်ပိုင် အုပ်ချုပ်ခွင့်၊ ဘဏ္ဍာရေး ကိုယ်ပိုင်ပြဋ္ဌာန်း ပိုင်ခွင့် တွေ ကို အညာသားလေး ကိုအောင်ဆန်းကိုယ်တိုင် က အပြည့်အဝ အသိအမှတ်ပြု ပြီး သဘောတူ ထည့် သွင်း ထားခဲ့တဲ့ ပြည်ထောင်စု ရဲ့အခြေခံ မူတွေ ပဲ ဖြစ်ပါတယ်။

နောက်အပိုဒ်တခု အထူးပြုပြီးဖေါ်ပြလိုတာကတော့ အပိုဒ် (ရ) မှာ “တောင်တန်းဒေသရှိပြည်သူတို့ သည်ဒီမို ကရေစီ တိုင်းပြည်များတွင် အခြေခံများ နှင့် ရပိုင်ခွင့် များကို ရရှိခံစားစေရမည်“ ဆိုတဲ့အပိုဒ် တိုကလေးပါပဲ။

ဒီအချက် ကိုဘာဖြစ်လို့ နောက်ဆုံးမှာ ထားပြီးအထူးပြုဖေါ်ပြရသလဲဆိုတော့ဒီအပိုဒ်ကလေးရဲ့ထူးခြားချက်    ဟာ အထက်မှာဖေါ်ပြခဲ့တဲ့ ပြည်ထောင်စုဆိုင်ရာ အခြေခံမူတွေနဲ့ တင် ဗိုလ်ချုပ်အောင်ဆန်း က မထားခဲ့ပဲသူ ကိုယ်တိုင်က သူ့ရဲ့စီတ်ရင်းစေတနာ နဲ့ ကြီးမားတဲ့ နိုင်ငံရေး အမျှော်အမြင် အရ ထပ်မံ ဖြည့်စွက် ထည့်သွင်း ခဲ့တာဖြစ်ပါတယ်။[ကျမ်းကိုး။ ဦးဖေခင် ၏ ၁၉၇၂ ခုနှစ် ပြည်ထောင်စု နေ့ Guradian သတင်းစာ အချပ်ပို တွင်ဖေါ်ပြချက်။]

ဒါကလည်း ဗိုလ်ချုပ်အောင်ဆန်းက  သေနပ်တချက်မဖေါက်၊ သွေးမြေတစက်မကျစေပဲ ငြိမ်းချမ်းသောသံတမန် နည်းနဲ့ ပြည်ထောင်စုကြီးကိုထူထောင်ခဲ့ရာမှာ ဗမာနဲ့အတူတောင်ပေါ်သားတွေ ငြိမ်းငြိမ်းချမ်းချမ်း ချစ်ချစ်ခင်ခင်  နဲ့ ရာသက်ပန်ပေါင်းသင်းနေထိုင်သွားကြမဲ့ ပြည်ထောင်စုကြီး အဖြစ် ထာဝစဉ် သမိုင်းတွင်ကျန်ရစ်ခဲ့ ဖို့အ တွက် ပင်လုံမှာ ဋ္ဌာပနာ ထား ခဲ့တဲ့ ဗိုလ်ချုပ်ရဲ့ ချစ်ခင်လေးစား ဖို့ကောင်းတဲ့ “ပင်လုံစိတ်ဓါတ်“ ပဲ ဖြစ်ပါ တယ်။

လွတ်လပ်ရေးရ ရင်ပြီးရော၊ တောင်ပေါ်သားတွေကိုခဏတဖြုတ်ညာထားလိုက်မယ်၊ တနေ့ ကျရင် ဒီစာချုပ်ကို စုတ်ဖြဲပစ်လို့ရတယ်ဆိုပြီး တောင်ပေါ်သားတွေ  ကိုယာယီသဘော နှစ်သိမ့်ထားဖို့၊ လိမ်ဖို့ညာဖို့တနပ်စားဥာဏ် မျိုး နဲ့ပေါက်လွတ်ပဲစားထည့်သွင်းခဲ့တဲ့ စာပိုဒ်မဟုတ်ဘူးဆိုတာကို အညာသားလေး ကိုအောင်ဆန်းရဲ့ ငယ်ဘဝ ကစ နောက်ဆုံးလုပ်ကြံခံခဲ့ရတဲ့အချိန်အထိသူ့ရဲ့အထ္ထုပ္ပတ္တိ တွေမှာ ထပ်ခါတလည်းလည်းတွေ့မြင်ကြရတဲ့ သူ့ရဲ့        ကြီးမားတဲ့ သမာဓိဂုဏ်တွေ နဲ့ သက်သေထူလို့ရပါတယ်။

ဒါ့အပြင် ၁၉၄၇ ခုနှစ် ဖေဖေါ်ဝါရီလ (ဂ) ရက်နေ့ မှာ ပင်လုံ ကိုရောက်လာတဲ့ ဗိုလ်ချုပ်အောင်ဆန်းရဲ့ ခရီး  ရောက်မစိုက်  ပြောကြားတဲ့မိန့် ခွန်းမှာ ပြောသွားခဲ့တဲ့ စကား အရ လည်းသက်သေထူနိုင်ပါသေးတယ်။ ခရီးရောက်မစိုက် အမောတောင်မပြေသေးခင်မှာ အညာသားလေး ကိုအောင်ဆန်းက ဘယ်လိုမိန့်ခွန်းခြွေ ခဲ့သလဲ ကြည့်ရအောင်၊ ကောာ်နှုတ်ဖေါ်ပြပါမယ်…..

“…..ဗမာနဲ့ပူးပေါင်းပါဟုလည်း မတိုက်တွန်းနိုင်၊ မပူးပေါင်းပါ နှင့် ဟုလည်းမပြောနိုင်ကြောင်း၊ ပေါင်းဖို့ မပေါင်းဖို့       ဆုံးဖြတ်ရန်မှာ တောင်ပေါ်သား ကချင်၊ ချင်း၊ ရှမ်း တို့၏ တာဝန်သာဖြစ်ကြောင်း၊ ပူးပေါင်းရန်မပူးပေါင်းရန် တောင်ပေါ်သားတို့၏ ဆန္ဒကို သိလိုကြောင်း၊ အကယ်၍ ပူးပေါင်းလို က တောင်ပေါ် သားများ မနစ်နာစေရန် စာချုပ်ပြုလုပ်လက်မှတ်ရေးထိုးရန်မိမိလာရောက်ကြောင်း၊ မိမိနှင့်အတူဖဆပလအစိုးရမှာ ကမ္ဘာတည်အောင်ခိုင်    မြဲမည် မဟုတ်သည်ကိုသိပါကြောင်း၊ အကယ်၍ ဖဆပလအစိုးရ ပျက်သွားစေကာမူ မိမိတို့ အချင်းချင်း သဘော တူညီချက်ကို မဖျက်နိုင်အောင် ဥပဒေပြုလုပ်ထားမည်ဖြစ်ကြောင်း၊ ထို့ကြောင့်နောင်ရေးအတွက် ဘာ မျှ စိုးရိမ် ကြောက်ရွံ့နေစရာမရှိကြောင်း” ပြောကြားခဲ့ပါတယ်။

ဒီအချက်ကိုကြည့်ရင် ဗိုလ်ချုပ်အောင်ဆန်း ဟာ သူရောဖဆပလ အစိုးရရော ကမ္ဘာတည်သရွေ့မမြဲသည့်တိုင်  အောင် မကြာမီ ချုပ်ဆိုတော့မယ့် ပင်လုံစာချုပ်ကို၎င်း၊ အဲဒီပင်လုံစာချုပ်ကို အခြေခံပြီးရေးဆွဲမဲ့ အခြေခံဥပဒေ ကို၎င်း ကမ္ဘာတည်သရွေ့တည်မြဲ ဖို့ ရည်ရွယ်ခဲ့တာပေါ်လွင်ထင်ရှားနေပါတယ်။

တောင်ပေါ်သားတို့ ရဲ့ ပင်လုံကတိကဝတ်

ဗိုလ်ချုပ်အောင်ဆန်းကိုယ်တိုင် က တောင်တန်းသားတွေရဲ့ နဂို ရှိရင်းစွဲအခွင့်အရေးတွေ ဒီမိုကရေစီ အခွင့် အရေးတွေ ကိုအ ပြည့်အဝ အသိ အမှတ်လိုက်ခြင်း သည်ပင်လျင်  “ပင်လုံစိတ်ဓါတ်“ ကို သူကိုယ်တိုင် က လက်တွေ့ကျကျ စတင် ပြသလိုက်တာ ဖြစ်ပါတယ်။ သူ့ရဲ့ “ပင်လုံစိတ်ဓါတ်“ ကို တောင်ပေါ်သားတွေ က လည်း ပူးပေါင်းရေး ဆိုတဲ့ ပင်လုံ ကတိကဝတ်နဲ့ တုန့်ပြန်ခဲ့ကြတယ်။

ဒီတော့ ပင်လုံစိတ်ဓါတ်ဆိုတာ ဟာ ပင်လုံစာချုပ်မှာ ပါရှိတဲ့ ထာဝရငြိမ်းချမ်းရေး ကိုဆောင်ကျည်းပေးမဲ့ တန်းတူ မှု၊ လွတ်လပ်မှု ဆိုတဲ့ ပြည်ထောင်စုဆိုင်ရာအခြေခံမူတွေ၊ ဒီမိုကရေစီ အခြေခံတရားတွေ ကို အလေး အနက်၊ နက်နက်ရှိုင်းရှိုင်းနှလုံးသွင်းပြီး ရေးဆွဲခဲ့တဲ့ ပင်လုံစာချုပ်ပါ ကတိကဝတ်တွေ မူဝါဒတွေကနေသာမွေးဖွားရှင်သန်  ခဲ့ တာ ကို အထင်အရှားတွေ့မြင်ရပါတယ်။ ပင်လုံစိတ်ဓါတ်မွေးကြပါ၊ ပင်လုံစိတ်ဓါတ်သာ အရေးကြီးပါတယ်၊ ပင်လုံစိတ်ဓါတ်သည်သာ ပိုပြီး အဓိကကျပါတယ် လို့ အညာသားလေးကိုအောင်ဆန်း ကပြောလိုက်လို့  ပင်လုံ စိတ်ဓါတ်ဆိုတာ မိုးပေါ်ကနေ ပြုန်းစားကြီး ကျလာတာမဟုတ်ပါဘူး။

ဒီထက်ပိုအရေးကြီးတဲ့ အချက်ကတော့ ဒီမိုကရေစီ ရဲ့အနှစ်သာရသဘောအရ အများစုကဆုံးဖြတ်တယ်၊ အ များစုကအုပ်ချုပ်တယ်လို့ ယေဘုယျ နားလည်နိုင်ပေမဲ့ အနှစ်အားဖြင့်ပြည့်စုံအောင်ဆိုရင်အဲဒီအများစုက လည်း အနည်းစုအခွင့်အရေ ကိုလေးစားရတာဖြစ်ပါတယ်။

အထူးသဖြင့် ပြည်ထောင်စု မြန်မာနိုင်ငံလို လူမျိုးစုံနေထိုင်   တဲ့ နိုင်ငံမျိုးမှာ အများစု ဖြစ်တဲ့ ဗမာ တိုင်းရင်း သားတွေက အရှေ့ကနေဦးဆောင်ပြီး အဲဒီဒီမိုကရေစီရဲ့အခြေခံအနှစ်သာရသဘောကို နှစ်နှစ်ကာကာ ယုံ ကြည်  ပြီး ရင်ဝယ်ပိုက် ကျင့်သုံးအကောင်အထည်ဖေါ်နိုင်မှသာ တိုင်းပြည်ဟာ ထဝရငြိမ်းချမ်းပြီး သာယာတဲ့ စစ်မက်တွေ ကင်းစင်တဲ့ ပြည်ထောင်စုကိုထူထောင်နိုင်ကြမှာ ဖြစ်တယ်။

ဒီမိုကရေစီ ကိုပြည်ထောင်စု ပုံစံနဲ့ ပုံဖေါ်ရာမှာ အများစုနဲ့အနည်းစု အကြားတရားမျှတမှု ရှိရေးနဲ့တင်မပြည့်  စုံသေးပါဘူး။  တန်ဘိုး ထားမှုတွေ (values) တွေ တူညီ ဖို့လည်းလိုပါသေးတယ်။  ဗိုလ်ချုပ်အောင်ဆန်းက ဒီမိုကရေစီ ကိုတွေးခေါ်ရာ မှာ အများစု၊ အနည်းစုအခွင့်အရေးတွေအပြင် အထူးအရေးကြီးတဲ့ ဘုံတူညီတဲ့တန် ဘိုး ထားမှု (common values) အပိုင်းကို အလေးအနက် ထားခဲ့တယ် ဆိုတာကို ပင်လုံစာချုပ် ကိုရေးဆွဲရာမှာ သူကိုယ်တိုင်ထည့်သွင်းခဲ့တဲ့ အဲဒီ အပိုဒ် (ရ) မှာ ထင်ရှားစွာ  တွေ့မြင်ရ ပါတယ်။ ဒါကိုက မြတ်နိုး စရာကောင်း တဲ့ အညာသားလေး ကိုအောင်ဆန်း ရဲ့ ပင်လုံစိတ်ဓါတ် ပါပဲ။

ဒီတော့ ပင်လုံစိတ်ဓါတ် ဆိုတာ အပေါ်ယံသဘော အပြောချည်းသက်သက် နဲ့ ဖြစ်ပေါ်လာတာမဟုတ်ပဲလက် တွေ့ကျကျ နက်နက်ရှိုင်းရှိုင်း တွေးခေါ်မျှော်မြင်မှု ကနေပေါ်ပေါက်လာတာဖြစ်ပြီး၊ ပူးပေါင်းတာသက်သက်ကိုပဲ ကွက်ပြီး ပင်လုံစိတ်ဓါတ်လို့အဓိပ္ပါယ်ဖွင့်မယ်ဆိုရင်ပြီးပြည့်စုံမှာမဟုတ်ပါဘူး။ ဘာလို့လဲဆိုတော့ ပင်လုံစိတ်ဓါတ်   ကြောင့်ပူးပေါင်း လာ ကြတာမဟုတ်ပဲ၊ ပူးပေါင်းရေးအတွက် လိုအပ်နေတဲ့ အခြေခံ တန်ဘိုးထားမှုတွေ ကိုအရင် ချေပြဆွေးနွေး ရေးသား သဘောတူညီကြပြီးမှ သာ ပူးပေါင်းလာကြတာဖြစ်တယ်။ တနည်းအားဖြင့် ပင်လုံစိတ်ဓါတ်ဆိုတာ ဗိုလ်ချုပ်အောင်ဆန်း ရဲ့ ဒီမိုကရေစီ နဲ့ဆက်နွှယ်တဲ့ တန်ဘိုးတွေကိုအလေးထားမှု ကနေဖြစ်ပေါ်လာတာဖြစ် ပါတယ်။ အဲဒီအပေါ် မှာ တောင်ပေါ်သားတွေက ယုံကြည်မှုရှိရှိနဲ့ လွတ်လပ်ရေး ကိုအတူတကွရယူမယ်ပူးပေါင်း မယ်ဆိုတဲ့ ကတိကဝတ် ကိုပေးခဲ့ကြတာဖြစ်တယ်။ တနည်းအားဖြင့်အဲဒီတောင်                     ပေါ်သားတွေရဲ့ ကတိ ကဝတ် ဆိုတာကလည်း ပင်လုံမူ တွေပေါ်မှာ အခြေခံပြီးဖြစ်ပေါ်လာတာဖြစ်တယ်။

ပင်လုံစိတ်ဓါတ် ကိုအခြေခံပြီး ပင်လုံမူဆိုတာပေါ်ပေါက်လာတယ်၊ ပင်လုံမူ ကိုအခြေ ခံပြီး ပူးပေါင်ရေးး ဆိုတဲ့ ပင်လုံကတိကဝတ်ဆိုတာပေါ်လာတာဖြစ်တယ်။ မရေရာမသေခြာတဲ့ စီတ်သန္တာန် အ ဆင့်မှာ သာရှိသေးတဲ့ (subjective thinking) သာဖြစ်တဲ့ ပင်လုံစိတ်ဓါတ်ကနေ ပူးပေါင်းရေးဆိုတာ တမဟုတ်ခြင်းဖြစ်ပေါ် မလာနိုင်  ပဲ၊ အဲဒီစိတ်ဓါတ်အခြေခံနဲ့ရေးဆွဲလိုက်တဲ့ ပကတိသဘော လက်စုတ်လက်ကိုင်ပြလို့ရတဲ့ ပင်လုံမူဝါဒကို အခြေ ခံပြီး သာလျင် ပူးပေါင်းရေးဆိုတာဖြစ်ပေါ်လာတာဖြစ်ကြောင်း အကောင်းမြင်ဝါဒအခြေခံပြီး အပြုသဘော  ဆောင် ဆွေးနွေးတင်ပြလိုက်ပါတယ်။

အချုပ်အားဖြင့်  ပင်လုံ ရယ်…. ဒီမိုကရေစီရယ် …. ဖက်ဒရယ်ပြည်ထောင်စု ရယ်….ငြိမ်းချမ်းရေး ရယ် …..

ဒီ (၄) ခုကိုဘယ်လိုမှ ခွဲခြားလို့မရဘူးဆိုတာ ပေါ်လွင်ထင်ရှားလှပါတယ်။

ပင်လုံကိုရဲရဲကြီးကြည့်ပြီး ပွင့်ပွင့်လင်းလင်း ဆွေးနွေးကြမှ သာလျင် ငြိမ်းချမ်းရေးကို အခိုင်အမာ တည်ဆောက် နိုင်ကြမှာဖြစ်ပါတယ်။ တဦးနဲ့ တဦးလေးစားလို့ အားနာလို့ ငြိုငြင်မှာ ကြောက်လို့ဆိုပြီး၊ မဆွေးနွေးရဲ မကြည့်ရဲ မကိုင်တွယ်ရဲ ဆိုတာမျိုးနဲ့ စခမ်းသွားနေလို့ကတော့တိုင်းပြည်ရဲ့ အနာဂတ်ကံကြမ္မာ ကို နောင်မျိုးဆက်ပေါင်း  မြောက်မြားစွာအထိ အာမခံဖို့မဖြစ်နိုင်ပါဘူး။ ပွင့်ပွင့်လင်းလင်းပြောဆို တင်ပြဆွေးနွေးလို့ အငြိုငြင်ခံရ တာ ထက် မပြောမိမဆိုမိလို့ လိုရာမရောက်ပဲ ငြိမ်းချမ်းရေးခရီးစဉ် မှာ အဖုအထစ်တွေဖြစ်ပြီး ဆင်ပြောင်ကြီး အမှီးရောက်မှ တစ်နေခဲ့ရင် ပိုပြီး အပစ်ကြီးပါတယ်၊ ပိုပြီး တောင်ကြောက်စရာကောင်းပါတယ်။

ဗိုလ်ချုပ်အောင်ဆန်း ကို မလိုတမာ အပြင် ပရောဂ သမားတွေက လုပ်ကြံပြီး ပင်လုံ ကို ခွဲထွက်ရေး အိုးမဲသုတ် ထားကြလို့လည်းကြေက်စရာမလိုပါဘူး၊ ဒီအုပ်စုဟာ ဖက်ဒရယ်ကိုတောင်ခွဲထွက်ရေး အိုးမဲသုတ်ခဲ့ကြသေး တာ        ပါ၊ ရေရှည်မှာမအောင်မြင်ပါဘူး၊ အမှန်တရားဟာဖုံလို့ဖိလို့မရပါဘူး၊ ဒီနေ့ ပြည်သူတရပ်လုံးက ဖက်ဒရယ်ဆို တာ ပူးပေါင်းရေး လို့ အမှန်အတိုင်း သိရှိနားလည်းလာကြပါပြီ။ ပင်လုံဆိုတာဟာလည်း ပူးပေါင်းရေး စာချုပ်ဖြစ်   ကြောင်းသမိုင်း အထောက် အထားတွေ ခိုင်ခိုင် မာမာ ရှိနေပါတယ်၊ ဒါကြောင့်လည်း ပင်လုံစာချုပ်ကိုရေထိုး ခဲ့ကြတဲ့ ဖေဖေါ်ဝါ ရီလ (၁၂) ရပ် ကို ပြည်ထောင်စုနေ့ လို့ သတ်မှတ်ထားတာဖြစ်တယ်၊ ခွဲထွက်ရေးနေ့ ဆိုတာလည်းမကြားဘူး ကြပါဘူး။

အမှန်တကယ်တော့ အညာ သားလေး ကိုအောင်ဆန်းကိုယ်တိုင် ဦးဆောင်ပြီး ပင်လုံမှာ တောင်ပေါ်သားတွေနဲ့ အတူတကွ သဘော တူ လက်မှတ်ရေးထိုးချုပ်ဆိုခဲ့တဲ့ ပင်လုံစာချုပ်ဆိုတဲ့ ကျစ်ကျစ်လစ်လစ် ခိုင်ခိုင်မာမာ ရှိလှ တဲ့ သမိုင်းဝင် စာတန်းတိုလေးဟာ ကျွန်တော်တို့အားလုံးပိုင်ဆိုင်ကြတဲ့ ပြည်ထာင်စုကြီးရဲ့ အခြေခံအုပ်မြစ်ဆို တာ ကို ဘယ်လိုမှ ငြင်းချက်ထုတ်လို့မရပါဘူး။

ပြည်ထောင်စုကြီးရဲ့အခြေခံအုတ်မြစ်ဖြစ်တဲ့ ပင်လုံစာချုပ် ဟာ ဒီနေ့အထိ တရားဝင်အခိုင်အမာ ရှိနေပါတယ်။ ဒီ အခြေခံအုပ်မြစ်မရှိရင် ဖက်ဒရယ်ပြည်ထောင်စု ကိုလည်းထူထောင်လို့မရပါဘူး။ ပင်လုံပြည်ထောင်စုကြီး ဖြစ် ပေါ်လာဖို့အတွက် အညာသားလေး ကိုအောင်ဆန်း စိုက်ထူခဲ့တဲ့ ပင်လုံ ဒီမိုကရေစီမျိုးစေ့ကို အရင်စစ်အာ ဏာရှင် အဆက်ဆက်ကလည်း မထိပါးရဲခဲ့ကြပါဘူး။ ဒီနေ့ဒီအချိန်မှာ လည်း ဒီအခြေခံအုပ်မြစ်ကို နင်းချေဖျက် စီး ပစ်ပယ် ပြီး ပင်လုံနဲ့ဆန့်ကျင်ဖက်တူရူကို ဦးတည်ဖို့ ဆိုတာ ပိုလို့တောင် မသင့်တော်ပါကြောင်း၊ ပင်လုံစာချုပ်ကိုပစ်ပယ်ခြင်း အားဖြင့် ဗိုလ်ချုပ်အောင်ဆန်းနဲ့လမ်းခွဲ လိုက်တာဖြစ်ကြောင်း၊ ပင်လုံမှာ ဗိုလ်ချုပ်  မျှော်မှန်းခဲတဲ့ ငြိမ်းချမ်းတဲ့  ပြည်ထောင်စု ကြီးနဲ့လည်းဝေးသွား နိုင်ကြောင်း တင်ပြဆွေးနွေး လိုက် ပါတယ် ပါခင်ဗျား။

ဆလိုင်းကစ်(ပ်)ခိုလျန်

Vansangva Group

**

Excerpt from Burma White Paper, 9th. May 1945 Part II Statement of Policy Item 6 Page 11

„The administration of the Scheduled Areas, that is the Shan States and the tribal areas in the mountainous fringes of the country, inhabited by the peoples differing in language, social customs and degree of political development from the Burmans inhabiting the central areas, would remain for the time being a responsibility of His Majesty’s Government until such time as their inhabitants signify their desire for some suitable form of amalgamation of their territories with Burma proper.

မြန်မာပြည် စက္ကူဖြူစာတမ်း မေလ (၉)ရက် ၁၉၄၅ အပိုင်း(၂) ပေါ်လီစီကြေငြာချက် အပိုဒ် (၆) စာမျက်နှာ (၁၁) မှကောက်နှုတ်ဖေါ်ပြချက်။  ” …နိုင်ငံ၏ အလယ်ပိုင်းတွင် နေထိ်ုင်ကြကုန်သောမြန်မာလူမျိုးများနှင့် ဘာသာစကား၊ ဓလေ့ထုံးစံ နှင့် နိုင်ငံရေး တိုးတက်မှု တို့တွင် မတူညီသောလူမျိုးများ အခြေစိုက်နေထိုင်ရာ သီးသန့် ဒေသများ ဖြစ်ကြသည့် ရှမ်းနယ်ပယ် များနှင့် မျိုးတူစုများ နေထိုင်ရာ နယ်စွန်နယ်ဖျားတောင်ပေါ်ဒေသများ အုပ်ချုပ်ရေး ကို ယင်းဒေသနေ လူမျိုးတို့ က မြန်မာပြည်မနှင့် သင့်တော်သည့် ပုံစံ ဖြင့်ပူးပေါင်းရန်ဆန္ဒရှိကြောင်းထုတ်ဖေါ်ပြသသည့် အချိန်တိုင်အောင် ဘုရင်ခံ ၏ သီးသန့်အုပ်ချုပ်ရေးအောက်တွင် အခိုက်အတန့်အားဖြင့် ထားရှိမည်ဖြစ်ကြောင်း…”

မှတ်ချက်။ ဤစက္ကူဖြူစာတမ်း သည် စစ်ပြီးခေတ် မြန်မာပြည်၏ အုပ်ချုပ်ရေး ကို တဆင့်ပြီးတဆင့် ဆောင်ရွက် သွားရန် ဗြိတိသျှ လီမန်တွင် ၁၇-၅-၄၅ ရက်နေ့တွင် တင်သွင်းအတည်ပြု ခဲ့သောအုပ်ချုပ်ရေး စီမံကိန်း ဖြစ်ပြီး အန္ဒိယ နိုင်ငံ ဆင်းမလားတွင် စစ်ပြေး မြန်မာအစိုးကရေးစွဲ ခြင်းဖြစ်သဖြင့်   “ဆင်းမားစီမံကိန်း” ဟုလည်း ခေါ် တွင်သည်။

ပင်လုံ စာချုပ် နဲ့ ပတ်သက်ပြီး အသေးစိတ်ဆွေးနွေးချက် ကိုတော့ အောက်ပါ လင့် တွင် ဆက်လက် ဖတ်ရှု နားဆင်နိုင်ပါတယ်။

http://vansangva.com/vansangva-library/#1

Posted by Vansangva Group

August 24th, 2016 at 9:47 pm

Posted in Back to Panglong

Page 19 of 20« First...101617181920