Basic Democracy Training – Burmese Version by Salai Kipp Kho Lian

Episode 31 – ပါလီမန် ဒီမိုကရေစီ စနစ် (ဖြည့်စွက် ပို့ ချချက်)

Comment ရေးရန် (one comment)

Play

ကိုယ်စားပြု ဒီမိုကရစီ စနစ်မှာ ပုံစံ အမျိုးမျိုးရှိ ပါတယ်။ ဝန်ကြီးချုပ်က ဦးဆောင်တဲ့ ပါလီမန် ဒီမိုကရေစီစနစ် (Parliamentary Democracy) ရယ်၊ သမ္မတ ဦးဆောင်တဲ့ ဒီမိုကရေစီ စနစ် (Presidential Democracy) ရယ်၊ ဒီနှစ်မျိုးကိုပေါင်းစပ်ထားတဲ့ ဒီမိုကရေစီစနစ် ရယ် ဆိုပြီး (၃) မျိုးရှိပါတယ်။

ဒီမတူညီတဲ့ စနစ်တွေကို ခွဲခွဲခြားခြား ကွဲကွဲပြားပြား၊ သိနိုင်ဖို့ တိုင်းပြည်ရဲ့ အခြေခံ ဥပဒေ က အုပ်ချုပ်ရေး မဏ္ဍိုင်မှာ ထိပ်ဆုံးကဦးဆောင်မယ့် သမ္မတ (သို့မဟုတ်) ဝန်ကြီးချုပ် ကို ဘယ်ပုံဘယ်နည်း ရွေးကောက် တင်မြှောက်ရမယ်၊ အဲဒီ အုပ်ချုပ်ရေး မဏ္ဍိုင် နဲ့ ဥပဒေပြုအဖွဲ့ (ခေါ်) ပြည်သူ့လွှတ်တော်တို့ အကြား ဘယ်ပုံဘယ်နည်း ဆက်ဆံရမယ်ဆိုတဲ့ ပြဋ္ဌာန်းချက် အပေါ်မှာ မူတည်ပြီး ခွဲခြားသိမြင်နိုင်ပါတယ်။

အခု ဝန်ကြီးချုပ်က ဦးဆောင်တဲ့ ပါလီမန်ဒီမိုကရေစီစနစ် (Parliamentary Democracy) ကိုလေ့လာရအောင်။ မဲဆန္ဒ ရှင် ပြည်သူလူထုက ရွေးကောက်တင်မြှောက်လိုက်တဲ့ လွှတ်တော် ကိုယ်စားလှယ် (ဥပဒေပြု မဏ္ဍိုင်) တွေထဲက မဲအများဆုံးရတဲ့ ပါတီ ရဲ့ ခေါင်းဆောင်က ဝန်ကြီးချုပ်ဖြစ်လာတယ်။

Read the rest of this entry »

Posted by Zogamnuam

May 15th, 2012 at 11:44 pm

Posted in Basic-Part2

Athen History အေသင်သမိုင်း အပိုင်း(၁)

Comment ရေးရန် (one comment)

အေသင်မြို့ နိုင်ငံ မှာ တိုက်ရိုက်ဒီမိုကရေစီ ပေါ်ပေါက် လာပုံ သမိုင်းအကျဉ်း
အပိုင်း(၁)

နိဒါန်း။ အေသင် ကို တကြော့ ပြန်လှည့် ကြည့်ကြ ရအောင်

(၂၁) ရာစု အစပိုင်း ကာလ၊ ကမ္ဘာ့ ဒီမိုကရေစီ လှုပ်ရှားမှုတွေရဲ့ အ၀န်းအ၀ိုင်ထဲမှာ ကျွန်တော်တို့နိုင်ငံဟာလဲ ကမ္ဘာ့အင်အားကြီး နိုင်ငံတွေ နဲ့ ဒေသဆိုင်ရာ အင်အားကြီး နိုင်ငံတွေ ဖြစ်ကြတဲ့ အမေရိကန်၊ ဥရောပ သမဂ္ဂ၊ တရုတ်၊ အန္ဒိယ၊ အာဆီယံ အစရှိသည်တို့ရဲ့ အထူးအာရုံစိုက် ခံရတဲ့ နိုင်ငံတခုဖြစ်လာပါတယ်။ ကမ္ဘာ့ ပြည်သူတွေရဲ့ ဒီမိုကရေစီ ခေါ် ပြည်သူ့အာဏာ ကို တက်ခ်နိုလိုဂျီ နည်းပညာသစ် တွေရဲ့ အကူအညီနဲ့ ကမ္ဘာမှုပြုလာကြတဲ့ အခု (globalization of peoples power) လို အချိန် ကာလ မှာ လေးစားရ ပါသော ကျွန်တော် များ Vansangva စာဖတ်ပရိသတ်တွေ နဲ့ သောတရှင် များကို ကမ္ဘာ့ဒီမိုကရေစီ စတင်ပေါက်ဖွားရာဖြစ်တဲ့ ဟိုး လွန်ခဲ့တဲ့ အနှစ်ပေါင်း ၂၅၀၀ က ဂရိခေါမ ဂန္တ၀င်သမိုင်းထဲ က အေသင် ဆိုတဲ့ မြို့ နိုင်ငံလေးဆီ ကို အာရုံပြောင်း ခေါ်ဆောင် သွားချင်ပါတယ်။

အခုလို (၂၁) ရာစုခေတ်ထဲကိုကျွန်တော်တို့ချည်းနင်းဝင်ရောက်နေပြီး လူသားမျိုးဆက်ရဲ့ ဒီမိုကရေစီရေး လှုပ်ရှားမှုတွေ ဟာလည်း အထွတ် အထိပ် ကို ရောက်နေချိန်မှာ ဘာဖြစ်လို့ မွေးကင်းစ (သို့မဟုတ်) ဒီမိုကရေစီရဲ့ သန္ဓေသား ရေမွှာ အဆင့် လို့ တောင်ပြောလို့ ရတဲ့ ရှေးကျပြီး နုနယ်တဲ့ အေသင် ရဲ့ တိုက်ရိုက် ဒီမိုကရေစီ စနစ် ပေါ်ထွန်းလာပုံ သမိုင်းကြောင်းတွေကို အာရုံစိုက် ပြီးပြန်လည် မီးမောင်းထိုးပြရသလဲ ဆိုတာကိုတော့ ဒီဆွေးနွေးခန်းရဲ့ နိဂုံး မှာ အကျယ်တဝင့် တင်ပြဆွေးနွေး သွားမှာ ဖြစ်ပါ တယ်။

အေသင်မြို့နိုင်ငံ နဲ့ လူထုပါဝင်တဲ့ ဒီမိုကရေစီ

ဘီစီ ၅၀၄ လောက်မှာပေါ်ပေါက်ခဲ့တဲ့ ဂရိ ခေါမ နိုင်ငံ က အေသင်မြို့ရဲ့ တိုက်ရိုက်ဒီမိုကရေစီ စနစ်ဟာ နိုင်ငံသား လို့ အသတ်မှတ် ခံရတဲ့ လူထုလူတန်းစားတရပ်လုံး ကျယ်ကျယ် ပြန့်ပြန့် ပါဝင်တဲ့ ဒီမိုကရေစီ (participatory democracy) စနစ်ဖြစ်တယ်။ တနည်းပြော ရရင် မြို့နိုင်ငံတခုလုံးရဲ့ အရေးကိစ္စ တွေနဲ့ ပတ်သက်လာရင် အသက်ပြည့်ပြီး လွတ်လပ်တဲ့ ယောက်ျား ဖြစ်သူ နိုင်ငံသားတိုင်း ဟာ မြို့လုံး ကျွတ် ညီလာခံမှာ ကျယ်ကျယ်ပြန့်ပြန့် ညီတူမျှတူ လွတ်လွတ်လပ်လပ် ပါဝင်ဆွေးနွေး ငြင်းခုံခွင့်၊ မဲပေးပိုင်ခွင့် တွေရှိကြပါတယ်။
အေသင် မြို့ နိုင်ငံရဲ့ နိုင်ငံရေး တည်ဆောက်ပုံ
အေသင် မြို့နိုင်ငံရဲ့ တိုက်ရိုက် ဒီမိုကရေစီစနစ်အောက်မှာ နိုင်ငံရေး တည်ဆောက်ပုံ political structure ကို လိုရင်းတိုရှင်း ဖေါ်ပြရမယ် ဆိုရင် ၊၊၊၊၊၊၊

Read the rest of this entry »

Play

Posted by Zogamnuam

September 14th, 2012 at 12:41 pm

Posted in Athen History

Athen History အေသင်သမိုင်း Part 2

Comment ရေးရန် (no comment)

အေသင်မြို့ နိုင်ငံ မှာ တိုက်ရိုက်ဒီမိုကရေစီ ပေါ်ပေါက် လာပုံ သမိုင်းအကျဉ်း

အပိုင်း(၂)

စစ်ပွဲ တွေ အတောမသတ်နိုင်ခဲ့တဲ့ ခေါမ ရဲ့ မြို့နိုင်ငံတွေ နဲ့ ဒီမိုကရေစီ ရေခံမြေခံ

ရှေးဟောင်း ဂရိ နိုင်ငံ မှာ သီးခြားလွတ်လပ်စွာ တည်ရှိတဲ့ မြို့နိုင်ငံပေါင်း ရာဂဏန်း နဲ့ ချီပြီးရှိခဲ့တယ်။ အဲဒီ မြို့ နိုင်ငံတွေ ရဲ့ နိုင်ငံသား (မြို့သား) တွေဟာ မျိုးနွယ်စု တွေ နဲ့ ဖွဲ့စည်းထားကြပြီး သွေးသားအားဖြင့်နီးစပ်သူတွေဖြစ်တဲ့အတွက် တခြားမြို့ ကနေ ပြောင်းရွှေ့ နေ ထိုင် လာ ကြတဲ့ သူ တွေ နဲ့ ကျွန်တွေ ကို နိုင်ငံသားစာရင်းထဲ မှာထည့်လို့မရဘူး။ မိန်းမတွေကိုလည်း မဲပေးပိုင်ခွင့်ရှိတဲ့ နိုင်ငံသား တွေ အဖြစ်မသတ်မှတ် ကြ ဘူး။ မြို့နိုင်ငံရဲ့ လူဦးရေ က ၂သိန်းခွဲ လောက်သာရှိ ပြီး နိုင်ငံသားလို့အသတ်မှတ်ခံရတာက သုံး သောင်း လောက်ပဲရှိတယ်။ တဦးနဲ့တဦး က ငယ်စဉ် ကလေး ဘ၀ ကစ ကစားဖေါ် ကစားဖက်တွေ၊ ကျောင်းနေဖက်တွေ ဖြစ်ကြတယ်။၊ ကြီးလာတဲ့အခါမှာလည်း မြို့ညီလာခံမှာ နိုင်ငံရေး ဆွေးနွေးဖက်တွေ၊ ငြင်းခုန်ဖက်၊ စကားစစ်ထိုးဖက်တွေ၊ စစ်ပွဲတွေရှိလာရင်လည်း တိုက်ဖေါ်၊ တိုက်ဖက် တွေဖြစ်ကြတယ်။ ဆိုလိုတာက နိုင်ငံသား တွေဟာ တဦးနဲ့ တဦး သိကြွမ်းကြတယ်။ သူတို့ဟာ မြို့ရဲ့ နိစ္စဓူဝ လုပ်ငန်းဆောင်တာတွေမှာ တနည်းမဟုတ်တနည်း ပါဝင် ပတ်သက်ကြပြီး တဦးကို တဦး ရာထူး ခန့်အပ်တာ၊ ငြင်းပယ်တာ ကစ၊ နိုင်ငံရေး၊ စစ်ရေး၊ အနုပညာ အစရှတဲ့ ကိစ္စ အ၀၀ မှာ အမြဲ ထိတွေ့ကြတဲ့ အလျောက် ဒီမြို့ ရဲ့ ဈေးကွက်လပ် ဟာ အရေးပါအရာ ရောက်တဲ့ လူထုဆွေး နွေး ၀ိုင်းတွေ ကျင်းပရာ၊ နိုင်ငံရေး၊ လူမှုရေး အသိပညာ တွေ ဖလှယ်ရာ၊ မြှင့်တင်ရာ၊ ရှင်သန် ဖွံ့ဖြိုးရာ မှာ အရေးကြီး တဲ့ နေရာတွေ ဖြစ်လာကြတယ်။ မြို့သား တိုင်း မှာ တဦးချင်းစီအတွက် မြို့နိုင်ငံရဲ့ အရေးကိစ္စအတွက် တာဝန် (duty) ကိုယ်စီ ရှိကြ တယ်။ တနည်း အားဖြင့် သူတို့ရဲ့ဘ၀ မှာ အခွင့်အရေး ဆိုတာထက် တာဝန်ဆိုတာ ကိုပိုမို လွမ်းမိုးတယ်။ နိုင်ငံ့ တာဝန် ကိုကျေပွန်အောင်မထမ်းဆောင်သူကို လူမှုလောကမှာ နိမ့်ကျတဲ့ အဖျက် အနှောင့် သမားလို့မြင်ြကတယ်။ နိုင်ငံ့ တာဝန် တခုခု ကိုမယူထားဘူး၊ ဒါမှ မဟုတ် မြို့လုံးသျွတ်ညီလာခံမှာ တက်တက်ကြွကြွ ပါဝင်ဆွေးနွေးလေ့မရှိတဲ့သူကို ဂရိဘာသာစကားနဲ့ idiotai လို့ နှိမ်ခေါ်ကြတယ်။ အင်္ဂလိပ်စကားလုံး idiot (ငတုံးငအ) ဆိုတာ အဲဒီဂရိစကားလုံးကနေဆင်းသက်လာတာဖြစ်တယ်။ နိုင်ငံ့ အရေး မှာ တက် တက် ကြွကြွ မပါဝင်သူတွေကို ငတုံးငအ စာရင်းထဲမှာ ထည့်ထား ခဲ့ကြတဲ့ ရှေးဟောင်း ဂရိခေါမသားတွေက ဒီနေ့ခေတ်သစ်မှာ နိုင်ငံ့အရေး တက်တက် ကြွကြွ ပြောဆိုလုပ်ကိုင် ရေးသား တဲ့သူတွေကိုမှ ကွက်ပြီး အညှိးထားပြီး ဖမ်းလားစီးလား၊ သတ်လားဖြတ်လားလုပ်တဲ့လူတွေကို ဘယ်လိုများ ကင်ပွန်း တတ်ကြ မလဲမသိဘူး။

မြို့ နိုင်ငံ ရဲ့ ပထ၀ီ အနေအထား ကတော့ စစ်ပွဲတွေဖြစ်လာရင် မြို့သားအားလုံး ကို တပ်ဆုတ် စေ လုံလုံခြုံခြုံ အကာအကွယ်ပေးနိုင်တဲ့ ဗဟို ရှိတယ်။ အဲဒီ ဗဟို ပြုရာရဲ့ ပတ်ပတ်လည်မှာ ရှိတဲ့ ကျယ်ဝန်း တဲ့ နယ်မြေ ကြီးထဲမှာ အိမ်ခြေတွေ၊ ရပ်ရွာတွေ၊ မြို့ငယ်တွေ ရှိတယ်။ ဥပမာ အေသင် မြို့ ဆိုလို့ရှိရင် အမှန် တကယ် တော့ ATTICA ဆိုတဲ့ ကျွန်းဆွယ် ကြီး ထဲမှာ တည်ရှိတာဖြစ်ပေမဲ့ ဒီကျွန်းဆွယ် တခုလုံးထဲမှာ နေထိုင်တဲ့ သူအားလုံး ကိုခြုံပြီး အေသင် မြို့ သားတွေ အဖြစ် ခေါ်ဝေါ် ကြ တာ ဖြစ်တယ်။ ပြင်ပ ရန်သူက ကျူးကျော်စစ် နဲ့ ၀င်လာရင် လယ် သမား၊ တံငါသည် စသည်ဖြင့် နိုင်ငံသား အားလုံး အေသင် မြို့ရိုးအတွင်း ကို တပ်ဆုတ်ပြီး အဲဒီကနေ ပြန်လည် ခုခံကြရတယ်။ အေသင် နဲ့ အပြိုင် အင်အားကြီးတဲ့ နောက်မြို့နိုင်ငံတခု ကတော့ စပါတာ ဖြစ်တယ်။ စပါတာ ကတော့ LACONIA ဆိုတဲ့ ကျွန်းဆွယ် ကြီးထဲမှာ ရှိ တဲ့ ကျေးရွာတွေ ကိုသိမ်းပိုက် အုပ်ချုပ်ထားတာဖြစ်ပြီး အဲဒီကျွန်းဆွယ်ထဲမှာ နေထိုင်တဲ့သူ အားလုံးကို အေသင်မှာ လို နိုင်ငံသားအဖြစ်မသတ်မှတ်ပဲ စပါတာမြို့ ပေါ်သားတွေကိုသာ ကွက်ပြီး နိုင်ငံသား အဖြစ် သတ်မှတ် ကြတယ်။ အေသင်မှာ လို ဒီမိုကရေစီ ကျယ်ကျယ်ပြန့်ပြန့် မထွန်းကားပဲ သူတို့ သိမ်းပိုက် ထားတဲ့ နယ်မြေထဲကလူတွေကို မလိုအပ်ပဲနဲံလည်း ဖိနှိပ်ချုပ်ချယ် လေ့ရှိတာမို့ မကြေမနပ် ဖြစ်ကြတဲ့ ကျွန်းဆွယ်သားတွေက အမျိုးမျိုး တော်လှန်ပုန်ကန်ခြားနားကြတဲ့အတွက် အေသင်နဲ့ စာရင် တည်ငြိမ် အေးချမ်း မှု အားနည်းပြီး စစ်နိုင်ငံ ပိုဆန်တယ်။ ဒါပေမဲ့ အေသင်နဲ့ ကွာခြားတဲ့ အချက်တွေထဲမှာ စပါတာရဲ့ ထူးခြားချက်ကတော့ အမျိုးသမီး တွေကို နိုင်ငံရေးလောကထဲမှာ အပြည့်အ၀ပါဝင်ခွင့်ပေးတဲ့ အချက်ဖြစ်တယ်။ စပါတာမှာ အမျိုးသမီးခေါင်းဆောင်တွေ၊ သူရဲကောင်း တွေ ပေါ်ထွန်းခဲ့သလို စစ်ရေးမှာ လည်း ရန်သူ့ စစ်ပရိရယ်ကိုကြိုတင် တွက်ဆနိုင်တဲ့ အမျိုးသမီး ခေါင်းဆောင် ကောင်းတွေပေါ်ထွန်းခဲ့ဘူး ပါတယ်။ (မြေပုံကိုရှုပါ၊ ဒီမြေပုံမှာတော့ များပြားလှတဲ့ မြို့ နိုင်ငံတွေထဲက အေသင်နဲ့ စပါတာ မြို့ နိုင်ငံ နှစ်ခုကို မီးမောင်းထိုး ပြထား တယ်)။

အလုံအခြုံ ကာကွယ် ထားတဲ့ အေသင် တို့ စပါတာ တို့ ကိုတည်ဆောက်ရာမှာ အခုခေတ်လို ကုန်သွယ်မှု နဲ့ လမ်းပန်း ဆက်သွယ်ရေး လွယ်ကူအောင် ပင်လယ်ကမ်းခြေမှာ မတည်ဆောက်ပဲ ရန်သူ နိုင်ငံတွေက လျှပ်တပျက် ၀င်မစီး နိုင်အောင် ကုန်းတွင်း ပိုင်း မှာ တည်ဆောက်လေ့ရှိတယ်။ ဒါကလည်း ဂရိ မြို့ နိုင်ငံ တွေအကြား အတောမသတ်နိုင်တဲ့ အပြန်အလှန် စစ်ခင်းမှု တွေ ကြောင့် ဖြစ်တယ်။
အဲဒီတော့ အေသင်မြို့မှာ တိုက်ရိုက်ဒီမိုကရေစီ စနစ် ပေါ်ထွန်း လာ ဖို့ အထိဖြစ်လာရအောင် အရေးကြီးတဲ့ ရေခံမြေခံ နဲ့ အခြေခံ အကြောင်း တရား တွေ ကို ပြန်လည် သတ္ထုချကြည့်ရင် အောက်ပါအတိုင်း တွေ့ရ ပါတယ်။

(၁) မြို့နိုင်ငံသားတွေ ဟာ တဦးနဲ့ တဦး သွေးသားနီးစပ်ကြတယ်၊

(၂) လူဦးရေအားဖြင့် ဒီနေ့ခေတ်မြို့တွေနဲ့ စာရင်နည်းပါးနေသေး တယ်၊

(၃) တခြား ဂရိ မြို့နိုင်ငံ တွေ နဲ့ မကြာခဏ စစ်ခင်းကြရတယ်၊

(၄) ဒီတော့ မြို့ ရဲ့ နိုင်ငံရေး၊ စီးပွားရေး၊ စစ်ရေး၊ အုပ်ချုပ်ရေး ကိစ္စ တွေမှာ မြို့သား အားလုံး တနည်းမဟုတ်တနည်း ပါဝင် နေ ကြရတယ်။ နိုင်ငံ့အရေး ငါနဲကမဆိုင်ဆိုပြီး ဘယ်သူမှဘေးထွက်ထိုင်နေလို့မရဘူး၊ မြို့သားတိုင်း မှာ တဦးချင်းစီအတွက် မြို့နိုင်ငံရဲ့ အရေးကိစ္စအတွက် တာဝန် (duty) ကိုယ်စီ ရှိကြ တယ်။ မြို့လယ်ခေါင်က ဈေးကွက်လပ် မှာ အရေးပါအရာ ရောက်တဲ့ လူထုဆွေး နွေး ၀ိုင်းတွေ ကျင်းပကြပြီး မြို့ရဲ့ နိုင်ငံရေး၊ လူမှုရေး နဲ့ အသိပညာ တွေ နိုင်ငံရေး အတွေးအခေါ်တွေ ရှင်သန် ဖွံ့ဖြိုးစေတဲ့ ဓလေ့ ရှိတယ်။

(၅) ဘီစီ ၅၆၁ နဲ့ ဘီစီ ၅၀၇ အကြား နှစ်ပေါင်း ၅၀ ကျော် ကာလ အတွင်း အေသင်မြို့ မှာ အုပ်စိုးသူ မင်းဆိုး မင်း ညစ် တွေ ဆက်တိုက် ပေါ်ပေါက် ခဲ့ တယ်၊ The Tyrants of Athen ဆိုပြီး သမိုင်းမှာ တွင်သွားခဲ့တာဖြစ်တယ်။

အထက်ပါ ဖေါ်ပြထားတဲ့ အကြောင်း အချက် အလက် တွေ ဟာ အေသင်မြို့မှာ တိုက်ရိုက်ဒီမိုကရေစီ စနစ် ပေါ်ထွန်း လာ ဖို့ ကောင်းမွန်တဲ့ ရေခံမြေခံ တွေ ဖြစ် လာရတယ်။

အခုတခါ ဆက်လက် ပြီး အေသင်မြို့ နိုင်ငံမှာ ဒီမိုကရေစီ စနစ် ပေါက်ဖွား လာရတဲ့ ဖြစ်စဉ် အကြောင်းရင်းတွေ ထဲကနေ ပိုမိုပြီး တိုက်ရိုက် ကျကျ အရေးကြီးတဲ့ အကြောင်းရင်း တခုဖြစ်တဲ့ ဒီမြို့ ရဲ့ နိုင်ငံရေး သမိုင်းအကျဉ်း ကို တင်ပြ ဆွေးနွေး သွားပါမယ်။ အေသင်ရဲ့ နိုင်ငံရေးသမိုင်း ဟာ အေသင်မှာ ဒီမိုကရေစီ သန္ဒေ တည်လာဖို့ ပိုမိုပြီးတိုက်ရိုက်ကျတဲ့ အကြောင်းရင်း ရယ်လို့ ပြောရတာက အထက်မှာ ဖေါ်ပြ ခဲ့ တဲ့ အေသင်ဒီမိုကရေစီ ရဲ့ ရေသောက်မြစ် ရေခံ မြေခံ တွေအနက် အချက် (၁) ကနေ အချက် (၄) အထိ ပါဝင်တဲ့ အကြောင်းရင်းတွေ အချက်အလက်တွေ ဟာ တထပ်တည်းမတူညီကြသည့်တိုင်အောင် တခြား ဂရိ ဂန္တ၀င် သမိုင်းထဲက မြို့ နိုင်ငံတွေမှာ လည်း အနည်း နဲ့ အများ ရှိခဲ့ ကြတာပါပဲ။ ဒါပေမဲ့ အေသင်မှာ လို တခြားမြို့တွေကနေ ဒီမိုကရေစီ စနစ် ပေါ်ပေါက်မလာပဲ အေသင်ဆိုတဲ့ မြို့ နိုင်ငံကနေ သာလျင် ထူးထူးခြားခြား မွေးဖွားလာရတဲ့ အကြောင်းရင်းကတော့ အချက် (၅) မှာ ဖေါ်ပြထားတဲ့ မင်းစိုးမင်းညစ်မျိုး တွေ နှစ်ပေါင်း ၅၀ ကျော် ၆၀ နီးပါး အုပ်စိုးခဲ့ တဲ့ အချက်ဟာ အခရာကျတဲ့ အကြောင်းရင်းတခုဖြစ်ပါတယ်။ ဒီလို မင်းစိုးမင်းညစ်တွေ နောက်ထပ် မပေါ်ပေါက် လာအောင် ဆိုတဲ့ ရည်ရွယ်ချက်နဲ့ စဉ်းစားတွေးခေါ်လာကြတဲ့ အခါမှာ ဒီမင်းဆိုးမင်းညစ် တွေရဲ့ စနစ်ဆိုးတွေ ကို အစားထိုးမဲ့ အစိုးရမင်းတွေ က မအုပ်ချုပ်ပဲ ပြည်သူတွေ ကသာ နိုင်ငံ့ ကံကြမ္မာ ကို ဘယ်လို ပုံစံ ဖန်တီး မလဲဆိုတာကို အတူတကွ ဆွေးနွေး၊ တိုင်ပင် ဆုံးဖြတ်ပြီး တိုက်ရိုက်အုပ်ချုပ်တဲ့ ဒီမိုကရေစီ စနစ် ဆိုတာ ပေါက်ဖွား ရှင်သန် လာရ တာ ဖြစ်ပါ တယ်။ အဲဒီလို စိတ်ဝင်စားစရာကောင်းတဲ့ အေသင်ရဲ့ နိုင်ငံရေးသမိုင်းလေးကို တစေ့ တစောင်း ဆက်လက်ဖေါ်ပြ ဆွေးနွေး သွားပါမယ်။

Play

Posted by Zogamnuam

September 15th, 2012 at 5:46 pm

Posted in Athen History

အေသင်မြို့ နိုင်ငံ မှာ တိုက်ရိုက်ဒီမိုကရေစီ ပေါ်ပေါက် လာပုံ သမိုင်းအကျဉ်း

Comment ရေးရန် (no comment)

အပိုင်း(၃)

Solon (c.640-c.559 B.C.)

ဘီစီ ၆၀၀ ၀န်းကျင်လောက်မှာ အေသင်မြို့ရဲ့လူဦးရေတိုးပွားနှုန်းနဲ့ အလျင်မီအောင် လယ်သမားတွေက စားနပ်ရိက္ခာ အလုံ အ လောက် မထုတ်လုပ်နိုင်တဲ့ အတွက်ကြောင့် အေသင်မြို့မှာ နိုင်ငံရေး၊ စီးပွားရေး မတည်ငြိမ်မှု တွေပေါ်ပေါက်ခဲ့ရတယ်။ စားနပ်ရိက္ခာ မလုံလောက်တဲ့အခါကြတော့ လယ်သမားတွေက သူတို့ ရဲ့ လယ်ယာမြေတွေ ကို တပိုင်းစီ ဖဲ့ရောင်းပြီး အစာရေစာ ၀ယ်ယူခဲ့ ကြရ တယ်။ ဒီလိုနဲ့ အကြွေး တွေ တင်လယ်ယာမြေတွေဆုံးရှုံးကြရပြီးချွတ်ခြုံကျတဲ့ အထိဖြစ်ခဲ့ကြရတယ်။ မြေယာမြေ ပိုင်ဆိုင်မှု ကလည်း လက် တဆုပ် စာ ရဲ့လက်ထဲမှာရှိပြီး လယ်ယာမြေ ငှားခမပေးဆပ်နိုင်သူတွေဟာ မြေရှင် တွေရဲ့ ကျေးကျွန်ဘ၀ကို ကျရောက် ကြရ တယ်။

ဒီ နိုင်ငံရေး၊ စီးပွားရေး အကျပ်အတည်းတွေ ဟာ ဘီစီ ၅၉၄ မှာ အေသင်မြိုသားတွေက Solon ခေါ် အဆင့်မြင့် အရာရှိဟောင်းတဦးကို နိုင်ငံ့ အကျပ်အတည်း တွေ ကို ကိုင်တွယ် ဖြေရှင်းဖို့ အကြီးအကဲ အဖြစ် တင်မြှောက်လိုက်တဲ့ အခါမှာ အတော်အသင့် ပြေလည်မှု ရရှိသွားပါတယ်။ Solon ကသူတက်လာတဲ့အခါမှာ လယ်ယာ နဲ့ ပတ်သက်တဲ့ ကြွေးမြည် တွေအားလုံး ရှော်ပစ်လိုက်တဲ့ အပြင် အေသင်မြို့သား အချင်းချင်း ကျွန်ပြုမှုကို ဖျက်သိမ်း ပြီး လွတ်ငြိမ်းချမ်း သာ ခွင့်ပေး ပစ်လိုက်တယ်။ Solon ဟာ ပဋိပက္ခ တွေကို ငြိမ်းငြိမ်း ချမ်းချမ်း မျှမျှတတ ဖြေရှင်းလေ့ ရှိတယ်လို့ အများ ကယုံကြည် ကြတယ် လို့ဆို တယ်။ Solon ဟာ မျိုးနွယ်စုတွေ ဒေသတွေ လူတန်းစား တွေ နဲ့ ကွဲပြားနေတဲ့ အေသင်မြို့ ရဲ့ လူမှု အဖွဲ့အစည်း ကို လူတန်းစား(၄)ရပ် အဖြစ်ခွဲခြား ပေးတဲ့ အဖြေခံဥပဒေ ပြုပြင်ပြောင်း လဲရေး တရပ် ကိုစတင်ခဲ့တယ်။ အဲဒီလို လူတန်းစား(၄)ရပ်ခွဲ လိုက်တဲ့အခါမှာ မျိုးနွယ်စုကိုအခြေမခံပဲ သူတို့ရဲ့ နှစ်စဉ် လယ်ယာထွက်ပစ္စည်း ထုတ်လုပ်မှု အနည်းအများ ပေါ်မူတည် ပြီးခွဲ ခြား သတ်မှတ် လိုက် တာဖြစ်တယ်။ အဲဒီလိုလူတန်းစား (၄)ရပ်ထဲကနေ အမြင့် ဆုံးလူတန်းစား (၃) ရပ်ကို နိုင်ငံ့ အုပ်ချုပ်ရေးမှာ ပါဝင်စေတယ်။ Solon ရဲ့ အုပ်ချုပ်ရေး စနစ်ထဲမှာတော့ မိန်းမတွေ၊ ကလေးတွေ၊ ကုန်သည်တွေ၊ အနုပညာသည်တွေ၊ တနယ်တကျေးကပြောင်းရွှေ့နေထိုင်တဲ့ နိုင်ငံခြားသားတွေ၊ ထုတ်လုပ်မှု မြင့်မြင့်မားမားမရှိတဲ့ လယ်ယာမြေ မပိုင်ဆိုင်သူတွေနဲ့ ပြင်ပကကျွန်တွေ ကို တော့ ပါဝင်ခွင့်မပေးခဲ့ဘူး။
Solon ရဲ့ ပြုပြင်ပြောင်းလဲရေး ဟာ တာရှည်မခံခဲ့ပေမဲ့ သူ့ရဲ့ ပြုပြင်ပြောင်းလဲရေးလုပ်ငန်းတွေဟာ နောင်မှာ အေသင် တိုက်ရိုက် ဒီမိုကရေစီ ပေါ်ထွန်းလာဖို့ အခြေခံအုပ်မြစ်အဖြစ် လေ့လာသူတချို့က ယူဆ ကြတယ်။ Solon ရဲ့အခြေံဥပဒေ ပြုပြင်ပြောင်းလဲရေး က အရင်က အောက်ကျနောက်ကျဖြစ်ခဲ့တဲ့ မိသားစုတချို့နဲ့ လူသစ်တချို့ ကို နိုင်ငံ့ အုပ်ချုပ်ရေးမှာ ပါဝင်လာနိုင်အောင်နဲ့ စီးပွားရေးမှာ လည်း နလံထူလာနိုင်အောင်ဆောင်ကျဉ်းပေးနိုင်ခဲ့သော်လည်း လယ်ယာမြေ ကိုအခြေခံတဲ့ အကျပ်အတည်းတွေကိုတော့ အဆုံးမသတ် ပေးနိုင် ခဲ့ပါဘူး။ အုပ်စုဖွဲ့ အကွဲအပြဲတွေကတော့ပြေပျောက်မသွားခဲ့ပါဘူး။ Solon တက်လာတဲ့ကာလမှာ ဂရိခေါ်မတ၀ှမ်းမှာ မင်းဆိုး မင်းညစ် တွေ စတင်ထွန်းကားစပြုနေပါတယ်။

အေသင်ရဲ့ မင်းဆိုးမင်းညစ်များ The Tyrants of Athen

အများအားဖြင့် မြို့နိုင်ငံတွေရဲ့ စစ်နဲ့ငြိမ်းချမ်ရေး ကိစ္စ တွေကို အုပ်စိုးသူဘုရင်တွေကသာ တဖက်သတ် ဆုံးဖြတ်ကြတယ်။  ဘီစီ ၅၆၁ မှာ Pisistratus (c.600-527 B.C.) ဆိုတဲ့ စစ်ခေါင်းဆောင် ဟောင်းတဦးက Solon ကိုဖြုတ်ချပြီး မင်းဆိုးမင်းညစ် တဦး အဖြစ် အေသင် ကို စတင် အုပ်ချုပ် ခဲ့တယ်။ သူသေဆုံးတဲ့ ဘီစီ ၅၂၇ အထိ သူဟာ သူ့နောက်လိုက် တချို့ကို ချမ်းသာတဲ့ မိသားစုတွေရဲ့ လယ်ယာမြေ တွေကိုသိမ်းပိုက်ပြီး လယ်ယာမြေ ဝေငှပေးကမ်း တဲ့နည်းနဲ့ သိမ်းသွင်းစည်းရုံးခဲ့တယ်။ ဒီ လိုနည်းနဲ့ သိမ်းသွင်းထားတဲ့ လယ်သမားတွေဟာ အေသင် ခေတ်ရဲ့ ခရိုနီတွေ ပဲ ဆိုကြ ပါဆို့။ Pisistratus ဟာ ကူးသန်းရောင်ဝယ်မှု နဲ့ လူထုလုပ်ငန်းတွေကိုပါ ကိုမြှင့်တင်ခဲ့တယ်။ ဘုရားကျောင်းတွေတည်ဆောက်ပြီး ဘာသာရေး အဆောက်အအုံ တွေကိုလည်း ပြုပြင်ခဲ့တယ်။ ဘာသာရေးပွဲတော်တွေကိုလည်း စတင်ကျင်းပပေးခဲ့တယ်။   ဘီစီ ၆ ရာစုရဲ့ အလယ်ပိုင်းလောက်မှာ အေသင်မှာ လူဦးရေ တိုးပွား လာတာ နဲ့အမျှ စီးပွားရေးပါတိုးတက်စပြုလာတယ်။ တကြိမ်ထည်းမှာလည်း နိုင်ငံသားတွေရဲ့ လူနေမှု အဆင့်အတန်း ဟာလည်းပဲ မြင့်တက်လာနေတယ်။ အချိန်ပိုတွေလည်းပိုရလာတာနဲ့အမျှ အရင် မျိုးဆက်တွေ နဲ့စာရင် အချင်းချင်း အကြား သတင်း ဖလှယ်မှု လည်း ပိုများလာပါတယ်။ Pisistratus လို မင်းဆိုးမင်းညစ် က သူ့ရဲ့ အာဏာကို အောက်ခြေ အထိ ဝေမျှပြီး ကျယ်ကျယ်ပြန့်ပြန့် ထောက်ခံမှုကိုရယူလိုခဲ့တာမို့ သူအုပ်ချုပ်တဲ့ကာလမှာပဲ နိုင်ငံသား တော်တော်များများ က နိုင်ငံရေး အတွေ့အကြုံ တွေရရှိ လာကြပါတယ်။ ဒီထက်အပြင် ကြွယ်ဝချမ်းသာမှု ကိုလိုက်ပြီး အုပ်ချုပ်ရေး တာဝန်တွေ ကို ထမ်းဆောင် ခွင့် ရလာ ကြတာ ဆိုတော့  ၀င်ငွေတွေတိုးပွားလာကြတဲ့ အဲဒီကာလမှာပဲ အစိုးရရဲ့ အုပ်ချုပ်ရေးတာဝန်တွေကို လူတော်တော်များများ က ပါဝင် ထမ်းဆောင်လာနိုင် ကြပါတယ်။

Pisistratus သေတော့ သူ့ရဲ့ အရိုက်အရာ ကို သူ့သား Hippias က ဆက်ခံပြီး၊ Hippias ကတော့ အရင်သူ့အဖေခေတ်အတိုင်းပဲ စနစ်တွေမပြောင်ပဲ ဆက်လက် အုပ်ချုပ် မင်းလုပ် ခဲ့ပါတယ်။ ဘီစီ ၅၁၀ မှာ တော့ Pisistratus ရဲ့သားတွေက နယ်နှင်ဒါဏ် ပေးတာကို ခံခဲ့ရတဲ့ ဆွေမျိုးစုတခုက စပါတာရဲ့ အကူ အညီ ကိုရယူပြီး Hippias ကိုနန်းဖြုတ်ခဲ့တဲ့အတွက် Hippias လည်း ပါးရှားကို တိမ်းရှောင်ထွက်ပြေးခဲ့ရတယ်။ စပါတာ တွေထွက်သွား တဲ့အခါမှာ အေသင်ကို Isagoras ကဆက်လက်အုပ်ချုပ် မင်းလုပ် ပေမဲ့ သူဟာပြုပြင်ပြောင်းလဲရေးလုပ်ဖို့ထက် Solon မတိုင်မီ ခေတ် ဆီကို ခေတ်နောက် ပြန်ဆွဲပြီး မင်းမျိုးရာဇာတွေအုပ်စိုး တဲ့ ခေတ် ကိုပြန်လည်ထူထောင် ဖို့ကျိုးစားပြီး အေသင်နိုင်ငံသားဖြစ်မှုကိုပါ သန့်စင်ဖို့ ကျိုးပမ်း လာ တဲ့အတွက် သူ့ကို ဆန့်ကျင်မဲ့ Cleisthenes ဆိုသူတဦး ဟာသူတို့ဆွေမျိုးအုပ်စုထဲ ကနေပဲ ပြိုင်ဘက် အနေနဲ့ ပေါ်ပေါက် လာပါတော့တယ်။  ဒါပေမဲ့ Isagoras က စပါတာရဲ့အကူအညီကို တခါထပ်မံရယူပြီး ကလေ့ဟ်သေနီ ကို အေသင်ကနေ မောင်းထုတ်ပြစ်လိုက်တဲ့အပြင် လူပေါင်းရာနဲ့ချီပြီး သူတို့ရဲ့နေအိမ်တွေ ကနေ မောင်းထုတ်ခဲ့တယ်။ ဒီထက် ဆိုးဝါး တာ က မြို့ရဲ့ အုပ်ချုပ်ရေးကောင်စီကိုပါ ဖျက်သိမ်းဖို့လုပ်လာတာဖြစ်တယ်။ ကောင်စီ ကဒါကိုအပြင်းအထန်ဆန့်ကျင်တဲ့အခါမှာ ပြည်သူတွေ ကပါကောင်စီဖက်မှာ အပြည့်အ၀ ထောက်ခံ ပါဝင်လာကြတယ်။ နောက်ဆုံး မှာတော့ Isagoras နဲ့ အပေါင်းပါတွေ ဟာ ထွက်ပြေး တိမ်း ရှောင်သွားရပြီး ပြည်သူတွေ က ပြည်ပ အဝေးရောက် Cleisthenes ကိ်ုပြန်ခေါ်တဲ့အခါမှာ သူဟာ ရာပေါင်း များစွာ သော တခြား အဝေး ရောက်တွေနဲ့ အတူ ပြည်တော် ပြန်ပြီး တိုင်းပြည်ကို ဆက်လက် အုပ်ချုပ်ခဲ့တယ်။

အေသင်တွင်တုက်ရိုက်ဒီမိုကရေစီစနစ်ပေါ်ထွန်းခြင်း

Cleisthenes ဟာသမိုင်းမှာ ဘယ်သူမှလုပ်လေ့မရှိခဲ့ တဲ့အလုပ်ကိုလုပ်ခဲ့တယ်။ အဲဒါ ကတော့ အရင်ခေါင်းဆောင်တွေလို မင်းမျိုးရာဇာ နဲ့ စစ်ဖက် အဆင့်မြင့် အရာရှိတွေကို အားကိုးတာမျိုး လည်းမလုပါဘူး၊ လူတန်းစားနဲ့ မျိုးနွယ်တွေကွဲပြားမှုကိုခြေခံပြီး၊ အခွင့်ကောင်း ယူပြီး တော့လည်း အာဏာမြဲ အောင်မလုပ်ခဲ့ဘူး၊ ဒီလိုလုပ်ရိုး လုပ်စဉ်တွေကနေခွဲထွက်ပြီး သူဟာ ပြည်သူတွေ ကို တိုက်ရိုက် အားကိုးခဲ့တယ်။ ပြည်သူတွေ စီ ကနေလည်း တခဲနက်ထောက်ခံမှုကိုရယူနိုင်ခဲ့တယ်။

ဘီစီ ၅၀၈ မှာ ကလေ့စ်သေနီ က ပြည်သူတွေက အေသင်မြို့နိုင်ငံကို တိုက်ရိုက် အုပ်ချုပ်နိုင်မဲ့ နိုင်ငံရေး စနစ်တခုကို ချမှတ်ခဲ့တယ်။ ဒီ နိုင်ငံရေး အဖွဲ့အစည်းသစ်ကို သူက demokratia (သို့မဟုတ်) ဒီမိုကရေစီ လို့အမည်ပေးလိုက်တယ်။ အဓိပ္ပါယ်ကတော့ ပြည်သူ အားလုံး ပါဝင်တဲ့ အဖွဲ့အစည်းက အုပ်ချုပ်သည် လို့အဓိပ္ပါယ်ရတယ်။

ဒီမိုကရေစီစနစ်သစ် ဟာကောင်းမွန်လွန်းတဲ့အတွက် နောင်အနာဂတ်မှာ ဒီစနစ်ကိုဖျက်စီးဖို့ အာဏာပြိုင်လုကြမဲ့ မင်းဆိုးမင်းညစ် တွေ ပေါ်ပေါက်နိုင် တော့မှာ မဟုတ်ဘူးလို့ ကလေ့စ်သနီကယုံကြည်တယ်။ အေသင်ဒီမိုကရေစီ ကိုဘယ်ပုံဘယ်နည်း အကောင်းဆုံး ဖြစ်အောင်ပုံဖေါ်ခဲ့ကြတယ်၊ ဒီလောက်ကောင်းမွန်တဲ့ စနစ်ဟာ နောက်ဆုံးမှာ ဘာ့ကြောင့် ပျက်စီးသွားရတယ်၊ အနောက်တိုင်း ဥရောပ နိုင်ငံတွေမှာ ရော ဒီနေ့ ကမ္ဘာတ၀ှမ်းမှာ လူသားအားလုံးရဲ့ စံထားရတဲ့ စနစ်တခုအဖြစ် ဖြစ်လာရတဲ့ အေသင်ဒီမိုကရေစီ သမိုင်းရဲ့ စိတ်ဝင်စားစရာကောင်းဆုံး အပိုင်းကို ဆက်လက်ဆွေးနွေးသွားပါမယ်။

Play

Posted by Zogamnuam

September 23rd, 2012 at 12:12 am

Posted in Athen History

အေသင်မြို့ နိုင်ငံမှာ တိုက်ရိုက်ဒီမိုကရေစီ ပေါ်ပေါက်လာပုံ သမိုင်းအကျဉ်း – အပိုင်း(၄)

Comment ရေးရန် (2 comments)

အေသင်ရဲ့ လူ (၅၀၀) ပါဝင်တဲ့ မြို့အုပ်ချုပ်ရေး ကောင်စီ

အပိုင်း (၁) မှာ ဖေါ်ပြခဲ့သလိုပဲ ကလေ့စ်သနစ်ဟာ လူ ၅၀၀ ပါဝင်တဲ့ မြို့ကောင်စီကို ဖန်တီးခဲ့ပြီး အေသင်မြို့ကို အုပ်ချုပ်စေခဲ့ပါတယ်။ အဲဒီကောင်စီမှာ အသက် ၃၀ ပြည့်ပြီးသူ မြို့သား ယောက်ျား မည်သူမဆို အနည်းဆုံ တနှစ် သက်တမ်း အတွင်း မြို့အုပ်ချုပ်ရေး တာဝန်ကို ထမ်းဆောင်စေပါတယ်။ ဒီနည်းနဲ့ မြို့သားတိုင်းဟာ အသက်ပြည့်လာရင် တသက်မှာ အနည်းဆုံး တကြိမ်တော့ မြို့အုပ်ချုပ်ရေး တာဝန်ကို အဲဒီကောင်စီမှာ ပါဝင်ခွင့်ရှိလာမှာ ဖြစ်တယ်။ ဘာလို့လည်း ဆိုတော့ မြို့ကောင်စီကို ရွေးချယ်ရာမှာ လူမထပ်အောင် စနစ်တကျ စီစစ်ပြီး မဲနှိုက် ရွေးကောက်စေတာကြောင့်ဖြစ်ပါတယ်။ နောက်ပြီး အေသင် ဒီမိုကရေစီရဲ့ ဖွဲ့စည်းပုံအရ လူတဦးဟာ သူ့တသက်မှာ နှစ်ခါထက် ပိုပြီး ဒီမြို့ကောင်စီမှာ တာဝန်ထမ်းဆောင်ခွင့် မပေးပါဘူး။ အဲဒီတော့ မြို့သားတိုင်း သူ့အလှည့်နဲ့သူ အုပ်ချုပ်ရေးမှာ ပါဝင်လာခွင့် ရှိအောင် အာမခံထားတာဖြစ်တဲ့ အပြင်၊ လူတန်းစားတခုခု၊ မျိုးနွယ်စု တခုခုက အမြဲတမ်း ကြီးစိုး ချယ်လှယ်တဲ့ သဘောမျိုး မရှိအောင် အာမခံထားတာ၊ ကာကွယ် ထားတာဖြစ်တဲ့ အတွက် မြို့သားတိုင်းရဲ့ တန်းတူမှု၊ လွတ်လပ်မှု အစရှိတဲ့ ဒီမိုကရေစီ အခွင့်အရေးတွေ ကို မဆုံးရှုံး ရလေအောင် အဲဒီလို အာမခံ ထားတဲ့ အေသင်မြို့ရဲ့ ဖွဲ့စည်းပုံဥပဒေ အောက်မှာ မြို့ရဲ့ စည်းလုံးညီညွတ်မှု ဟာလည်းပဲ အမြဲတမ်း ခိုင်မာနေမယ် ဆိုတာ ယုံမှားစရာ မရှိတော့ပါဘူး။ Cleisthenes ရဲ့ ယူဆချက်ကတော့ ဒီနည်း အားဖြင့် လူတစုကသာ နိုင်ငံရေး အတွေ့အကြုံတွေကို ရရှိပြီး နိုင်ငံ့ အရေးကို သူတို့သာ လုပ်တတ်တယ် တခြားလူတွေက ငတုံးငအ တွေမို့ နိုင်ငံ့အရေး နဲ့ ပတ်သက်လာရင် ဘာမှ နားမလည်ဘူး ဆိုတာမျိုး၊ လူတစု ကသာ အမိန့်ပေးတဲ့ လူတစု နိုင်ငံရေး မဟုတ်တော့ပဲ လူတိုင်းဟာ နိုင်ငံရေး အတွေ့ အကြုံတွေကို တန်းတူ ညီတူ တိုက်ရိုက်ကျကျ ရရှိလာနိုင် ကြမယ်လို့ ယုံကြည်တာ ဖြစ်ပါတယ်။ အဲဒီလို လူတဦးချင်းဆီရဲ့ ပုဂ္ဂလ္လိက အကျိုးစီးပွားနဲ့ ဆက်နွှယ်ထားတဲ့ တိုက်ရိုက် ဒီမိုကရေစီ စနစ်အောက်မှာ နေရတဲ့ နိုင်ငံသားတွေဟာ ဘယ်သူကမှ ဒီစနစ်ကြောင့် နစ်နာ ဆုံးရှုံးတာ မရှိနိုင်တဲ့ အတွက် ဒီစနစ် ခိုင်မာ သထက် ခိုင်မာရေးကိုသာ နှလုံးသွင်းပြီး ဒီစနစ်ကို ဖျက်လိုဖျက်စီးလုပ်ဖို့ ကြံရွယ်တာ၊ ကိုယ်ထိ လက်ရောက် လုပ်ဆောင် ကြိုးပမ်း တာမျိုး မရှိနိုင်ဘူးလို့ ကလေ့စ်သနစ် က ယုံကြည် ယူဆတယ်။

ကလေ့စ်သနစ် ရဲ့ ပြုပြင်ပြောင်းလဲရေး လုပ်ငန်းတွေဟာ အရင်က မင်းဆိုး မင်းညစ်တွေ တဗိုလ်ဆင်း တဗိုလ်တက်ပြီး
ပြုပြင်ပြောင်းလဲရေးတွေ လုပ်ခဲ့တာနဲ့ လုံးလုံးလျားလျား ကွာခြားသွားပါတယ်။ ဘယ်သူမှ မလုပ်ခဲ့ဘူးတဲ့ အပြောင်းအလဲတွေ ဖြစ်တဲ့အတွက် အေသင်လူ့ အဖွဲ့အစည်းကို အခြေခံကစ လှန်လှော်ပြီး တော်လှန် ပြောင်းလဲမှု ပြစ်လိုက်တာဖြစ်တယ်။ အဲဒီ တော်လှန်ပြောင်းလဲမှုထဲမှာ အရေးပါတဲ့ အချက်တခု ကတော့ ကလေ့စ်သနစ် ဟာ နဂိုရှိရင်းစွဲ၊ Solon ဖန်တီးခဲ့တဲ့ လူတန်းစား ၄ ရပ်ကို ဖျက်သိမ်းပြီး အေသင်မြို့သားတွေကို မျိုးနွယ်စု (၁၀) ခုအဖြစ် ခွဲလိုက်တာဖြစ်တယ်။ Solon အုပ်ချုပ်တဲ့ ခေတ် ကာလတုန်းက ပင်လယ်ကမ်းခြေမှာ နေထိုင်တဲ့ လူလတ်တန်းစား တွေနဲ့ လယ်သမားတွေက သူ့ရဲ့ ပြုပြင်ပြောင်းလဲရေးကို ကြိုဆိုခဲ့ကြပေမယ့် ကုန်းတွင်းပိုင်း မြေပြန့်ဒေသမှာ နေထိုင်ကြတဲ့ ပဒေသရာဇ် အနွယ်တွေ၊ မြို့စားတွေ၊ လူဂုဏ်တန် အသိုင်းအဝိုင်းတွေ ကတော့ ပဒေသရာဇ်စနစ် ကိုသာ ပြန်လည် ထူထောင် လိုကြပါတယ်။ ကလေ့စ်သနစ် ကတော့ လူတန်းစားတွေနဲ့ ဒေသတွေကို ရောသမမွှေပြီး ဘယ်ဒေသ၊ ဘယ်လူတန်းစားကမှ အပေါ်စီးယူ ဗိုလ်ကျ စိုးမိုးတာမျိုးမရှိ အောင်ဖန်တီးခဲ့ပါတယ်။ ဇယားကိုကြည့်ပါ။ ကလေ့စ်သနစ် ဖန်တီးလိုက်တဲ့ မျိုးနွယ်စု (၁၀) ခုအနက် မျိုးနွယ်စု အုပ်စုဝင်တိုင်း ဟာအေသင်ရဲ့ ဒေသကြီး ၃ ခုစလုံးကို ခွပြီး ခြွဲခားထားတာဖြစ်တဲ့ အတွက် မျိုးနွယ်စုတိုင်းမှာ ဒေသကြီး (၃) ခုစလုံးက လူတွေ ပါဝင်စေတယ်။ အေသင်မြို့သား အားလုံးဟာ ဘာသာကိုးကွယ် ယုံကြည်မှုကလည်း တခုတည်း ဖြစ်နေတဲ့ အပြင် စစ်တိုက်ရာမှာလည်း တပ်ရင်း အလိုက် ခွဲထားတာမို့ နိုင်ငံရဲ့ ဒေသနဲ့ မျိုးနွယ် ဖွဲ့စည်းပုံဟာ အေသင်မြို့ နိုင်ငံ အပေါ်မှာ သစ္စာ စောင့်သိမှုကို တိုးပွားစေပြီး ဒေသစွဲတွေနဲ့ ကွဲပြားတာ၊ ကွဲပြဲတာကိုပါ လျော့နည်းစေမှာဖြစ်တယ်။

နောက်ပြီး မျိုးနွယ်စု (၁၀) ခုအနက် မျိုးနွယ်စု တခုစီ ကနေ လူ (၅၀) စီမဲနှိုက်ရွေးကောက်ထားတဲ့ မြို့အုပ်ချုပ်ရေး ကောင်စီဝင် ၅၀၀ (၅၀x၁၀=၅၀၀) က အုပ်ချုပ်ရာမှာလည်း မျိုးနွယ်စု တခုစီ အလိုက် မဲရထားတဲ့ ကောင်စီဝင် လူ ၅၀ က တနှစ်တာ ကာလအတွင်း (၃၆.၅) ရက်စီ အလှည့်ကျ အုပ်ချုပ်စေတာ ဖြစ်တယ်။ (၃၆.၅) ရက်ဆိုတာ တနှစ်တာ ကာလရဲ့ (၁၀) ပုံ (၁) ပုံဖြစ်တဲ့ အတွက် တနှစ်တာ ကာလအတွင်း မျိုးနွယ်စု (၁၀) မျိုးထဲက မျိုးနွယ်စုတိုင်းက သူ့အလှည့်နဲ့သူ အုပ်ချုပ်သွားရတာ ဖြစ်ပါတယ်။ တကြိမ်ထဲမှာ မျိုးနွယ်စုတိုင်း ကလည်း မြို့တွင်းရယ်၊ ကမ်းခြေရယ်၊ ကုန်တွင်းပိုင်းရယ် ဆိုပြီး ဒေသ ၃ ခု စလုံးမှာ ပါဝင်နေကြပြန်တဲ့ အတွက် ဘယ်မျိုးနွယ်စု ကပဲ မြို့ကို အုပ်ချုပ်ဖို့ အလှည့် ကျကျ ဒေသကြီး (၃) ခုစလုံး ကပါ ပါဝင်နေပြန်တာ ဆိုတော့ ဒေသ တခုခုက အမြဲ ကြီးစိုးနေတာမျိုး၊ ဗိုလ်ကျနေတာမျိုး၊ နိုင်ငံ့ အရေးကို မောင်ပိုင်စီးဖို့ ကုတ်ချောင်းကုတ်ချောင်းနဲ့ တခါးပိတ်ပြီး တတွတ်တွတ်နဲ့ တီးတိုး လှို့ဝှက် ကြိုတင် ကြံစည်တာမျိုး မရှိနိုင်တဲ့ အတွက် မျိုးနွယ်တွေ၊ ဒေသတွေ အကြား အေသင်နိုင်ငံသား အားလုံးတို့ အကြားမှာ အထင်အမြင် လွဲမှားတာ မယုံသင်္ကာ ဖြစ်တာ မျိုးမရှိနိုင်ဘူး။ အခုခေတ်စကားနဲ့ ဆိုရင် ထင်သာ မြင်သာဖြစ်တယ်၊ ပွင့်လင်းမြင်သာတယ် transparency ရှိလာတယ်။ အဲဒီလို transparency ရှိလာတဲ့ အခါကြတော့ အချင်းချင်း အပြန်အလှန် ယုံကြည်မှု တွေကလည်း မြင့်တက်လာတယ်။ အပြန်အလှန် ယုံကြည်မှုတွေ မြင့်တက်လာတာနဲ့ အမျှ နိုင်ငံသား အားလုံးရဲ့ စည်းလုံးညီညွတ်မှု ခွန်အား ကလည်း မြင့်တက်လာတယ်၊ စည်းလုံးမှုခိုင်မာလာတာနဲ့ အမျှ နိုင်ငံ့ အရေးကိ်ု နှစ်နှစ်ကာကာ စိတ်ပါ လက်ပါ ဆောင်ရွက်ဖို့ အတွက် လူတိုင်း၊ နိုင်ငံသားတိုင်းက တက်ကြွလာတယ်၊ တိုင်းပြည်နဲ့ လူမျိုးရဲ့ နိုင်ငံရေး အဆင့်အတန်း နိုင်ငံရေး ရေချိန်ဟာလည်းပဲ ဟိုး အရင်က လက်တစုပ်စာ လူနည်းစုက ချယ်လှယ်ခဲ့တဲ့ ခေတ်နဲ့ စာရင် အောက်တန်းမကျတော့ဘူး၊ အဆင့်အတန်းမြင့်လာတယ် …. စသည်ဖြင့် ကောင်းမွန်တဲ့ နိုင်ငံရေး အကျိုးအမြတ် တွေကို တွေ့လာရပါတယ်။

အဲဒါအပြင် အေသင်ရဲ့ တိုက်ရိုက် ဒီမိုကရေစီစနစ်ဟာ အင်မတန် ကောင်းမွန် လာတာနဲ့အမျှ၊ အောင်လည်း အောင်မြင်လာတာနဲ့ အမျှ ဂရိခေါမခေတ် တခြား ဂရိမြို့နိုင်ငံ တော်တော်များများကလည်း အတုယူ လာကြ ပါတော့တယ်။ အဲဒီလိုနဲ့ ဒီမိုကရေစီ အတွေးအခေါ်ဟာ ဂရိ နိုင်ငံ တဝှမ်းမှာ တဖြည်းဖြည်း ပြန့်နှံ့လာ ခဲ့ပါတယ်။ အေသင်ဒီမိုကရေစီရဲ့ ဒီနေ့ခေတ် မျိုးဆက်သစ်တွေ အတွက်ပါ စိတ်ဝင်စား စရာကောင်းတဲ့ သတင်း စကားတွေနဲ့ အရေးကြီးလှတဲ့ သမိုင်း အချက်အလက်တွေကို ဆက်လက် ဆွေးနွေး တင်ပြသွား ပါမယ်။

Play

Posted by Zogamnuam

September 29th, 2012 at 7:29 pm

Posted in Athen History

Page 16 of 20« First...10141516171820...Last »